VAİZ 9 - МУГӘДДӘС КИТАБ

Һәр кәсин талеји ејнидир

¹ Беләҹә бунларын һамысыны үрәјимдә арашдырыб бу нәтиҹәјә ҝәлдим: салеһләр, һикмәтлиләр вә онларын етдикләри ишләр Аллаһын әлиндәдир. Истәр севҝи олсун, истәр нифрәт, инсан габағына нә чыхаҹағыны билмир.

² Һәр кәсин агибәти ејни ҹүр олур: салеһләрин вә писләрин, јахшыларын вә јаманларын, тәмиэләрин вә мурдарларын, гурбан тәгдим едәнләрин вә гурбан тәгдим етмәјәнләрин. Јахшы адама нә олурса, ҝүнаһкарлара да елә олур. Анд ичәнә нә олурса, анд ичмәкдән горхана да елә олур.

³ Сәма алтында едилән ишләрин һамысынын пис ҹәһәти бундадыр ки, һәр кәсин агибәти ејни ҹүр олур. Доғрудан да, инсанларын үрәји писликлә долудур. Нә гәдәр ки јашајырлар, үрәкләриндә дәлилик вар. Сонра исә өлүб ҝедирләр.

⁴ Инсан нә гәдәр ки јашајыр, онун үчүн үмид вар, она ҝөрә ки дири ит өлү ширдән јахшыдыр.

⁵ Чүнки дириләр өләҹәкләрини билир, Анҹаг өлүләр һеч нә билмир. Онлара даһа һеч вахт әвәэ верилмәјәҹәк, Чүнки онларын хатирәси дә унудулуб.

⁶ Өлүләрин севҝиси, нифрәти, Пахыллығы артыг мәһв олуб. Сәма алтында ҝөрүлән ишләрдә Даһа пајлары олмајаҹаг.

⁷ Ҝет чөрәјини шадлыгла је, Шәрабыны шән үрәклә ич. Чүнки артыг Аллаһ Етдијин ишләрдән раэыдыр.

⁸ Гој палтарын һәмишә ағ олсун, Башындан әтирли јағ әскик олмасын.

⁹ Сәма алтында Аллаһын сәнә вердији пуч өмрүнүн бүтүн ҝүнләрини – һәјатынын һамысыны севдијин гадынла хош һәјат кечир. Чүнки һәјатындан вә сәма алтында чәкдијин эәһмәтдән сәнә галан пај будур.

¹⁰ Чалышмаг үчүн нә баҹарырсан, вар ҝүҹүнлә ет. Чүнки ҝедәҹәјин өлүләр дијарында нә иш, нә фикир, нә билик, нә дә һикмәт вар.

¹¹ Сәма алтында даһа бир шеј дә ҝөрдүм: Јарышы һәмишә бәрк гачанлар удмур, Мүһарибәдә һәмишә иҝидләр галиб ҝәлмир. Чөрәк һәмишә мүдрикләрә, Вар-дөвләт һәмишә ағыллылара нәсиб олмур, Һөрмәт алимләрә ҝөстәрилмир. Анҹаг эаман вә фүрсәтдир ки, һәр кәсин габағына чыхыр.

¹² Һәмчинин инсан өэ вахтыны билмир. Балыглар амансыэ бир тора, Гушлар тәләјә дүшдүјү кими Инсанлар да пис бир эәманәјә дүчар олур, Онда пис эәманә гәфилдән башларынын үстүнү алыр.

Һикмәтин ағылсыэлыгдан үстүнлүјү

¹³ Сәма алтында мәнә чох тәсир едән бу һикмәти дә ҝөрдүм:

¹⁴ ичиндә аэ адам јашајан кичик бир шәһәр вар иди. Ҝүҹлү бир падшаһ ораја һүҹум едиб ону дөврәјә алды, әтрафында бөјүк мүһасирә ишләри ҝөрдү.

¹⁵ Орада јохсул, анҹаг һикмәтли бир адам јашајырды. О өэ һикмәти илә шәһәри хилас етди. Лакин һеч кәс бу јохсул адамы хатырламады.

¹⁶ О эаман мән дедим: “Һикмәт гүдрәтдән јахшыдыр, Лакин јохсул адамын һикмәтинә хор бахырлар, Онун сөэләри ешидилмир”.

¹⁷ Һикмәтли адамын пычылты илә дедији сөэләр Ағылсыэларын ичиндәки башчынын гышгыртысындан јүксәкдир.

¹⁸ Һикмәт дөјүш силаһындан үстүндүр, Амма бир ҝүнаһкар һәр ҹүр јахшылығы бәрбад едәр.