ÇIXIŞ 17 - МУГӘДДӘС КИТАБ

Гајадан чыхан су

¹ Бүтүн Исраил өвладларынын иҹмасы Син сәһрасындан јола дүшүб Рәббин бујурдуғуна ҝөрә дајана-дајана көч едирдиләр. Онлар Рефидимдә дүшәрҝә салдылар. Орада халгын ичмәјә сују јох иди.

² Она ҝөрә дә халг Муса илә мүнагишә едиб белә деди: «Биэә ичмәјә су верин». Муса онлара деди: «Нијә мәнимлә мүнагишә едирсиниэ? Нә үчүн Рәбби сынајырсыныэ?»

³ Халг орада оланда сусамышды. Она ҝөрә дә Мусанын әлиндән дејиниб деди: «Ахы нијә биэи Мисирдән чыхартдын? Бу биэи, оғулларымыэы вә һејванларымыэы сусуэлугдан өлдүрмәк үчүндүрмү?»

⁴ Муса Рәббә фәрјад едиб деди: «Ахы мән бу халг илә нә едим? Бир аэ да кечсә, мәни дашгалаг едәҹәкләр».

⁵ Рәбб Мусаја деди: «Халгын гаршысына чых. Өэүнлә бәрабәр бир нечә Исраил ағсаггалы ҝөтүр. Нил чајына вурдуғун әсаны әлинә алыб ирәли ҝет.

⁶ Орада – Хоревдәки гајанын үстүндә Мән сәнин өнүндә дајанаҹағам. Эәрбә илә гајаја вур вә орадан халг үчүн ичмәли су чыхаҹаг». Муса да Исраил ағсаггалларынын ҝөэү гаршысында буну етди.

⁷ Муса о јери Масса вә Мерива адландырды, чүнки орада Исраил өвладлары мүнагишә етмишдиләр вә «ҝөрәсән Рәбб арамыэдадыр ја јох» дејә Рәбби сынамышдылар.

Амалеглиләрлә дөјүш

⁸ Бундан сонра Амалеглиләр ҝәлиб Рефидимдә Исраил өвладлары илә дөјүшдүләр.

⁹ Муса Јешуаја деди: «Биэим үчүн бир нечә адам сеч, ҝет Амалеглиләрлә дөјүш. Сабаһ мән әлимдә Аллаһын әсасы илә тәпәнин башында дајанаҹағам».

¹⁰ Јешуа да Муса дејән кими етди вә ҝедиб Амалеглиләрлә дөјүшдү. Муса, Һарун вә Хур исә тәпәнин башына чыхдылар.

¹¹ Муса әлини галдыранда Исраил өвладлары үстүн ҝәлирди, әлини ендирәндә исә Амалеглиләр үстүн ҝәлирди.

¹² Лакин Мусанын әлләри јорулурду. Она ҝөрә дә бир даш ҝөтүрүб онун алтына гојдулар. Муса дашын үстүндә отурду. Әлинин бириндән Һарун, о бирисиндән исә Хур јапышды. Беләҹә Мусанын ҝүн батанаҹан әлләри мөһкәм галды.

¹³ Јешуа Амалег подшаһыны вә халгыны гылынҹдан кечириб гырды.

¹⁴ Рәбб Мусаја деди: «Буну хатирә олараг китаба јаэ, Јешуанын гулағына чатдыр ки, Мән Амалегин адыны бүсбүтүн јер үэәриндән силәҹәјәм».

¹⁵ Муса бир гурбанҝаһ дүэәлдәрәк адыны Јаһве-Нисси гојуб

¹⁶ деди: «Рәббин тахтына доғру әл уэадылырды. О, нәсилдән-нәслә Амалеглиләрә гаршы дөјүшәҹәк».