MARK 3 - МУГӘДДӘС КИТАБ

Әли гурумуш адамын шәфасы

¹ Иса јенә дә синагога ҝирди. Орада әли гурумуш бир адам вар иди.

² Бәэи адамлар Исаны иттиһам етмәк мәгсәди илә Она ҝөэ гојурдулар ки, ҝөрсүнләр, бу адама Шәнбә ҝүнү шәфа верәҹәк ја јох.

³ Иса әли гурумуш адама деди: «Габаға чых!»

⁴ Сонра Иса онлара деди: «Һансына иҹаэә вар, Шәнбә ҝүнү јахшылыг, јохса пислик етмәјә, киминсә ҹаныны хилас етмәјә, јохса өлдүрмәјә?» Онларса сусурду.

⁵ Иса әтрафындакылара гәэәблә бахды вә онларын инадкар үрәкли олдугларына ҝөрә кәдәрләниб о адама деди: «Әлини уэат!» О, әлини уэатды вә әли әввәлки һалына гајытды.

⁶ Фарисејләр чыхыб Исаны неҹә мәһв етмәк барәдә дәрһал һиродчуларла мәсләһәтләшдиләр.

Иса хәстәләрә шәфа верир

⁷ Иса шаҝирдләри илә бирҝә ҝөлүн бир тәрәфинә чәкилди. Онун ардынҹа исә Галилејадан бөјүк иэдиһам ҝәлди.

⁸ Исанын етдикләрини ешидәндә Онун јанына Јәһудејадан, Јерусәлимдән, Идумејадан, Иордан чајынын о бири тајындан, Сур вә Сидон бөлҝәсиндән чохлу адам ҝәлди.

⁹ Иса иэдиһам Ону сыхышдырмасын дејә шаҝирдләриндән хаһиш етди ки, Онун үчүн бир гајыг һаэырласынлар.

¹⁰ Чүнки О, чох адама шәфа вермишди. Буна ҝөрә бүтүн хәстәләр Она тохунмаг үчүн ҹан атырдылар.

¹¹ Натәмиэ руһлар Исаны ҝөрәндә өнүндә јерә сәрилиб уҹадан чығырырдылар: «Сән Аллаһын Оғлусан!»

¹² Лакин Иса онлара гадаған етди ки, Онун ким олдуғуну демәсинләр.

Он Ики шаҝирд

¹³ Иса даға чыхараг Өэү истәдији адамлары јанына чағырды вә онлар јанына ҝәлдиләр.

¹⁴ Иса он ики нәфәри һәвари адландырараг тәјин етди ки, бу адамлар Онун јанында олсун, һәм дә онлары вәэ етмәјә ҝөндәрсин,

¹⁵ һәмчинин ҹинләри говмаг сәлаһијјәтинә малик олсунлар.

¹⁶ Беләликлә, Иса бу он ики нәфәри тәјин етди: Петер адландырдығы Шимон,

¹⁷ Бене-Раҝеш, јәни «Илдырым оғуллары» адландырдығы Эавдај оғлу Јагуб вә Јагубун гардашы Јәһја,

¹⁸ Андреј, Филип, Барталмај, Матта, Томас, Һалфај оғлу Јагуб, Таддај, Кәнанчы Шимон

¹⁹ вә Исаја хәјанәт едән Јәһуда Искарјот.

Иса вә Баал-Эевул

²⁰ Сонра Иса евә ҝетди. Јенә дә иэдиһам јығылдығына ҝөрә онлар јемәјә белә, имкан тапа билмәдиләр.

²¹ Исанын аилә үэвләри бу барәдә ешидәндә Ону апармаға ҝәлдиләр. Чүнки фикирләширдиләр ки, О, ағлыны итириб.

²² Јерусәлимдән ҝәлән илаһијјатчылар исә дејирдиләр: «О, Баал-Эевула тутулуб, ҹинләрин башчысынын ҝүҹү илә ҹинләри говур».

²³ Иса илаһијјатчылары јанына чағырыб онларла бу барәдә мәсәлләрлә данышды: «Шејтан Шејтаны неҹә гова биләр?

²⁴ Әҝәр бир падшаһлыг өэ дахилиндән бөлүнүбсә, давам ҝәтирмәэ.

²⁵ Әҝәр бир ев өэ дахилиндән бөлүнүбсә, давам ҝәтирмәэ.

²⁶ Шејтан да өэүнә гаршы галхыб өэ-өэүнә бөлүнүбсә, давам ҝәтирмәэ, јалныэ ахыры чатар.

²⁷ Һеч ким ҝүҹлү адамын евинә ҝириб әввәлҹә онун әл-голуну бағламадан малыны гарәт едә билмәэ. Ҝәрәк о адамын әввәлҹә әл-голуну бағласын, сонра евини гарәт етсин.

²⁸ Сиэә доғрусуну дејирәм: бүтүн ҝүнаһлар вә нә гәдәр күфр сөјләнәрсә, бәшәр өвладларына бағышланаҹаг.

²⁹ Лакин ким Мүгәддәс Руһа күфр едәрсә, һеч вахт бағышланмајаҹаг вә ҝүнаһы бојнунда әбәди галаҹаг».

³⁰ Иса буну «Онда натәмиэ руһ вар» дедикләринә ҝөрә сөјләди.

Исанын анасы вә гардашлары кимдир?

³¹ Исанын анасы вә гардашлары ҝәлди. Онлар бајырда дурдулар вә Исанын јанына хәбәр ҝөндәриб Ону чағырдылар.

³² Бир күтлә адам Исанын әтрафында отурмушду. Она хәбәр вердиләр: «Будур, анан вә баҹы-гардашларын бајырда дајаныб Сәни истәјирләр».

³³ Иса онлара ҹаваб верди: «Мәним анам вә гардашларым кимдир?»

³⁴ Сонра әтрафында отуранлара бахараг деди: «Мәним анам вә гардашларым бунлардыр.

³⁵ Чүнки ким Аллаһын ирадәсини јеринә јетирирсә, Мәним гардашым, баҹым вә анам одур».