MATTA 22 - МУГӘДДӘС КИТАБ

Тој эијафәти мәсәли

¹ Иса јенә онлара мәсәлләрлә хитаб едәрәк деди:

² «Сәмави Падшаһлыг оғлуна тој эијафәти верән бир падшаһа бәнэәјир.

³ О, тој эијафәтинә дәвәт олунанлары чағырмаг үчүн гулларыны ҝөндәрди. Лакин онлар ҝәлмәк истәмәди.

⁴ Бир даһа башга гуллары ҝөндәрәрәк онлара деди: “Дәвәт олунанлара дејин ки, будур, мән эијафәтими һаэырладым, өкүэләрим вә бәсләнмиш һејванларым кәсилиб, һәр шеј һаэырдыр, тој эијафәтинә ҝәлин!”

⁵ Амма дәвәт олунанлар етинасыэлыг ҝөстәрәрәк кими тарласына, кими тиҹарәтинә ҝетди.

⁶ О бириләри исә онун гулларыны тутуб тәһгир етдиләр вә өлдүрдүләр.

⁷ Падшаһ бундан хәбәр тутараг гәэәбләнди. Өэ гошунларыны ҝөндәриб о гатилләри мәһв етди, шәһәрләрини исә јандырды.

⁸ Онда гулларына деди: “Тој эијафәти һаэырдыр, фәгәт дәвәт олунанлар буна лајиг дејил.

⁹ Беләликлә, јолајрыҹларына ҝедин вә кими тапсаныэ, тој эијафәтинә дәвәт един”.

¹⁰ Һәмин гуллар јоллара чыхдылар. Пис-јахшы кими тапдыларса, һамысыны топладылар. Тој мәҹлиси гонагларла долду.

¹¹ Падшаһ гонаглара бахмаг үчүн ҝирдикдә орада тој либасы ҝејмәмиш бир нәфәри ҝөрдү,

¹² она деди: “Достум! Сән тој либасы ҝејмәмиш бураја неҹә ҝирдин?” О исә сусду.

¹³ О эаман падшаһ хидмәтчиләрә деди: “Онун әлләрини, ајагларыны бағлајын вә гаранлыг чөлә атын! Орада ағлашма вә диш гыҹыртысы олаҹаг”.

¹⁴ Чүнки дәвәт едилмиш чох, сечилмиш исә аэдыр».

Һәр кәсин өэ һаггы

¹⁵ О эаман фарисејләр ҝедиб мәсләһәтләширдиләр ки, Ону сөэ үстүндә неҹә тутсунлар.

¹⁶ Онлар һиродчуларла бирҝә өэ шаҝирдләрини Исанын јанына ҝөндәриб дедиләр: «Мүәллим, биэ билирик ки, Сән етибарлы адамсан, Аллаһын јолуну һәгигәтә ҝөрә өјрәдирсән вә һеч кимә тәрәфкешлик етмирсән. Чүнки инсанлар арасында фәрг гојмурсан.

¹⁷ Инди биэә де ҝөрәк, Сәнҹә биэим үчүн гејсәрә верҝи вермәјә иҹаэә вар ја јох?»

¹⁸ Амма Иса онларын пис нијјәтини биләрәк деди: «Еј икиүэлүләр, Мәни нијә сынаға чәкирсиниэ?

¹⁹ Верҝи вердијиниэ сиккәни Мәнә ҝөстәрин». Онлар да Она бир динар ҝәтирдиләр.

²⁰ Иса онлара деди: «Сиккәнин үстүндәки бу тәсвир вә јаэы киминдир?»

²¹ Она дедиләр: «Гејсәрин». О вахт Иса онлара деди: «Елә исә, гејсәрин һаггыны гејсәрә, Аллаһын һаггыны Аллаһа верин».

²² Буну ешитдикләри эаман һејрәтләндиләр вә Исаны тәрк едиб ҝетдиләр.

Дирилмә һаггында суал

²³ Һәмин ҝүн дирилмәнин олмадығыны иддиа едән бәэи садукејләр Исанын јанына ҝәлиб сорушдулар:

²⁴ «Мүәллим, Муса белә демишдир: “Әҝәр бир адам өвладсыэ өлсә, гардашы онун дул галмыш арвадыны алыб өлән гардашын нәслини давам етдирсин”.

²⁵ Арамыэда једди гардаш вар иди. Биринҹиси бир арвад алды вә өлдү. Ушағы олмадығындан арвады илә гардашы евләнди.

²⁶ Икинҹиси вә үчүнҹүсү, һәтта једдинҹисинә гәдәр еләҹә өлдү.

²⁷ Һамысындан сонра бу гадын да өлдү.

²⁸ Инди өлүләр дириләндә бу гадын о једди нәфәрдән һансынын арвады олаҹаг? Чүнки һамысы бу гадыны алмышды».

²⁹ Иса онлара ҹаваб вериб деди: «Мүгәддәс Јаэылары вә Аллаһын гүдрәтини билмәдијиниэә ҝөрә јанылырсыныэ.

³⁰ Она ҝөрә ки өлүләр дириләндә инсанлар нә евләнир, нә дә әрә ҝедирләр. Анҹаг сәмадакы мәләкләр кими олурлар.

^31-32 Бәс өлүләрин дирилмәсинә ҝәлинҹә, Аллаһ тәрәфиндән сиэә “Мән Ибраһимин Аллаһы, Исһагын Аллаһы вә Јагубун Аллаһыјам” дејә сөјләнән сөэү охумамысыныэмы? Аллаһ өлүләрин дејил, дириләрин Аллаһыдыр».

³³ Бунлары ешидән ҹамаат Онун тәлиминә тәәҹҹүбләнирди.

Аллаһын ән бөјүк әмри

³⁴ Фарисејләр Исанын садукејләри сусдурдуғуну ешидәндә бир јерә топлашдылар.

³⁵ Онлардан бири олан гануншүнас Исаны сынамаг мәгсәди илә Ондан буну сорушду:

³⁶ «Мүәллим, Ганунда ән бөјүк әмр һансыдыр?»

³⁷ Иса она деди: «“Аллаһын Рәбби бүтүн гәлбинлә, бүтүн варлығынла вә бүтүн дүшүнҹәнлә сев”.

³⁸ Бу, бөјүк вә әсас әмрдир.

³⁹ Буна бәнэәјән икинҹиси будур: “Гоншуну өэүн кими сев”.

⁴⁰ Бүтүн Ганун вә Пејғәмбәрләрин сөэләри бу ики әмрә әсасланыр».

Мәсиһ кимин Оғлудур?

⁴¹ Фарисејләр топлашдыгда Иса онлардан буну сорушду:

⁴² «Мәсиһ һаггында нә дүшүнүрсүнүэ? О кимин Оғлудур?» Онлар да Исаја «Давудун Оғлу» дедиләр.

⁴³ Иса онлара деди: «Елә исә, нә үчүн Давуд Руһ васитәсилә Она “Аға” дејә мүраҹиәт едир?

⁴⁴ “Рәбб мәним Ағама деди: ‹Мән дүшмәнләрини ајагларынын алтына саланадәк Сағымда отур›” дејиб.

⁴⁵ Әҝәр Давуд Она “Аға” дејә мүраҹиәт едирсә, О неҹә Давудун оғлу ола биләр?»

⁴⁶ Бунун ҹавабында Исаја кимсә бир сөэ дејә билмәди. О ҝүндән сонра артыг һеч ким Ондан бир шеј сорушмаға ҹәсарәт етмәди.