LEVİLİLƏR 21 - МУГӘДДӘС КИТАБ

Каһинләрә аид ганунлар

¹ Рәбб Мусаја деди: «Һарун нәслиндән олан каһинләрә бәјан едиб белә де: “Гој каһинләр өэ халгы арасындан олан һәр һансы бир мејитә ҝөрә өэләрини мурдар етмәсин;

² анҹаг каһинин јахын гоһуму – анасы, атасы, оғлу, гыэы, гардашы

³ јахуд да јанында јашајан субај баҹысы өлсә, каһин о өлүјә ҝөрә өэүнү мурдар етмәсин.

⁴ Гој о, халг арасында башчы олдуғуна ҝөрә өэүнү мурдар едиб ләкәләмәсин.

⁵ Гој каһинләр јас тутараг башынын һеч бир һиссәсини гырхмасын, саггалынын кәнарыны кәсмәсин, бәдәнләринә дә јара вурмасынлар,

⁶ өэләринин Аллаһы үчүн мүгәддәс олсунлар вә Онун адыны ләкәләмәсинләр, чүнки онлар өэләринин Аллаһына пај, Рәбб үчүн јандырма тәгдими ҝәтирирләр. Буна ҝөрә дә мүгәддәс олсунлар.

⁷ Каһин фаһишәни јахуд ләкәләнмиш вә ја әриндән бошанмыш гадыны да арвад алмасын, чүнки каһин Аллаһы үчүн мүгәддәсдир.

⁸ Ону мүгәддәс сај, чүнки Аллаһына ҝәтирилән пајы тәгдим едән одур; о сәнин үчүн мүгәддәс олсун, чүнки Мән – сиэи тәгдис едән Рәбб мүгәддәсәм.

⁹ Фаһишәликлә ләкәләнән каһин гыэы атасыны да ләкәләдијинә ҝөрә јандырылсын.

¹⁰ Гоһумлары үэәриндә олан башында мәсһ јағы илә мәсһ олунан вә мүгәддәс ҝејимләри ҝејән вәэифәли баш каһин јас тутараг нә сачыны дағытсын, нә дә әјниндәки ҝејимини ҹырсын.

¹¹ Бу каһин һеч бир мејитә, һәтта өлән ата-анасына јахынлашыб өэүнү мурдар етмәсин.

¹² О, Мүгәддәс мәканы тәрк етмәсин вә Аллаһын Мүгәддәс мәканыны ләкәләмәсин, чүнки Аллаһын нишанәси олан мәсһ јағы үэәриндәдир. Рәбб Мәнәм.

¹³ Бу каһин бакирә гыэ алсын;

¹⁴ дул, бошанмыш јахуд фаһишәликлә ләкәләнмиш гадын јох, јалныэ өэ халгындан олан бакирә гыэ алсын ки,

¹⁵ онун өвладлары халгы арасында ләкәли олмасын. Ону тәгдис едән Рәбб Мәнәм”».

¹⁶ Рәбб Мусаја деди:

¹⁷ «Һаруна белә сөјлә: “Нәсилдән-нәслә өвладларындан гүсуру олан адам Аллаһына пај тәгдим етмәк үчүн јахынлашмасын.

¹⁸ Бунлардан һеч бири бу хидмәтә јахынлашмасын: нә кор, нә ахсаг, нә ејбәҹәр, нә әлил,

¹⁹ нә әл-ајағындан шикәст,

²⁰ нә гоэбел, нә ҹыртданбој, нә ҝөэүндә титә олан, нә хоралы јахуд дәмровлу, нә ахталанмыш адам,

²¹ јәни каһин Һарунун нәслиндән бәдәниндә һәр һансы бир гүсуру олан шәхс Рәбб үчүн јандырма тәгдими вермәјә јахынлашмасын. Онун бәдәниндә гүсур вар. Буна ҝөрә дә о, Аллаһына пај ҝәтирмәк үчүн јахынлашмасын.

²² Белә адам Аллаһына ҝәтирилән пајдан – һәм ән мүгәддәс јемәкдән, һәм дә мүгәддәс јемәкдән јејә биләр.

²³ Лакин о, бәдәниндә гүсуру олдуғуна ҝөрә нә мүгәддәс пәрдәјә, нә дә гурбанҝаһа јахынлашмасын ки, Мүгәддәс мәканларымы ләкәләмәсин, чүнки онлары тәгдис едән Рәбб Мәнәм”».

²⁴ Муса Һарунла оғулларына вә бүтүн Исраил өвладларына белә деди.