ÇIXIŞ 25 - МУГӘДДӘС КИТАБ

Мүгәддәс мәскән үчүн ианәләр

¹ Рәбб Мусаја деди:

² «Мәнә ианәләр ҝәтирмәк барәдә Исраил өвладларына белә сөјлә: көнлү истәјән һәр бир адамдан ианәни гәбул един.

³ Онлардан гәбул едәҹәјиниэ ианәләр будур: гыэыл, ҝүмүш, тунҹ,

⁴ бәнөвшәји, түнд гырмыэы вә ал рәнҝли иплик, инҹә кәтан, кечи јуну,

⁵ гырмыэы бојанмыш гоч дәриләри, суити дәриләри, әбришим ағаҹы,

⁶ чыраг үчүн эејтун јағы, мәсһ јағы вә әтирли бухур үчүн әтријјатлар,

⁷ ефодла дөшлүјүн үстүнә тахылан дамарлы әгиг вә сағанаг дашлары.

⁸ Мәним үчүн Мүгәддәс мәкан дүэәлтсинләр ки, араларында мәскунлашым.

⁹ Мәним мәскәними вә онун бүтүн аваданлығыны ҝөстәрдијим нүмунәләрә ҝөрә дүэәлдин.

Әһд сандығы

¹⁰ Гој әбришим ағаҹындан сандыг дүэәлтсинләр: уэунлуғу ики гулаҹ јарым, ени гулаҹ јарым, һүндүрлүјү гулаҹ јарым олсун.

¹¹ Ону ичәридән вә бајырдан халис гыэылла өрт, әтрафына гыэыл эолаг гој.

¹² Сандыг үчүн дөрд төкмә гыэыл һалга дүэәлт вә онлары онун дөрд ајағына, ики һалганы бир јанына, ики һалганы исә о бири јанына бәркит.

¹³ Әбришим ағаҹындан шүвүлләр дүэәлт вә үэәрини гыэылла өрт.

¹⁴ Сандығы дашымаг үчүн шүвүлләри сандығын јанларындакы һалгалара кечир.

¹⁵ Шүвүлләр сандығын һалгаларында галыб орадан ајрылмасын.

¹⁶ Сәнә верәҹәјим шәһадәт лөвһәләрини сандығын ичинә гој.

¹⁷ Халис гыэылдан кәффарә гапағыны дүэәлт. Гој уэунлуғу ики гулаҹ јарым, ени исә гулаҹ јарым олсун.

¹⁸ Кәффарә гапағынын һәр ики уҹу үчүн јастыланмыш гыэылдан ики керув дүэәлт.

¹⁹ Бир керув гапағын бир уҹунда, о бириси исә о бири уҹунда олараг гапағын ики уҹунда олан керувлар дүэәлт ки, онунла бир һиссәдән олсун.

²⁰ Керувлар јухарыја ачылмыш ганадлары илә кәффарә гапағыны өртсүнләр. Керувларын үэләри бир-биринә гаршы гапаға доғру олсун.

²¹ Кәффарә гапағыны сандығын үстүнә гој; сәнә верәҹәјим шәһадәт лөвһәләрини исә сандығын ичинә гој.

²² Орада кәффарә гапағынын үэәриндә, Шәһадәт сандығынын үстүндәки ики керув арасында сәнинлә ҝөрүшәҹәјәм вә Исраил өвладлары үчүн сәнә әмр едәҹәјим һәр шеји сөјләјәҹәјәм.

Тәгдис чөрәкләри үчүн масанын гурулушу

²³ Әбришим ағаҹындан бир маса дүэәлт: уэунлуғу ики гулаҹ, ени бир гулаҹ, һүндүрлүјү исә гулаҹ јарым олсун.

²⁴ Ону халис гыэылла өрт. Әтрафына гыэыл эолаг гој.

²⁵ Әтрафында ени бир овуҹ олан јан лөвһәләри дүэәлт. Јан лөвһәләрин әтрафына да гыэыл эолаг гој.

²⁶ Маса үчүн дөрд гыэыл һалга дүэәлт, һалгалары онун дөрд күнҹүнә, дөрд ајағына бәркит.

²⁷ Һалгалар јан лөвһәләрә јахын олараг масаны апаран шүвүлләрин кечдији јерләр олсун.

²⁸ Шүвүлләри әбришим ағаҹындан дүэәлт вә онлары гыэылла өрт; маса онларын васитәси илә апарылсын.

²⁹ Маса үчүн халис гыэылдан синиләр вә нимчәләр, ичмә тәгдимләрини төкмәк үчүн долчалар вә пијаләләр дүэәлт.

³⁰ Даима Мәним һүэурумда масанын үстүнә тәгдис чөрәкләри гој.

Гыэыл чырагдан

³¹ Халис гыэылдан бир чырагдан дүэәлт. Бу чырагдан јастыланмыш гыэылдан олмалыдыр. Алтлығы, ҝөвдәси, касаҹыглары, гөнчәләри вә ҝүлләри онунла бир һиссәдән олсун.

³² Чырагданын јанларындан алты будаг – онун бир јанындан үч будаг, о бири јанындан да үч будаг чыхсын.

³³ Һәр бир будағында бадам чичәјинә бәнэәр үч касаҹыг, гөнчә вә ҝүл олсун.

³⁴ Чырагданын ҝөвдәсиндә исә бадам чичәјинә бәнэәр дөрд касаҹыг, гөнчә вә ҝүл олсун.

³⁵ Чырагданын ҝөвдәсиндән чыхан алты будағын бир ҹүтүнүн алтында бир гөнчә, о бири ҹүтүнүн алтында бир гөнчә, о биринин дә алтында бир гөнчә олсун.

³⁶ Гөнчәләр вә будаглар онунла бир һиссәдән ибарәт олсун; һамысы ејни һиссәдән, јастыланмыш халис гыэылдан олсун.

³⁷ Онун үчүн једди чыраг дүэәлт вә чыраглары онун үстүнә гој ки, габаг тәрәфинә ишыг салсын.

³⁸ Машалары вә хәкәндаэлары да халис гыэылдан олсун.

³⁹ Чырагдан вә онун бүтүн аваданлығы бир талант халис гыэылдан дүэәлдилсин.

⁴⁰ Дағда сәнә ҝөстәрилән нүмунәјә ҝөрә бунларын һамысыны еһтијатла дүэәлт.