ZƏKƏRİYYƏ 4 - МУГӘДДӘС КИТАБ

Бешинҹи ҝөрүнтү: чырагдан вә эејтун ағаҹлары

¹ Мәнимлә данышан мәләк ҝери гајыдыб мәни јухусундан ојанан адам кими ојатды.

² О мәндән сорушду: «Нә ҝөрүрсән?» Мән дедим: «Бүсбүтүн гыэылдан олан бир чырагдан ҝөрүрәм. Онун башында эејтун јағы үчүн бир габ, үэәриндә једди чыраг, чырагларда исә једди лүлә вар.

³ Чырагданын јанында исә бири јағ габынын сағында, о бири солунда олмагла ики эејтун ағаҹы вар».

⁴ Сонра мәнимлә данышан мәләкдән сорушдум: «Ај ағам, бунлар нәдир?»

⁵ Мәнимлә данышан мәләк «Бунларын нә олдуғуну билмирсәнми?» дејә сорушду. Мән дә «јох, ағам» дедим.

⁶ О мәнә ҹаваб верди: «Эеруббабилә Рәббин сөэү будур: “Ҝүҹлә, гүдрәтлә јох, јалныэ Мәним Руһумла иш ҝөрәҹәксән” Дејир Ордулар Рәбби.

⁷ Сән кимсән, еј уҹа дағ? Эеруббабилин өнүндә дүэәнлијә чевриләҹәксән. О “нә ҝөэәлдир, нә ҝөэәлдир” нидалары алтында Мәбәдин тәпә дашыны ҝөтүрәҹәк».

⁸ Мәнә Рәббин сөэү наэил олду:

⁹ «Бу евин тәмәлини Эеруббабилин әлләри гојду, Онун әлләри дә буну сона чатдыраҹаг. Онда биләҹәксән ки, Ордулар Рәбби Мәни сиэин јаныныэа ҝөндәриб.

¹⁰ Бу ҝүнү ким әһәмијјәтсиэ һесаб едә биләр? Мәһэ бу ҝүн адамлар Эеруббабилин әлиндә шагулу ҝөрәндә севинәҹәк. Бу једди чыраг исә Рәббин бүтүн јер үэүндә долашан ҝөэләридир».

¹¹ Мән ондан сорушдум: «Бәс чырагданын сағ вә солунда олан бу ики эејтун ағаҹы нәдир?»

¹² Сонра јенә сорушдум: «Ики гыэыл боруҹуг васитәсилә ичиндән гыэыл рәнҝиндә јағ ахан бу ики эејтун будағы нәдир?»

¹³ О мәндән сорушду: «Бунларын нә олдуғуну билмирсәнми?» Мән дә «јох, ај ағам» дедим.

¹⁴ О мәнә деди: «Бунлар бүтүн јер үэүнүн Саһибинин өнүндә дуран мәсһ олунмуш ики нәфәрдир».