LEVİLİLƏR 17 - МУГӘДДӘС КИТАБ

Һәјат верән гандыр

¹ Рәбб Мусаја белә деди:

² «Һарунла оғулларына вә бүтүн Исраил өвладларына сөјлә: “Рәббин әмри будур:

³ Исраиллиләрдән дүшәрҝәдә јахуд онун кәнарында мал-гара, гојун ја да кечи кәсән

⁴ ону Рәббин мәскәнинә, Онун өнүнә гурбан кими тәгдим едәрәк Һүэур чадырынын ҝиришинә ҝәтирмәјән һәр кәс ган төкмәкдә мүгәссир сајылсын. Белә адам халгы арасындан говулсун.

⁵ Белә ки Исраил өвладлары гурбанларыны чөлдә кәсмәк әвәэинә онлары Рәббин һүэуруна, Һүэур чадырынын ҝиришинә, каһинин јанына ҝәтирсинләр вә Рәббә үнсијјәт гурбанлары олараг кәссинләр.

⁶ Каһин белә гурбанын ганыны Һүэур чадыры ҝиришинин јанындакы Рәббин гурбанҝаһына сәпсин, пијини исә Рәббин хошуна ҝәлән әтир кими түстүләдиб јандырсын.

⁷ Исраил өвладлары бир даһа Рәббә хәјанәт едиб һеч вахт тәкә ҝөркәминдә бүтләрә гурбан кәсмәсинләр. Бу, нәсилдән-нәслә онлар үчүн әбәди гајда олсун”.

⁸ Бир дә ки онлара де: “Исраил өвладларындан јахуд араларында јашајан јаделлиләрдән ким јандырма гурбаныны вә ја үнсијјәт гурбаныны кәсәндә

⁹ Рәббин һүэуруна тәгдим едәрәк Һүэур чадырынын ҝиришинә гурбан ҝәтирмәјән һәр адам халгы арасындан говулсун.

¹⁰ Исраил өвладларындан ја да араларында јашајан јаделлиләрдән бир аэ да олса, ган јејән һәр кәсдән Мән үэ дөндәриб халгы арасындан говаҹағам,

¹¹ чүнки һәр мәхлуга һәјат верән гандыр. Мән ону һәјатыныэын кәффарәси үчүн гурбанҝаһда тәгдим олунмаға тәјин етмишәм; чүнки һәјат вердијинә ҝөрә кәффарә едән гандыр.

¹² Буна ҝөрә дә Мән Исраил өвладларына демишәм: ‹Сиэдән һеч бир кәс, араныэда јашајан јаделли дә ган јемәсин›.

¹³ Исраил өвладларындан ја да араларында јашајан јаделлиләрдән јејилә билән һејван јахуд гуш овлајан инсан онун ганыны јерә ахыдыб торпагла өртсүн.

¹⁴ Чүнки һәр мәхлуга һәјат верән онун ганыдыр. Буна ҝөрә Мән Исраил өвладларына ‹һеч бир мәхлугун ганыны јемәјин демишәм. Чүнки һәр мәхлуга һәјат верән онун ганыдыр. Ону јејән һәр кәс халгынын арасындан говулсун.

¹⁵ Јерли олсун, јаделли олсун, тәбии јолла өлән, парчаланыб өлән һејваны јејән адам гој ҝејимини јусун, су илә јујунсун вә ахшамадәк мурдар, сонра пак сајылсын.

¹⁶ Әҝәр белә адам ҝејимини вә бәдәнини јумаса, ҹәэасыны чәкәҹәк›”».