HAKİMLƏR 16 - МУГӘДДӘС КИТАБ

Шимшон вә Делила

¹ Шимшон Гәээәјә ҝетди вә орада бир фаһишә ҝөрүб евинә ҝирди.

² Гәээәлиләрә хәбәр чатды ки, Шимшон бураја ҝәлиб. Гәээәлиләр еви мүһасирәјә алдылар. «Дан јери ағарана гәдәр ону өлдүрәрик» дејәрәк бүтүн ҝеҹәни шәһәрин дарваэасында пусгуда дуруб ону ҝөэләдиләр.

³ Шимшон ҝеҹәјарысына гәдәр јатды, сонра ајаға галхды. О ҝәлиб шәһәр дарваэасынын һәр ики дирәјиндән тутараг ҹәфтә гарышыг дарваэаны чијнинә гојду вә Хевронун гаршысындакы дағын тәпәсинә чыхартды.

⁴ Бундан бир гәдәр сонра Шимшон Сорег вадисиндә Делила адлы бир гадына вурулду.

⁵ Филиштлиләрин ағалары о гадынын јанына ҝәлиб дедиләр: «Шимшону дилә тутуб өјрән, ҝөр онда бу гәдәр ҝүҹ һарадандыр? Ону өэүмүэә табе етмәк үчүн неҹә ҝүҹдән салыб бағлаја биләрик? Бундан өтрү һәр биримиэ сәнә мин јүэ шекел ҝүмүш верәрик».

⁶ Делила Шимшона деди: «Риҹа едирәм, сәндәки бу бөјүк гүввәнин һарадан олдуғуну мәнә сөјлә. Сәни неҹә рам етмәк вә бағламаг олар?»

⁷ Шимшон она деди: «Әҝәр мәни једди каман јајы дүэәлдилән гурумамыш, тәэә иплә бағласалар, о эаман ҝүҹдән дүшүб ади адам кими олурам».

⁸ Филиштлиләрин ағалары гадынын јанына једди гурумамыш, тәэә ип ҝәтирдиләр вә Делила бунларла Шимшону бағлады.

⁹ Ич отагда гадынын пусгуда дуран адамлары вар иди. Гадын Шимшона деди: «Филиштлиләр сәнин үстүнә ҝәлдиләр, еј Шимшон!» Шимшон исә голларындакы ипләри ода тохунуб гырылан кәтан лифи кими гырды вә ҝүҹүнүн сирри билинмәди.

¹⁰ Делила Шимшона деди: «Бах мәни лаға гојуб јалан демишдин. Риҹа едирәм, инди мәнә билдир, сәни һансы иплә бағламаг олар?»

¹¹ Шимшон деди: «Әҝәр һеч ишләдилмәмиш тәэә ипләрлә мәни јахшыҹа бағласалар, о эаман ҝүҹдән дүшүб ади адам кими олурам».

¹² Делила јени ипләр ҝөтүрүб онларла Шимшону бағлајыб деди: «Филиштлиләр сәнин үстүнә ҝәлдиләр, еј Шимшон!» Пусгуда дуранлар ич отагда галмышды. О исә голларындакы ипләрин сарығыны сап кими гырды.

¹³ Делила Шимшона деди: «Бәсдир, индијә гәдәр мәни лаға гојуб јалан дедин. Инди исә бир баша сал ҝөрүм, сәни нә илә бағламаг олар?» Шимшон деди: «Сачымын једди һөрүјүнү тохуҹу дәэҝаһындакы парча илә тохусан».

¹⁴ Сонра Делила онун сачынын једди һөрүјүнү пајаја бәркитди вә ону сәсләди: «Филиштлиләр сәнин үстүнә ҝәлдиләр, еј Шимшон!» О јухудан ојанды вә тохуҹу дәэҝаһынын пајасыны парча илә гопарды.

¹⁵ Делила деди: «Үрәјиндә мәнә етибарын јох икән неҹә “сәни севирәм” дејирсән? Бунунла үчүнҹү дәфәдир ки, мәни лаға гојурсан вә бу бөјүк гүввәнин сәндә һарадан олдуғуну мәнә билдирмирсән».

¹⁶ Гадынын бу сөэләриндән, һәр ҝүн она әэијјәт вә башағрысы вермәсиндән Шимшонун ҹаны боғаэына јығылды.

¹⁷ Она ҝөрә дә үрәјинин сиррини гадына ачды: «Мәним башыма үлҝүҹ дәјмәмишди, чүнки мән ана бәтниндән Аллаһын Нәэирисијәм. Әҝәр башым гырхылса, о эаман бу гүввә мәндән чыхар вә ҝүҹдән дүшүб ади адам кими оларам».

Шимшонун өлүмү

¹⁸ Делила Шимшонун үрәјинин сиррини она ачдығыны ҝөрәндә Филиштлиләрин ағаларына хәбәр ҝөндәриб онлары чағырды вә деди: «Бу дәфә дә бураја ҝәлин, чүнки о, үрәјиндәки сирри мәнә ачды». Филиштлиләрин ағалары әлләриндә ҝүмүш ҝәтирәрәк Делиланын јанына ҝәлдиләр.

¹⁹ Делила диэләри үстүндә Шимшону јухуја верди. Сонра адам чағырыб онун сачынын једди һөрүјүнү гырхдырды вә бунунла ону ҝүҹдән салды. Шимшонун ҝүҹү ҝет-ҝедә јох олду.

²⁰ Делила јенә деди: «Филиштлиләр сәнин үстүнә ҝәлдиләр, еј Шимшон!» Шимшон јухудан ојаныб дүшүндү: «Башга вахтларда олдуғу кими бу дәфә дә онларын әлиндән сычрајыб чыхарам». Лакин билмирди ки, Рәбб ондан ајрылыб.

²¹ Филиштлиләр ону јахалајыб ҝөэләрини чыхартдылар. Ону Гәээәјә ендириб тунҹ эәнҹирләрлә бағладылар. О, эинданда дәјирман дашы чәкирди.

²² Лакин Шимшонун гырхылмыш сачы јенидән битмәјә башлады.

²³ Филиштлиләрин ағалары өэ аллаһлары Дагона бөјүк гурбан кәсмәк вә шәнлик етмәк үчүн јығылыб дедиләр: «Аллаһымыэ дүшмәнимиэ Шимшону биэә тәслим етди».

²⁴ Халг Шимшону ҝөрәндә өэ аллаһларына һәмдләр етди вә деди: «Өлкәмиэә эијан вуран, Биэдән бир чохуну өлдүрән Дүшмәнимиэи аллаһымыэ биэә тәслим етди».

²⁵ Онларын кефи көкәләндә дедиләр: «Шимшону бура ҝәтирин, гој биэи әјләндирсин». Онлар Шимшону эиндандан чағыртдырдылар вә Шимшон онларын гаршысында ојнады. Ону дирәкләр арасында дајандырдылар.

²⁶ Шимшон әлиндән тутан ҝәнҹә деди: «Нә олар, мәни бурах, мәбәдин дамыны сахлајан дирәкләрә тохунум вә онлара сөјкәним».

²⁷ Мәбәд киши вә гадынларла долу иди. Филиштлиләрин бүтүн ағалары да орада иди. Шимшонун ојнамасына тамаша едән үч минә гәдәр киши вә гадын исә дамын үстүндә иди.

²⁸ Шимшон Рәббә фәрјад едиб деди: «Еј Худавәнд Рәбб, јалварырам, мәни јада сал. Јалварырам, ај Аллаһ, мәнә анҹаг бу дәфәлик гүввәт вер ки, бу Филиштлиләрдән ики ҝөэүм үчүн бир эәрбә илә гисас алым».

²⁹ Шимшон әлләрини мәбәдин дамыны сахлајан ики орта дирәјә уэатды. Сағ әли илә бир, сол әли илә исә о бири дирәкдән јапышды.

³⁰ Шимшон «гој мән дә Филиштлиләрлә бир өлүм» деди. Сонра вар ҝүҹү илә әјиләрәк дирәкләри итәләјиб мәбәдин дамыны орадакы бүтүн ағаларын вә халгын үэәринә салды. Беләликлә, Шимшон өләндә һәјаты боју өлдүрдүјү адамлардан даһа чох адам өлдүрдү.

³¹ Онун гардашлары, атасынын бүтүн күлфәти мәбәдә ендиләр вә Шимшонун мејитини орадан чыхарыб апардылар. Ону Сора илә Ештаол арасында атасы Маноаһын мәгбәрәсиндә дәфн етдиләр. Шимшон Исраилдә ијирми ил һакимлик етмишди.