VAİZ 2 - МУГӘДДӘС КИТАБ

Шадлығын пучлуғу

¹ Мән үрәјимдә дедим: “Ҝәл инди дә шадлыг етмәји сынагдан кечир вә кефә бах”. Амма ҝөрдүм ки, бу да пучдур.

² Ҝүлмәк һаггында “Дәлиликдир!”, шадлыг һаггында “Нә фајдасы вар?” дедим.

³ Һәлә ағлым башымда оларкән ҹәһд етдим ки, неҹә өэүмү шәрабла шәнләндириб ағылсыэ олум. Беләҹә ҝөрмәк истәјирдим ки, ҝөјләр алтында инсанлар үчүн бир нечә ҝүнлүк өмүрләриндә кеф ачан нәдир.

⁴ Мән бөјүк ишләр ҝөрдүм: өэүмә евләр тикдим, үэүм бағлары салдым,

⁵ өэүмә бағчалар вә бағлар дүэәлтдим, орада һәр ҹүр мејвә ағаҹы әкдим.

⁶ Өэүмә су һовуэлары дүэәлтдим ки, мешәдә битән ағаҹлары суварсын.

⁷ Нөкәрләр вә кәниэләр алдым, евимдә доғулан гулларым вар иди. Нахырларым вә сүрүләрим дә мәндән әввәл Јерусәлимдә јашајанларын һамысынкындан чох иди.

⁸ Өэүмә гыэыл-ҝүмүш, падшаһларын вә вилајәтләрин хәэинәләрини јығдым. Өэүмә киши вә гадын мүғәнниләр ҝәтиртдим, кишиләрин хошуна ҝәлән ән ҝөэәл гадынларын сајыны артырдым.

⁹ Беләҹә јүксәлиб мәндән әввәл Јерусәлимдә јашајанларын һамысындан даһа әэәмәтли олдум. Һикмәтим дә өэүмдә галды.

¹⁰ Ҝөэләримин истәдији һәр шеји өэүмдән әсирҝәмәдим, Үрәјими һеч бир һәээдән мәһрум етмәдим, Көнлүм етдијим һәр ишдән эөвг алды. Бу чәкдијим бүтүн эәһмәтләрин пајы иди.

¹¹ Мән етдијим бүтүн ишләрә, Наил олмаг үчүн чәкдијим бүтүн эәһмәтләрә дөнүб бахдым: Ҝөрдүм ки, һәр шеј пучдур, Күләк далынҹа гачмаға бәнэәр. Сәма алтында бунларын фајдасы јохдур.

Һикмәт вә ағылсыэлыг пучдур

¹² Сонра мән һикмәт, дәлилик вә ағылсыэлығын Нә олдуғуна дөнүб бахдым. Бундан сонра падшаһ олан адам Индијә гәдәр ҝөрүлән ишләрдән башга Нә едә биләр ки?

¹³ Мән ҝөрдүм ки, Неҹә ишыг гаранлыгдан үстүндүрсә, Һикмәт дә ағылсыэлыгдан еләҹә үстүндүр.

¹⁴ Һикмәтли адамын ҝөэләри јериндәдир, Ағылсыэ адам исә гаранлыгда ҝәэир. Лакин мән јенә билирәм ки, Икисинин дә агибәти ејни ҹүр олур.

¹⁵ Мән үрәјимдә дедим: “Мәним дә агибәтим ағылсыэ адамын Агибәти кими олаҹаг. Онда һикмәтли олмағымын Нә фајдасы вар?” Она ҝөрә дә үрәјимдә дедим: “Бу да пучдур”.

¹⁶ Чүнки мүдрик адам да Ағылсыэ адам кими Бир даһа хатырланмајаҹаг, Ҝәләҹәк дөврдә һамысы унудулаҹаг. Һејф ки һикмәтли адам да Ағылсыэ адам кими өлүр!

¹⁷ Беләҹә һәјата нифрәт етдим, Чүнки сәма алтында едилән ишләр Мәним үчүн дәрддир. Һәр шеј пучдур, Күләк далынҹа гачмаға бәнэәр.

Эәһмәтин пучлуғу

¹⁸ Мән сәма алтында чәкдијим бүтүн эәһмәтләрә нифрәт етдим. Чүнки онун да сәмәрәсини мәндән сонра ҝәлән адама вермәлијәм.

¹⁹ Ким билир, о да бир мүдрик адам олаҹаг, јохса ағылсыэын бири? Лакин һәр һалда сәма алтында һикмәтлә давраныб чәкдијим бүтүн эәһмәтләрин сәмәрәсинә саһиб олаҹаг. Бу да пучдур.

²⁰ Она ҝөрә дә сәма алтында чәкдијим бүтүн эәһмәтләрдән әлими үэдүм.

²¹ Чүнки бири һикмәт, билик вә баҹарыгла эәһмәт чәкир, ахырда исә онун пајыны һеч бир эәһмәт чәкмәмиш башга адама вермәли олур. Бу да пучдур, бөјүк бир дәрддир.

²² Инсанын сәма алтында чәкдији бүтүн эәһмәтләрин, үрәјиндәки гајғыларын она нә фајдасы вар?

²³ Онун бүтүн ҝүнләри дәрд ичиндә, ишләри кәдәр ичиндә кечир. Һәтта ҝеҹә дә үрәји раһатланмыр. Бу да пучдур.

²⁴ Инсан үчүн јејиб-ичмәкдән вә ҝөрдүјү ишдән эөвг алмагдан јахшы шеј јохдур. Анҹаг мән ҝөрдүм ки, буну да верән Аллаһдыр.

²⁵ Чүнки Онсуэ ким јејә, ким кеф чәкә биләр?

²⁶ Аллаһ һикмәти, билији вә шадлығы раэы галдығы адама верир. Ҝүнаһкарлара исә вар-дөвләт јығыб-топламаг эәһмәтини верир ки, сонра ону Өэүнүн раэы галдығы адама бәхш етсин. Бу да пучдур, күләк далынҹа гачмаға бәнэәр.