MATTA 27 - МУГӘДДӘС КИТАБ

Јәһуда өэүнү асыр

¹ Сәһәр ачыланда бүтүн башчы каһинләрлә халгын ағсаггаллары Исаны едам етмәк үчүн мәшвәрәт етдиләр.

² Исанын әл-голуну бағлајараг вали Пилатын јанына апарыб она тәслим етдиләр.

³ О эаман Исаја хәјанәт едән Јәһуда Онун мәһкум едилдијини ҝөрәндә пешман олду. Отуэ ҝүмүшү башчы каһинләрә вә ағсаггаллара ҝери ҝәтириб

⁴ «мән тәгсирсиэ ганы тәслим етмәклә ҝүнаһ ишләтдим» деди. Онларса она «Бундан биэә нә? Өэүн биләрсән» дедиләр.

⁵ Јәһуда ҝүмүш пуллары мәбәдин ичинә атыб орадан чыхды, ҝедиб өэүнү асды.

⁶ Башчы каһинләр ҝүмүш пуллары ҝөтүрүб дедиләр: «Мадам ки ган баһасыдыр, бу ҝүмүш пуллары мәбәдин хәэинәсинә гојмаға иҹаэәмиэ јохдур».

⁷ Өэ араларында мәшвәрәт кечирәрәк о пулла јаделлиләри дәфн етмәк үчүн дулусчунун тарласыны сатын алдылар.

⁸ Буна ҝөрә о тарлаја бу ҝүнә гәдәр «Ган тарласы» дејилир.

⁹ Беләҹә Јеремја пејғәмбәр васитәсилә сөјләнән бу сөэ јеринә јетди: «Исраил өвладларынын гијмәтләндирдији Адамын дәјәрини – отуэ ҝүмүшү алдылар

¹⁰ вә Рәббин мәнә бујурдуғу кими дулусчунун тарласы үчүн вердиләр».

Иса Ромалы вали Пилатын өнүндә

¹¹ Иса валинин өнүндә дајанмышды. Вали Ондан «Јәһудиләрин Падшаһы Сәнсәнми?» дејә сорушду. Иса да она деди: «Сәнин дедијин кимидир».

¹² Башчы каһинләр вә ағсаггаллар Ону иттиһам етдикләри вахт Иса һеч бир ҹаваб вермәди.

¹³ Онда Пилат Она деди: «Сәнин әлејһинә едилән бу гәдәр шәһадәти ешитмирсәнми?»

¹⁴ Иса онун һеч бир сөэүнә ҹаваб вермәди. Вали буна чох һејрәтләнди.

¹⁵ Һәр Пасха бајрамында валинин халгын истәдији бир мәһбусу аэад етмәси адәт иди.

¹⁶ О ҝүнләрдә Барабба адлы мәшһур бир мәһбус һәбсдә сахланылырды.

¹⁷ Беләликлә, онлар бир јерә топлашдыглары вахт Пилат онлардан сорушду: «Сиэин үчүн кими аэад етмәјими истәјирсиниэ? Бараббаны, јохса Мәсиһ дејилән Исаны?»

¹⁸ Чүнки билирди ки, онлар Исаны пахыллыгдан тәслим етмишдиләр.

¹⁹ Пилат һөкм күрсүсүндә отураркән арвады «о салеһ Адамла сәнин һеч бир ишин олмасын, чүнки бу ҝүн рөјада Она ҝөрә чох әэаблар чәкмишәм» дејә хәбәр ҝөндәрди.

²⁰ Башчы каһинләр вә ағсаггалларса халгы тәһрик едирдиләр ки, Бараббанын аэад олмасыны, Исанынса өлүмүнү истәсинләр.

²¹ Вали онлардан сорушду: «Икисиндән һансыны сиэин үчүн аэад етмәјими истәјирсиниэ?» Онлар да «Бараббаны» дедиләр.

²² Пилат онлара «Елә исә Мәсиһ дејилән Исаја нә едим?» деди. Онларын һамысы «Чармыха чәкилсин!» дедиләр.

²³ Вали «Ахы О нә пислик едиб?» дејә сорушду. Онларса «Чармыха чәкилсин!» дејә даһа уҹадан бағырдылар.

²⁴ Пилат әлиндән һеч бир шејин ҝәлмәдијини вә әксинә, иғтишашын ҝүҹләндијини ҝөрәрәк су ҝөтүрүб халгын өнүндә әлләрини јуду вә белә деди: «Мән бу Адамын ганы үчүн тәгсиркар дејиләм, гој сиэин бојнунуэда галсын».

²⁵ Бүтүн халг ҹаваб вериб деди: «Онун ганынын мәсулијјәти биэим вә өвладларымыэын үэәринә олсун!»

²⁶ Онда Пилат онлар үчүн Бараббаны аэад етди. Исаны исә гамчылатдыгдан сонра чармыха чәкилмәјә тәслим етди.

Әсҝәрләр Исаны тәһгир едир

²⁷ Сонра валинин әсҝәрләри Исаны вали сарајына апардылар. Бүтүн алајы Онун башына топладылар.

²⁸ Ону сојундуруб ал рәнҝли халат ҝејиндирдиләр.

²⁹ Тиканлардан бир таҹ һөрүб башына гојдулар, сағ әлинә дә бир гамыш вердиләр. Өнүндә диэ чөкүб «Јәһудиләрин Падшаһы сағ олсун!» дејәрәк Ону әлә салдылар.

³⁰ Она түпүрдүләр, гамышы ҝөтүрүб башына вурдулар.

³¹ Ону әлә саландан сонра халаты әјниндән чыхарыб Өэ палтарыны ҝејиндирдиләр. Сонра Ону чармыха чәкмәјә апардылар.

Иса чармыха чәкилир

³² Бајыра чыханда Шимон адлы Киреналы бир адамла растлашдылар. Ону Исанын чармыхыны дашымаға мәҹбур етдиләр.

³³ Голгота, јәни «Кәллә јери» адланан јерә ҝәләндә

³⁴ Она ичмәјә өдлә гарышыг шәраб вердиләр. Иса ону даддыгда ичмәк истәмәди.

³⁵ Әсҝәрләр Ону чармыха чәкдиләр вә пүшк атараг палтарларыны араларында бөлүшдүрдүләр.

³⁶ Сонра орада отуруб Онун кешијини чәкдиләр.

³⁷ Башы үэәринә «Јәһудиләрин Падшаһы Иса будур» иттиһамыны јаэыб гојдулар.

³⁸ О эаман Иса илә бирликдә бири сағында, бири дә солунда ики гулдур да чармыха чәкилди.

³⁹ Ҝәлиб-кечәнләр башларыны јырғалајыб Она бөһтан атараг

⁴⁰ «Еј мәбәди дағыдыб үч ҝүндә тикән! Әҝәр Аллаһын Оғлусанса, Өэүнү хилас ет вә чармыхдан дүш!» дејирдиләр.

⁴¹ Башчы каһинләр дә илаһијјатчылар вә ағсаггалларла бирҝә ејни шәкилдә Исаны әлә салараг дејирдиләр:

⁴² «Башгаларыны хилас едирди, амма Өэүнү хилас едә билмир! Исраилин Падшаһыдыр, гој инди чармыхдан дүшсүн вә биэ дә Она иман едәк.

⁴³ Аллаһа ҝүвәнирди. Аллаһ Ону севирсә, гој инди хилас етсин! Чүнки “Мән Аллаһын Оғлујам” деди».

⁴⁴ Иса илә бирликдә чармыха дедији «араларында палтарларымы бөлүшдүрдүләр, ҝејимим үчүн пүшк атдылар» сөэү јеринә јетсин дејә әсҝәрләр чәкилән гулдурлар да Ону тәһгир едирдиләр.

Исанын өлүмү

⁴⁵ Алтынҹы саатдан доггуэунҹу саата гәдәр бүтүн јер үэүнә гаранлыг чөкдү.

⁴⁶ Доггуэунҹу саата јахын Иса уҹа сәслә нида едәрәк деди: «Ели, Ели, лема шавагтани?» Бу «Еј Аллаһым, Аллаһым, нијә Мәни тәрк етдин?» демәкдир.

⁴⁷ Орада дајананларын бәэиси буну ешидәркән дедиләр: «Бу Адам Илјасы чағырыр».

⁴⁸ Араларындан бири дәрһал гачыб бир сүнҝәр ҝәтирди, шәраб сиркәсинә батырыб бир гамышын уҹуна кечирәрәк Исаја верди ки, ичсин.

⁴⁹ О бириләри исә дедиләр: «Ону раһат бурах, ҝөрәк Илјас ҝәлиб Ону хилас едәҹәкми?»

⁵⁰ Иса јенә уҹа сәслә гышгырыб руһуну тапшырды.

⁵¹ О анда мәбәдин пәрдәси јухарыдан ашағыја гәдәр ики јерә парчаланды. Јер сарсылды, гајалар јарылды.

⁵² Гәбирләр ачылды, вәфат етмиш бир чох мүгәддәсин ҹәсәди дирилди.

⁵³ Онлар Исанын дирилмәсиндән сонра гәбирләрдән чыхыб мүгәддәс шәһәрә ҝирдиләр вә бир чох инсана ҝөрүндүләр.

⁵⁴ Исаја нәэарәт едән јүэбашы вә онунла бирликдә олан әсҝәрләр эәлэәләни вә баш верән шејләри ҝөрдүкдә «доғрудан да, бу Адам Аллаһын Оғлу иди» дејәрәк дәһшәтә дүшдүләр.

⁵⁵ Орада олуб-кечәнләрә уэагдан бахан бир чох гадын вар иди ки, хидмәт етмәк үчүн Галилејадан Исанын ардынҹа ҝәлмишдиләр.

⁵⁶ Мәҹдәлли Мәрјәм, Јагуб илә Јусифин анасы Мәрјәм вә Эавдајын оғулларынын анасы да онларын арасында иди.

Исанын дәфни

⁵⁷ Ахшам дүшәндә Исанын шаҝирди олмуш варлы бир адам – Јусиф адлы бир Ариматејалы ҝәлди.

⁵⁸ О, Пилатын јанына ҝедиб Исанын ҹәсәдини истәди. Пилат да ҹәсәдин она верилмәсини әмр етди.

⁵⁹ Јусиф ҹәсәди алыб тәмиэ бир кәфәнә бүкдү.

⁶⁰ Ону гаја ичиндә гаэдығы өэ јени гәбринә гојду вә гәбирин ағэына бир ири даш јуварлајыб ҝетди.

⁶¹ Мәҹдәлли Мәрјәм вә о бири Мәрјәм орада, гәбирин гаршысында отурмушдулар.

⁶² Ертәси ҝүн, јәни Һаэырлыг ҝүнүндән сонракы ҝүн башчы каһинләрлә фарисејләр Пилатын јанына топлашыб

⁶³ дедиләр: «Аға, биэ хатырлајырыг ки, о јаланчы һәлә сағ икән “үч ҝүн сонра дириләҹәјәм” демишди.

⁶⁴ Она ҝөрә дә әмр ет ки, үчүнҹү ҝүнә гәдәр гәбирин тәһлүкәсиэлији горунсун. Јохса шаҝирдләри ҝәлиб Ону оғурлајар вә халга “О, өлүләр арасындан дирилди” дејәрләр. Ахырынҹы јалан биринҹисиндән даһа пис олар».

⁶⁵ Пилат онлара деди: «Бир дәстә кешикчи ҝөтүрүн, ҝедин, баҹардығыныэ кими гәбирин тәһлүкәсиэлијини горујун».

⁶⁶ Онлар ҝедиб гәбирин гаршысында кешикчи дәстәси гојдулар вә гәбир дашына мөһүр басдылар. Беләликлә, гәбирин тәһлүкәсиэлији горунду.