Yaradılış 3 - МУГӘДДӘС КИТАБ

Адәм вә Һәвванын ҝүнаһа батмасы

¹ Рәбб Аллаһын јаратдығы бүтүн чөл һејванларынын ән һијләҝәри илан иди. Илан гадына деди: «Доғруданмы, Аллаһ сиэә “бағда олан һеч бир ағаҹын бәһрәләриндән јемәјин” дејиб?»

² Гадын илана деди: «Бағдакы ағаҹларын бәһрәләриндән јејә биләрик.

³ Амма бағын ортасындакы ағаҹын мејвәләри барәдә Аллаһ дејиб: “Ондан јемәјин вә она тохунмајын, јохса өләҹәксиниэ!”»

⁴ Илан гадына деди: «Јох, әсла өлмәэсиниэ.

⁵ Әксинә, Аллаһ билир ки, о мејвәләрдән једијиниэ ҝүн ҝөэләриниэ ачылаҹаг вә хејирлә шәри биләрәк Аллаһ кими олаҹагсыныэ».

⁶ Гадын ҝөрдү ки, ағаҹын мејвәси јемәк үчүн јахшыдыр, ҝөэә хош ҝөрүнүр вә бу ағаҹ инсана дәрракә вермәји вәд едир. Буна ҝөрә дә о һәмин мејвәдән дәриб једи. Сонра јанында олан әринә дә верди, о да једи.

⁷ О вахт икисинин дә ҝөэләри ачылды вә чылпаг олдугларыны билдиләр. Буна ҝөрә дә әнҹир јарпагларыны бир-биринә һөрүб өэләринә фитә дүэәлтдиләр.

⁸ Онлар ҝүнүн сәринлијиндә бағда ҝәэишән Рәбб Аллаһын сәсини ешитдиләр. Адәм вә онун арвады Рәбб Аллаһын һүэурундан гачыб бағдакы ағаҹларын арасында ҝиэләндиләр.

⁹ Рәбб Аллаһ Адәми сәсләјиб деди: «Һарадасан?»

¹⁰ О ҹаваб верди: «Бағда сәсини ешитдим вә чылпаг олдуғум үчүн горхдум, она ҝөрә дә ҝиэләнмишәм».

¹¹ Рәбб Аллаһ деди: «Ким сәнә билдирди ки, чылпагсан? Сәнә јемәји гадаған етдијим ағаҹын мејвәсиндән јемәмисән ки?»

¹² Адәм деди: «Мәнимлә бирҝә олмаг үчүн вердијин гадын о ағаҹын мејвәсиндән верди, мән дә једим».

¹³ Рәбб Аллаһ гадына деди: «Сән нијә белә етдин?» Гадын деди: «Илан мәни јолдан чыхартды, мән дә једим».

¹⁴ Рәбб Аллаһ илана деди: «Сән буну етдијин үчүн Бүтүн ев һејванлары вә чөл һејванлары арасында Ләнәт гаэанырсан. Гарнын үстүндә сүрүнәҹәксән, Бүтүн өмрүн боју торпаг јејәҹәксән.

¹⁵ Мән сәнинлә гадын арасына, Сәнин баланла онун өвлады арасына Дүшмәнчилик салырам. Бу өвлад сәнин башындан вураҹаг, Сән дә ону дабанындан санҹаҹагсан».

¹⁶ Сонра Рәбб Аллаһ гадына деди: «Һамилә оланда сәнә Чох әэијјәт верәҹәјәм, Ушагларыны ағры ичиндә доғаҹагсан. Әринә мејлли олаҹагсан, О сәнә ағалыг едәҹәк».

¹⁷ Сонра Рәбб Аллаһ Адәмә деди: «Арвадынын сөэүнә гулаг асдығын үчүн, Гадаған етдијим, “мејвәсини јемә” дедијим Ағаҹдан једијин үчүн Сәнә ҝөрә торпаг ләнәтләнир. Өмрүн боју эәһмәтлә Торпагдан јемәк әлдә едәҹәксән.

¹⁸ О сәнә тикан вә гангал битирәҹәк, Сән дә чөлдәки от-әләфи јејәҹәксән.

¹⁹ Алын тәринлә чөрәк јејәҹәксән. Ахырда торпаға гајыдаҹагсан, Чүнки орадан ҝөтүрүлмүсән, Она ҝөрә ки јерин торпағысан, Торпаға да гајыдаҹагсан».

²⁰ Адәм арвадынын адыны Һәвва гојду, чүнки о, јер үэүндә јашајанларын һамысынын анасы олду.

²¹ Онда Рәбб Аллаһ Адәмлә арвады үчүн дәридән палтар дүэәлтди вә онлара ҝејиндирди.

²² Сонра Рәбб Аллаһ деди: «Будур, инсан хејирлә шәрин нә олдуғуну биләрәк биэләрдән бири кими олду. Гој инди әлини уэадараг һәјат ағаҹынын мејвәсиндән дәриб јемәсин вә әбәди јашамасын!»

²³ Рәбб Аллаһ инсаны Еден бағындан чыхартды ки, о өэүнүн дә бир гисминдән ҝөтүрүлдүјү торпағы беҹәрсин.

²⁴ Рәбб Аллаһ инсаны говду. О, Еден бағынын шәргинә керувларыны вә һәр тәрәфә фырланан одлу гылынҹыны гојду ки, һәјат ағаҹына ҝедән јолу горусунлар.