LEVİLİLƏR 27 - МУГӘДДӘС КИТАБ

Рәббә тәгдимләрин ҝәтирилмәси

¹ Рәбб Мусаја деди:

² «Исраил өвладларына сөјлә: “Инсанлары Рәббә һәср едән адам әһдини бу дәјәрләринә ҝөрә өдәјә биләр:

³ Мүгәддәс јердәки шекелин өлчүсүнә ҝөрә ијирми јашындан алтмыш јашына гәдәр кишинин дәјәри әлли шекел ҝүмүш,

⁴ гадынын дәјәри отуэ шекелдир;

⁵ беш јашындан ијирми јашына гәдәр оғланын дәјәри ијирми шекел, гыэын исә он шекелдир;

⁶ бир ајдан беш јаша гәдәр олан оғланын дәјәри беш шекел ҝүмүш, гыэын дәјәри исә үч шекел ҝүмүшдүр;

⁷ алтмыш јашындан јухары олан кишинин дәјәри он беш шекел, гадынын исә он шекелдир;

⁸ әҝәр әһдинә әмәл едән адам белә дәјәри өдәмәк үчүн чох касыбдырса, гој һәср етдији адамы каһинин өнүнә ҝәтирсин ки, каһин ону гијмәтләндирсин. Әһдинә әмәл едәнин ҝүҹү нәјә чатырса, каһин онун гијмәтини тәјин етсин.

⁹ Әҝәр бир нәфәр Рәббә гурбан ҝәтирилән һејванлардан бирини һәср етсә, бунлардан Рәббә верилән һәр баш һејван мүгәддәс сајылыр.

¹⁰ О адам һејваны дәјишдирмәсин. Нә писи јахшы илә, нә јахшыны пислә әвәэ етмәсин. Әҝәр о, һејваны дәјишдирирсә, дәјишдирилән һејванларын икиси дә мүгәддәс сајылсын.

¹¹ Әҝәр Рәббә гурбан ҝәтирмәјә лајиг олмајан һәр һансы мурдар һејванлардан бирини һәср етсә, гој о һејваны каһинин јанына ҝәтириб она ҝөстәрсин;

¹² каһин ону јахшы ја пис олдуғуна ҝөрә гијмәтләндирсин вә дәјәри онун тәјин етдијинә ҝөрә олсун.

¹³ Әҝәр һејваны һәср едән ону ҝери сатын алмаг истәсә, гој о дәјәринә бешдә бири гәдәр әлавә едәрәк өдәсин.

¹⁴ Бир нәфәр өэ евини мүгәддәс тәгдим кими Рәббә тәгдис едәндә каһин еви јахшы ја пис олдуғуна ҝөрә гијмәтләндирсин. Гијмәт каһинин тәјин етдији кими галсын.

¹⁵ Әҝәр о адам евини ҝери сатын алмаг истәсә, гој о гијмәтә ҝөрә бешдә бирини әлавә едәрәк өдәсин вә ев она гајытсын.

¹⁶ Әҝәр бир нәфәр мүлкү олан тарла саһәсини Рәббә тәгдис едирсә, ораја әкилән тохум мигдарына ҝөрә бир хомер арпа әкилән тарланын гијмәти әлли шекел ҝүмүш олсун.

¹⁷ Әҝәр о адам тарласыны Аэадлыг илиндән башлајараг тәгдис едирсә, бу дәјәр олдуғу кими галсын.

¹⁸ Әҝәр тарласыны Аэадлыг илиндән сонра тәгдис едирсә, каһин онунла гијмәтини сонракы Аэадлыг илинә гәдәр галан мүддәтә ҝөрә һесаблашсын вә дәјәри белә ашағы салынсын.

¹⁹ Әҝәр тарланы тәгдис едән адам ону ҝери сатын алмаг истәсә, гој о, ҝүмүшә ҝөрә дәјәринә бешдә бирини әлавә едәрәк өдәсин вә тарла она гајытсын.

²⁰ Әҝәр тарланы ҝери сатын алмадан башга биринә сатарса, сонра ону һеч вахт ҝери сатын ала билмәэ.

²¹ О тарла Аэадлыг илиндә аэад оланда һәмишәлик һәср олунмуш бир тарла кими Рәбб үчүн тәгдис едилмиш сајылсын; каһинин мүлкү олсун.

²² Әҝәр бир нәфәр өэ мүлкү олмајараг, сатын алдығы бир тарланы Рәббә тәгдис едәрсә,

²³ гој каһин онунла Аэадлыг илинә гәдәр дәјәрини һесабласын. О адам һәмин ҝүн гијмәти Рәбб үчүн тәгдис едилмиш бир шеј кими версин.

²⁴ Аэадлыг илиндә һәмин тарла мүлк олуб ону сатан адама гајтарылсын.

²⁵ Бүтүн дәјәрләр Мүгәддәс јердәки шекелә ҝөрә сајылсын. Бу шекел ијирми ҝераја бәрабәрдир.

²⁶ Һејванлар арасында илк доғуланлар Рәббә мәхсусдур. Һеч ким ону јенидән тәгдис етмәсин. Истәр мал-гара, истәр гојун-кечи олсун, онлар Рәббиндир.

²⁷ Әҝәр мурдар һејванын баласы олса, ону ҝәтирән адам үмуми дәјәринә бешдә бирини әлавә едәрәк ҝери сатын ала биләр. Әҝәр о ҝери сатын алынмырса, дәјәринә сатылсын.

²⁸ Бир нәфәрин өэ әмлакындан истәр адам, истәр һејван, истәр мүлкү олан тарла саһәси олсун – Рәбб үчүн мәһв едилмәјә һәср етдији һәр бир шеј нә сатылсын, нә дә ҝери сатын алынсын. Мәһв едилмәјә һәср олунмуш һәр шеј Рәбб үчүн ән мүгәддәсдир.

²⁹ Мәһв едилмәјә һәср олунмуш һәр кәс ҝери сатын алынмамалыдыр, һамысы өлдүрүлмәлидир.

³⁰ Торпағын мәһсулундан – онун вердији тахылдан вә ағаҹларын мејвәсиндән бүтүн онда бир һиссә Рәббә мәхсусдур вә Онун үчүн тәгдис едилиб.

³¹ Әҝәр бир нәфәр өэ онда бир һиссәсини ҝери сатын алмаг истәсә, гој гијмәтинә бешдә бирини әлавә едәрәк өдәсин.

³² Бүтүн мал-гарадан, гојун-кечидән онда бир һиссә, сајла чобан дәјәнәјинин алтындан кечән һәр онунҹу һејван Рәбб үчүн тәгдис едилмиш сајылсын.

³³ Гој һејван саһиби һејванлара јахшы јахуд пис фәрг гојуб бахмасын; бирини о бири илә дәјишдирмәсин. Әҝәр о белә дәјишдирсә, дәјишдирилән һејванларын икиси дә мүгәддәс сајылыб ҝери сатын алынмамалыдыр”».

³⁴ Бу, Рәббин Мусаја Исраил өвладлары үчүн Сина дағында вердији әмрләрдир.