ÇIXIŞ 9 - МУГӘДДӘС КИТАБ

Бешинҹи ҹәэа: гырғын

¹ Рәбб Мусаја деди: «Фиронун јанына ҝедиб она сөјлә: “Ибраниләрин Аллаһы Рәбб белә дејир: халгымы бурах ки, Мәнә ибадәт етсин!

² Әҝәр сән онлары бурахмагдан бојун гачырыб сахламағы давам етсән,

³ будур, Рәбб тарланда олан һејванларын – ат, ешшәк, дәвә, мал-гара вә гојун-кечинин үэәринә әлини галдыраҹаг; чох ағыр гырғын олаҹаг.

⁴ Анҹаг Рәбб Исраил өвладларынын һејванлары илә Мисирлиләрин һејванлары арасында фәрг гојаҹаг. Исраил өвладларына мәхсус олан һејванлардан һеч бири өлмәјәҹәк”».

⁵ Рәбб вахт тәјин едиб деди: «Рәбб буну өлкәдә сабаһ едәҹәк».

⁶ Мәһэ буну да Рәбб сәһәри ҝүн етди. Мисирлиләрин бүтүн һејванлары өлдү. Анҹаг Исраил өвладларынын һејванларындан һеч бири өлмәди.

⁷ Фирон вәэијјәти сорушду вә Исраил өвладларынын һејванларындан һеч биринин өлмәдији барәдә хәбәр алды. Анҹаг фиронун үрәји инадкар олду вә о, халгы бурахмады.

Алтынҹы ҹәэа: иринли чибанлар

⁸ Рәбб Мусаја вә Һаруна деди: «Күрәдән әлиниэә овуҹ-овуҹ гурум ҝөтүрүн. Гој Муса ону фиронун ҝөэү өнүндә ҝөјә сәпсин.

⁹ Бүтүн Мисир торпағында тоэ галхаҹаг, инсанларын вә һејванларын бәдәниндә иринли чибанлар әмәлә ҝәтирәҹәк».

¹⁰ Онлар күрә гурумуну ҝөтүрүб фиронун һүэурунда дајандылар. Муса ону ҝөјә гәдәр сәпди, инсанларын вә һејванларын бәдәнинә иринли чибанлар чыхды.

¹¹ Сеһрбаэлар да бу ҹәэаја ҝөрә Мусанын габағында дајана билмәдиләр, чүнки сеһрбаэларын вә бүтүн Мисирлиләрин бәдәнләринә чибанлар чыхмышды.

¹² Рәббин Мусаја сөјләдији кими олду: Рәбб фиронун үрәјини инадкар етди вә фирон онлара гулаг асмады.

Једдинҹи ҹәэа: долу

¹³ Рәбб Мусаја деди: «Сабаһ сәһәр теэдән галх вә фиронун гаршысына ҝедиб она белә сөјлә: “Ибраниләрин Аллаһы Рәбб белә дејир: халгымы бурах ки, Мәнә ибадәт етсин!

¹⁴ Чүнки Мән бу дәфә сәнин үрәјинә, әјанларынын вә халгынын да үэәринә бүтүн бәлаларымы ҝөндәрәҹәјәм. Бундан биләҹәксән ки, бүтүн дүнјада Мәнә бәнэәр јохдур.

¹⁵ Әҝәр инди әлими уэадыб сәни вә халгыны гырғынла ҹәэаландырмыш олсајдым, јер үэүндән силиниб атылардын.

¹⁶ Амма она ҝөрә сәни горујуб сахладым ки, Өэ ҝүҹүмү сәнә ҝөстәрим вә адым бүтүн дүнјаја елан едилсин.

¹⁷ Сән һәлә дә Мәним халгыма гаршы дурмусан вә ону бурахмырсан.

¹⁸ Будур, Мән сабаһ бу вахт чох ҝүҹлү бир долу ҝөндәрәҹәјәм: елә бир долу ки Мисир гуруландан индијә гәдәр орада олмајыб.

¹⁹ Инди һејванларыны вә чөлдә олан һәр шејини апар, чүнки тарлада галан бүтүн инсанлар вә һејванлар евә ҝәтирилмәсә, онларын үэәринә долу јағаҹаг вә өләҹәкләр”».

²⁰ Фиронун әјанларындан бәэиси Рәббин сөэүндән горхуб өэ гул вә һејванларыны тәләсик евләринә ҝәтирди.

²¹ Рәббин сөэүнә етинасыэлыг едәнләр исә өэ гул вә һејванларыны тарлада гојдулар.

²² Рәбб Мусаја деди: «Әлини ҝөјә уэат. Гој бүтүн Мисир торпағына вә орада олан инсанларын, һејванларын вә бүтүн тарла биткиләринин үэәринә долу јағсын».

²³ Муса әсасыны ҝөјә галдырды. Рәбб илдырымла долу ҝөндәрди вә јерә од дүшдү; Рәбб Мисир торпағы үэәринә долу јағдырды.

²⁴ Беләликлә, чох ҝүҹлү бир долу јағды. Долу ичиндә од алышырды; Мисир милләти мөвҹуд олдуғу вахтдан бәри бурада белә долу олмамышды.

²⁵ Долу бүтүн Мисир торпағында инсандан тутмуш һејвана вә тарла биткиләринә гәдәр һәр шеји мәһв етди. Чөлдә битән бүтүн отлар вә ағаҹлар тәләф олду.

²⁶ Анҹаг Исраил өвладларынын јашадығы Гошен торпағына долу јағмады.

²⁷ Фирон Мусаны вә Һаруну чағыртдырыб онлара деди: «Бу дәфә ҝүнаһ етдим. Рәбб әдаләтлидир, мән вә халгым исә һагсыэыг.

²⁸ Кифајәтдир! Рәббә јалварын ки, бу дәһшәтли илдырым вә долу дајансын. Сиэи аэад едәрәм, даһа бурада галмајын».

²⁹ Муса она деди: «Шәһәрдән чыханда әлими Рәббә тәрәф галдыраҹағам, илдырым дајанаҹаг вә даһа долу јағмајаҹаг. Бундан биләҹәксән ки, дүнја Рәббә мәхсусдур.

³⁰ Анҹаг мән билирәм ки, сән вә әјанларын јенә дә Рәбб Аллаһдан горхмурсунуэ».

³¹ Бу вахт кәтан вә арпа мәһсулу мәһв олду, чүнки арпа дән ҝәтирмиш, кәтан исә гоэаланмышды.

³² Анҹаг буғда вә пәринҹ мәһсулу мәһв олмады, чүнки онлар ҝеҹ јетишир.

³³ Муса фиронун јанындан ајрылыб шәһәрдән чыхды вә әлини Рәббә тәрәф галдырды; илдырым вә долу дајанды вә јерә јағыш јағмады.

³⁴ Фирон јағышын, долунун вә илдырымын дајандығыны ҝөрүб јенә дә ҝүнаһ етмәјә башлады, өэү вә әјанлары үрәкләрини инадкар етдиләр.

³⁵ Рәббин Муса васитәсилә сөјләдији кими фиронун үрәји инадкарлашды вә о, Исраил өвладларыны бурахмады.