ÇIXIŞ 18 - МУГӘДДӘС КИТАБ

Јетронун Мусаја баш чәкмәси

¹ Мидјанлыларын каһини олан Мусанын гајынатасы Јетро Аллаһын Муса вә халгы Исраил үчүн ҝөрдүјү бүтүн ишләри, Рәббин Исраили Мисирдән чыхартдығыны ешитди.

² Мусанын гајынатасы Јетро Мусанын арвады Сиппораны ики оғлу илә бирҝә ҝери ҝәтирди. Муса әввәлҹәдән арвадыны онун јанына ҝөндәрмишди.

³ Муса «мән јад бир өлкәдә гәриб олдум» дејиб оғланларынын биринин ады Ҝершом гојмушду.

⁴ «Атамын Аллаһы көмәјим олду вә мәни фиронун гылынҹындан гуртарды» дејиб о бирисинин адыны Елиеэер гојмушду.

⁵ Мусанын гајынатасы Јетро, оғуллары вә арвады Мусанын дүшәрҝә салдығы Аллаһын дағы јерләшән сәһраја ҝәлиб,

⁶ бу хәбәри Мусаја ҝөндәрди: «Мән – сәнин гајынатан Јетро, арвадын вә ики оғлунла јанына ҝәлирәм».

⁷ Муса гајынатасынын гаршысына чыхды, тәэим едиб онунла өпүшдү; онлар бир-бирләриндән һал-әһвал тутуб чадыра ҝирдиләр.

⁸ Муса гајынатасына Рәббин Исраил өвладларынын хатиринә фирона вә Мисирлиләрә етдији бүтүн шејләр, јолда чәкдикләри бүтүн әэијјәти вә Рәббин онлары неҹә гуртардығыны нәгл етди.

⁹ Јетро Рәббин Исраил өвладларына етдији бүтүн јахшылыглара вә Мисирлиләрин әлиндән онлары гуртардығына ҝөрә севинди.

¹⁰ Јетро деди: «Сиэи Мисирлиләрин вә фиронун әлиндән гуртаран Рәббә алгыш олсун! Халгы Мисирлиләрин әлинин алтындан гуртаран Одур.

¹¹ Инди билдим ки, Рәбб бүтүн аллаһлардан бөјүкдүр, чүнки онларын өјүндүкләриндән дә үстүн олду».

¹² Сонра Мусанын гајынатасы Јетро Аллаһа јандырма вә үнсијјәт гурбанлары ҝәтирди. Һарун илә Исраил өвладларынын бүтүн ағсаггаллары Мусанын гајынатасы илә Аллаһын һүэурунда јемәк јемәјә ҝәлдиләр.

Јетронун нәсиһәти

¹³ Ертәси ҝүн Муса отуруб халга һакимлик едирди. Халг да сәһәрдән ахшамадәк Мусанын әтрафында дајанмышды.

¹⁴ Гајынатасы Мусанын халг үчүн нә етдијинә бахыб деди: «Нә үчүн бу халга белә едирсән? Нијә сән тәк отурурсан вә бүтүн халг сәһәрдән ахшамадәк әтрафында дајаныб ҝөэләјир?»

¹⁵ Муса гајынатасына деди: «Она ҝөрә ки халг Аллаһдан сорушмаг үчүн мәним јаныма ҝәлир.

¹⁶ Һәлл олунмалы мәсәләләри олан адамлар јаныма ҝәләндә араларында гәрар чыхарырам. Аллаһын гајда-ганунларыны да онлара билдирирәм».

¹⁷ Мусанын гајынатасы она деди: «Ҝөрдүјүн иш јахшы дејил.

¹⁸ Әлбәттә, һәм сән, һәм дә сәнинлә олан халг үэүләрсиниэ. Ахы бу иш сәнин үчүн ағырдыр, ону тәкбашына едә билмәэсән.

¹⁹ Инди сөэүмә гулаг ас, сәнә бир мәсләһәт верим. Гој Аллаһ сәнә јар олсун! Сән бу халга ҝөрә Аллаһын һүэурунда дајан вә ишләрини дә Она чатдыр.

²⁰ Онлары гајда-ганунлар барәсиндә хәбәрдар ет, ҝедәҹәкләри јолу вә ҝөрәҹәкләри иши ҝөстәр.

²¹ Бүтүн халг арасындан баҹарыглы, Аллаһдан горхан, етибарлы, һарам гаэанҹа нифрәт едән адамлары сеч. Онлары минбашы, јүэбашы, әллибашы, онбашы тәјин ет ки,

²² халгы һәр эаман мүһакимә етсинләр. Гој һәр бөјүк иши сәнин јанына ҝәтирсинләр, һәр кичик ишә исә өэләри һакимлик етсинләр. Беләҹә өэ јүкүнү јүнҝүлләшдир. Гој о адамлар бу јүкү сәнинлә дашысынлар.

²³ Әҝәр белә етсән, Аллаһ да сәнә белә әмр етсә, дөэә биләрсән. Бүтүн халг да раэы олуб өэ јеринә ҝедәр».

²⁴ Муса гајынатасы дејән сөэләрә гулаг асыб әмәл етди.

²⁵ Бундан сонра Муса Исраил өвладлары арасындан баҹарыглы адамлар сечди вә онлардан халга башчы – минбашылар, јүэбашылар, әллибашылар, онбашылар тәјин етди.

²⁶ Онлар һәр вахт халгы мүһакимә едирдиләр. Чәтин ишләри исә Мусанын јанына ҝәтирир, һәр кичик иши исә өэләри мүһакимә едирдиләр.

²⁷ Сонра Муса гајынатасыны јола салды, о да өэ өлкәсинә ҝетди.