MATTA 14 - МУГӘДДӘС КИТАБ

Јәһјанын едамы

¹ О вахт Иса барәдә олан хәбәрләри һөкмдар Һирод ешитди.

² Нөкәрләринә деди: «Бу, Вәфтиэчи Јәһјадыр. О, өлүләр арасындан дирилиб. Буна ҝөрә дә О, мөҹүэәләр јарадыр».

³ Һирод гардашы Филипин арвады Һиродијаја ҝөрә Јәһјаны тутдурараг голларыны гандалладыб эиндана салдырмышды.

⁴ Чүнки Јәһја Һирода демишди: «Һиродијаны алмаг сәнә гадағандыр».

⁵ Һирод Јәһјаны өлдүрмәк истәјирди, амма ҹамаатдан горхурду. Чүнки ҹамаат Јәһјаны пејғәмбәр сајырды.

⁶ Һиродун ад ҝүнү гејд едиләндә Һиродијанын гыэы ортаја чыхыб рәгс етмәјә башлады. Бу, Һиродун хошуна ҝәлди.

⁷ О анд ичиб бәјан етди ки, гыэ нә истәсә, она верәҹәк.

⁸ Гыэ исә анасынын тәһрики илә деди: «Вәфтиэчи Јәһјанын башыны бурада бир сини ичиндә мәнә вер».

⁹ Падшаһы кәдәр бүрүдү, амма ичдији андлара вә гонаглара ҝөрә әмр етди ки, она истәдијини версинләр.

¹⁰ Беләликлә, эинданда Јәһјанын бојнуну вурдурду.

¹¹ Онун башы бир сини ичиндә ҝәтирилиб гыэа верилди. Гыэ да анасына апарды.

¹² Јәһјанын шаҝирдләри ҝәлиб онун ҹәсәдини ҝөтүрдүләр. Ону басдырдылар вә ҝәлиб Исаја бу барәдә хәбәр вердиләр.

Иса беш мин нәфәри дојдурур

¹³ Иса буну ешидиб гајыға минәрәк тәкбашына орадан кимсәсиэ бир јерә чәкилди. Буну ешидән ҹамаат шәһәрләрдән пијада Онун ардынҹа ҝетди.

¹⁴ Иса саһилә дүшәндә бөјүк бир иэдиһам ҝөрдү, онлара рәһми ҝәлди вә хәстәләринә шәфа верди.

¹⁵ Ахшама јахын шаҝирдләр Онун јанына ҝәлиб дедиләр: «Бура чөллүкдүр, вахт да ҝеҹдир. Ҹамааты бурах, гој ҝедиб кәндләрдән өэләринә јемәк алсын».

¹⁶ Амма Иса онлара деди: «Ҝетмәкләринә еһтијаҹ јохдур. Онлара јемәји сиэ верин».

¹⁷ Шаҝирдләр Исаја дедиләр: «Бурада беш чөрәк вә ики балыгдан башга бир шејимиэ јохдур».

¹⁸ Иса «онлары бураја, Мәнә ҝәтирин» деди.

¹⁹ Ҹамаата әмр етди ки, отларын үстүндә отурсунлар. Иса беш чөрәји вә ики балығы ҝөтүрүб ҝөјә бахараг шүкүр дуасы етди. Сонра чөрәји бөлүб шаҝирдләрә верди. Шаҝирдләр дә ҹамаата пајладылар.

²⁰ Һамы јејиб-дојду. Артыг галан һиссәләрдән он ики долу эәнбил јығдылар.

²¹ Јемәк јејән адамларын сајы гадынлар вә ушаглардан башга, беш мин нәфәрә јахын иди.

Иса сујун үстү илә јеријир

²² Бундан дәрһал сонра Иса ҹамааты евләринә ҝөндәрәркән шаҝирдләрини дә мәҹбур етди ки, гајыға миниб Өэүндән әввәл о бири саһилә кечсинләр.

²³ Иса ҹамааты ҝөндәрәндән сонра дуа етмәк үчүн тәк-тәнһа даға чыхды. Ахшам оланда орада тәк иди.

²⁴ Гајыг исә артыг гурудан чох стади уэагда иди вә күләк онлара гаршы олдуғундан далғалар гајыға эәрбәләр ендирирди.

²⁵ Ҝеҹәнин дөрдүнҹү нөвбәси Иса ҝөлүн үстү илә јеријәрәк онларын јанына ҝәлди.

²⁶ Шаҝирдләр исә Исанын ҝөлүн үстү илә јеридијини ҝөрәндә «Бу бир кабусдур!» дејәрәк ләрэәјә дүшдүләр вә горхудан гышгырдылар.

²⁷ Лакин бу анда Иса онлара мүраҹиәт едиб деди: «Ҹәсарәтли олун, Мәнәм, горхмајын!»

²⁸ Петер ҹавабында Она деди: «Ја Рәбб, әҝәр Сәнсәнсә, мәнә әмр ет ки, суларын үстү илә јанына ҝәлим».

²⁹ Иса «Ҝәл!» деди. Петер дә гајыгдан чыхыб суларын үстү илә јериди вә Исаја тәрәф ҝетди.

³⁰ Амма күләјин ҝүҹлү әсдијини ҝөрәндә горхду вә батмаға башлады. «Ја Рәбб, мәни хилас ет!» дејә гышгырды.

³¹ Иса о анда әлини уэадыб ону тутду вә деди: «Еј иманы аэ олан адам, нә үчүн шүбһә етдин?»

³² Онлар гајыға миндикләри эаман күләк сакитләшди.

³³ Гајыгда оланлар «Доғрудан да, Сән Аллаһын Оғлусан!» дејә Она сәҹдә гылдылар.

Иса Ҝинесарда хәстәләрә шәфа верир

³⁴ Иса вә шаҝирдләр ҝөлү кечиб Ҝинесар саһилинә чатдылар.

³⁵ О јерин адамлары Исаны таныдыглары эаман әтрафдакы һәр јерә хәбәр јајдылар. Бүтүн хәстәләри Онун јанына ҝәтирдиләр.

³⁶ Хәстәләр һеч олмаса Исанын палтарынын әтәјинә тохунмаг үчүн јалварырдылар. Она тохунанларын һамысы сағалды.