መጽሐፈ ዮዲት 3 - የአማርኛ መጽሐፍ ቅዱስ (ሰማንያ አሃዱ)

የሰላም መልእክተኞች

¹ እንዲህም ብለው የሰላም መልእክተኞችን ወደ እርሱ ላኩ።

² “እነሆ፥ እኛ የገናናው ንጉሥ የናቡከደነፆር ባሮች በፊትህ እንኖራለን። በፊትህም እንደ ወደድህ አድርገን።

³ እነሆ፥ ከተሞቻችንና አንባዎቻችንም ሁሉ፥ እርሻችንም ሁሉ፥ መንጋዎቻችንም፥ የመሰማሪያችን ቦታዎች ሁሉ፥ በጎቻችንም በፊትህ ያንተ ናቸው፤ እንደ ወደድህም አድርግ።

⁴ እነሆ ታላላቆች ከተሞቻችን በእነርሱ የሚኖሩ ሰዎች ባሮችህ ናቸው፤ መጥተህም እንደ ወደድህ አድርግ።”

⁵ እነዚያም ሰዎች ወደ ሆሎፎርኒስ ደርሰው ይህን ነገር ነገሩት።

⁶ እርሱም ወደ መንደራቸው ወረደ፤ ሠራዊቱም ከእርሱ ጋር ወረዱ ከፍ ከፍ ያሉ አንባዎችንም አስጠበቀ፥ ከእነርሱም የሚረዱትን የተመረጡ ሰዎችን ወሰደ።

⁷ ወገኖቻቸው ሁሉና እነርሱም አክሊል ደፍተው እየዘፈኑ፥ በገና እየደረደሩና ከበሮ እየመቱ ተቀበሉት።

⁸ እርሱ ግን አውራጃቸውን ሁሉ አጠፋ፤ ጣዖቶቻቸውንም ሰበረ፤ አሕዛብም ሁሉ ናቡከደነፆርን ብቻ እንዲያመልኩት፥ ቋንቋዎችና ነገዶች ሁሉ አምላክ እንዲሉት እርሱ የሰውን ሁሉ ጣዖት ያጠፋ ዘንድ ታዝዞ ነበር።

⁹ በትልቁ በይሁዳ ተራራ አንፃር የገባኢያ ዕጣ ወደሚሆን ወደ ኤስድራሎንም መጣ።

¹⁰ በሴቅቶን ከተማና በጌባን ሜዳ መካከልም ሰፈረ፤ ለሠራዊቱም ስንቅ ያዘጋጅ ዘንድ በዚያ አንድ ወር ተቀመጠ።

跟着我们：

赞助商链接