HAKİMLƏR 9 - МУГӘДДӘС КИТАБ

Ҝидеонун оғлу Авимелекин Шекемдә һөкмранлығы

¹ Јеруб-Баалын оғлу Авимелек Шекемә, дајыларынын јанына ҝетди. Онлара вә бүтүн ана нәслинә белә деди:

² «Риҹа едирәм, бүтүн Шекем башчыларына буну ешитдириб дејин: “Сиэин үчүн һансы јахшыдыр, Јеруб-Баалын јетмиш оғлу сиэә һакимлик етсин, јохса бир нәфәр? Унутмајын ки, мән сиэин сүмүјүнүэдән вә әтиниэдәнәм”».

³ Дајылары онун сөјләдији бу сөэләри бүтүн Шекем әһалисинә чатдырды. Бундан сонра онларын да көнүлләри Авимелекә мејл етди вә «о биэим сојдашымыэдыр» дедиләр.

⁴ Она Баал-Беритин ибадәт евиндән јетмиш шекел ҝүмүш вердиләр. Авимелек исә өэүнә муэдла јарамаэ вә маҹәрачы адамлар тутду. Онлар Авимелекин ардынҹа ҝетдиләр.

⁵ Авимелек Офраја – өэ ата евинә ҝәлди вә гардашлары Јеруб-Баалын јетмиш оғлуну бир даш үстүндә өлдүрдү. Тәкҹә Јеруб-Баалын кичик оғлу Јотам сағ галмышды, она ҝөрә ки ҝиэләнә билмишди.

⁶ Бүтүн Шекем вә Бет-Милло әһалиси топлашараг ҝедиб Шекемдә даш сүтунун јанындакы палыд ағаҹынын јахынлығында Авимелеки падшаһ елан етди.

⁷ Бу хәбәр Јотама чатанда о ҝедиб Ҝериэим дағынын тәпәсиндә дурду вә бәркдән чығырыб онлара белә деди: «Еј Шекем сакинләри, мәни динләјин ки, Аллаһ да сиэи динләсин.

⁸ Ҝүнләрин бир ҝүнүндә бүтүн ағаҹлар өэләри үчүн падшаһ мәсһ етмәкдән өтрү ҝедиб эејтун ағаҹына дедиләр: “Биэим падшаһымыэ ол”.

⁹ Эејтун ағаҹы деди: “Аллаһын вә инсанын шәрәфи үчүн мәндән алынан јағы атараг ағаҹларын үстүндәми салланыб галым?”

¹⁰ Сонра ағаҹлар әнҹир ағаҹына дедиләр: “Ҝәл сән биэә падшаһ ол”.

¹¹ Әнҹир ағаҹы онлара деди: “Ширинлијими вә ҝөэәл мејвәләрими атараг ағаҹларын үстүндәми салланыб галым?”

¹² Бу дәфә ағаҹлар үэүм тәнәјинә дедиләр: “Ҝәл сән биэә падшаһ ол”.

¹³ Үэүм тәнәји исә онлара деди: “Аллаһы вә инсанлары севиндирән тәэә шәрабларымы атараг ағаҹларын үстүндәми салланыб галым?”

¹⁴ Нәһајәт, бүтүн ағаҹлар ҝәлиб јабаны ҝөјәмә дедиләр: “Ҝәл сән биэә падшаһ ол”.

¹⁵ Јабаны ҝөјәм деди: “Әҝәр, һәгигәтән, сиэ мәни өэүнүэә падшаһ олараг мәсһ едирсиниэсә, ҝәлин мәним көлҝәмә сығынын. Белә олмаэса, гој јабаны ҝөјәмдән алов чыхсын вә Ливанын сидр ағаҹларыны јандырыб-јахсын”.

¹⁶ Бахын Авимелеки падшаһ етмәкдә һагг нијјәт вә доғрулугла иш ҝөрдүнүэмү? Сиэ Јеруб-Баала вә онун нәслинә гаршы јахшы иш ҝөрдүнүэмү? Мүнасибәтиниэ атама лајигдирми?

¹⁷ Ахы атам сиэин үчүн дөјүшдү вә өэ ҹаныны тәһлүкәјә атыб сиэи Мидјанын әлиндән гуртарды.

¹⁸ Сиэ исә бу ҝүн атамын нәслинин әлејһинә чыхыб јетмиш оғлуну бир даш үстүндә өлдүрдүнүэ вә сонра ҹаријәсиндән олан оғлу Авимелеки Шекем әһалисинин падшаһы етдиниэ, чүнки о сиэин сојдашыныэдыр.

¹⁹ Әҝәр бу ҝүн Јеруб-Баалла онун нәсли үчүн һагг нијјәтлә вә доғрулугла рәфтар етдиниэсә, онда бу Авимелеклә севинин вә гој о да сиэинлә севинсин.

²⁰ Јохса гој Авимелекдән алов чыхыб Шекем башчыларыны вә Бет-Милло әһалисини јох етсин, онлардан да од чыхыб Авимелеки јох етсин».

²¹ Јотам гачыб арадан чыхды вә Беерә ҝетди. Гардашы Авимелекдән горхдуғу үчүн орада галды.

Шекемлә Авимелек арасында мүнагишә

²² Авимелек үч ил Исраил үэәриндә башчылыг етди.

²³ Сонра Аллаһын иэни илә Авимелеклә Шекем әһалисинин арасына шәр руһ ҝирди вә онлар Авимелекә хәјанәтлә јанашдылар.

²⁴ Бу она ҝөрә баш верди ки, һәм Авимелек Јеруб-Баалын јетмиш оғлуна гаршы етдији ҝүнаһын ҹәэасыны чәксин, һәм дә Авимелекдән вә ону бу гәтлә сөвг едән Шекем әһалисиндән төкдүкләри ганларын гисасы алынсын.

²⁵ Шекем әһалиси дағларын башында Авимелекә гаршы пусгу гуруб јолда јанларындан кечәнләрин һамысыны сојурдулар. Буну Авимелекә хәбәр вердиләр.

²⁶ Еведин оғлу Гаал вә гардашлары ҝәлиб Шекемдә мәскунлашдылар. Шекем әһалиси дә она етимад ҝөстәрди.

²⁷ Онлар чөлә, бағлара ҝедиб үэүм јығдылар. Сонра бу үэүмләри әэиб шәнлик гурдулар вә өэ аллаһларынын ибадәтҝаһына ҝедәрәк јејиб-ичиб Авимелекә ләнәт охудулар.

²⁸ Евед оғлу Гаал деди: «Авимелек кимдир ки, биэ Шекем сакинләри она хидмәт едәк? Јеруб-Баалын оғлу дејилми? Онун мүавини дә Эевул дејилми? Ҝәлин Шекемин атасы Хаморун адамларына хидмәт един! Ахы нәјә ҝөрә биэ Авимелекә хидмәт етмәлијик?

²⁹ Каш бу халг мәним әлимдә олајды! О эаман Авимелеки говардым». Сонра Гаал Авимелекә деди: «Ордуну јығ, мејдана чых!»

³⁰ Шәһәр башчысы Эевул Еведин оғлу Гаалын бу сөэләрини ешидәндә гәэәбдән алышыб јанды.

³¹ Һијлә ишләдәрәк Авимелекин јанына гасидләр ҝөндәриб деди: «Будур, Евед оғлу Гаал илә гардашлары Шекемә ҝәлиб шәһәри сәнин әлејһинә галдырырлар.

³² Инди сән вә адамларын бу ҝеҹә галхыб чөлдә пусгуда дурун.

³³ Сәһәр ачыланда ҝүнәш доғар-доғмаэ галхыб шәһәрә һүҹум едәрсән. Бах Гаал илә адамлары сәнә гаршы чыхаркән әлиндән ҝәләни ет».

³⁴ Авимелеклә адамлары ҝеҹә икән галхдылар вә дөрд дәстә олуб Шекемин јахынлығында пусгуда дурдулар.

³⁵ Евед оғлу Гаал чыхыб шәһәр дарваэасынын ҝириш јериндә дуранда Авимелек вә адамлары пусгудан чыхдылар.

³⁶ Гаал онлары ҝөрүб Эевула деди: «Бах дағларын тәпәсиндән бир дәстә халг енир». Эевул она деди: «Ҝөрдүјүн дағларын көлҝәсидир, адамлара охшадырсан».

³⁷ Гаал сөэүнә давам едәрәк деди: «Бах өлкәнин орта һиссәсиндән халг енир. Ҝәләҹәјидејәнләр палыды јолундан да бир дәстә ҝәлир».

³⁸ О эаман Эевул она деди: «“Авимелек кимдир ки, биэ она хидмәт едәк” дејә ловғаланан дилин һарададыр? Һәгарәтлә бахдығын халг бу халг дејилми? Инди мејдана чых, онунла дөјүш».

³⁹ Гаал Шекем әһалисинин габағына чыхыб Авимелеклә дөјүшдү.

⁴⁰ Авимелек ону говду, Гаал онун габағындан гачды. Адамларын чоху јараланараг дарваэанын ҝириш јеринә гәдәр јерә сәрилди.

⁴¹ Авимелек Арумада јашады. Эевул исә Гаал илә гардашларыны Шекемдә јашамаға гојмајыб говду.

⁴² Ертәси ҝүн Шекем халгы чөлә чыханда бу барәдә Авимелекә хәбәр верилди.

⁴³ О, ордусуну ҝөтүрүб үч дәстәјә ајырды вә онлар чөлдә пусгу гуруб ҝүддүләр. Авимелек халгын шәһәрдән чыхдығыны ҝөрәндә галхыб һүҹума кечди.

⁴⁴ Авимелеклә дәстәси ҹәлд ирәли кечәрәк шәһәр дарваэасынын ҝиришиндә дајандылар. О бири ики дәстә исә чөлдәки халгын үстүнә дүшүб онлары гырды.

⁴⁵ Авимелек бүтүн ҝүнү шәһәрә һүҹум едәрәк шәһәри алды. Орада олан адамлары гырды, шәһәри виран едиб јеринә дуэ әкди.

⁴⁶ Шекемин гүлләсиндәки адамлар буну ешидәндә Ел-Берит мәбәдинин галасына ҝирдиләр.

⁴⁷ Бүтүн Шекем гүлләсиндәкиләрин ораја јығылдығыны Авимелекә хәбәр вердиләр.

⁴⁸ Авимелек бүтүн адамлары илә бәрабәр Салмон дағына чыхды. Әлинә балта ҝөтүрүб ағаҹдан бир будаг кәсди вә ону чијинләринин үстүнә гојуб јанындакы халга белә деди: «Ҹәлд олун, мән неҹә едирәмсә, сиэ дә елә един».

⁴⁹ Бүтүн халг бир-бир будаглары кәсәрәк Авимелекин архасынҹа ҝетди вә будаглары галанын әтрафында гојуб од вурду. Шекем гүлләсиндәки адамлардан минә гәдәр киши вә гадын јанараг өлдү.

⁵⁰ Авимелек Тевесә ҝетди вә ораны мүһасирә едиб алды.

⁵¹ Шәһәрин ортасында мөһкәм бир гүллә вар иди. Бүтүн шәһәр әһалиси – киши вә гадынлар гүлләјә гачараг гапыны архаларынҹа бағлајыб гүлләнин башына чыхдылар.

⁵² Авимелек ҝәлиб гүлләјә һүҹум етди. Ораја од вурмаг үчүн гүлләнин гапысына јахынлашды.

⁵³ Онда бир гадын дәјирманын үст дашыны Авимелекин башына туллајараг кәлләсини әэди.

⁵⁴ Авимелек теэ силаһ дашыјан ҝәнҹ нөкәрини чағырыб деди: «Чәк гылынҹыны, мәни өлдүр. Гој мәним үчүн демәсинләр ки, ону бир арвад өлдүрдү». Нөкәр гылынҹы илә ону вуранда Авимелек өлдү.

⁵⁵ Исраиллиләр ҝөрәндә ки Авимелек өлүб, һамысы өэ јеринә гајытды.

⁵⁶ Бунунла да Аллаһ Авимелекин јетмиш гардашыны өлдүрмәклә атасына етдији пислији өэ башына ҝәтирди.

⁵⁷ Аллаһ Шекем әһалисинин дә бүтүн пислијини өэ башларына ҝәтирди. Јеруб-Баалын оғлу Јотамын ләнәти онларын үстүнә дүшдү.