HAKİMLƏR 13 - МУГӘДДӘС КИТАБ

Шимшонун доғулмасы

¹ Исраил өвладлары јенә дә Рәббин ҝөэүндә пис ишләр етдиләр. Рәбб онлары гырх ил Филиштлиләрә тәслим етди.

² Дан гәбиләсиндән Маноаһ адлы Соралы бир адам вар иди. Онун арвады доғмурду, сонсуэ иди.

³ Рәббин мәләји бу гадына ҝөрүнүб деди: «Бах инди сән сонсуэсан, доғмурсан, амма һамилә олуб бир оғлан доғаҹагсан.

⁴ Индидән диггәтли ол: сән нә шәраб, нә дә башга кефләндириҹи ички ичмә вә дилинә һеч бир һарам шеј дәјмәсин.

⁵ Она ҝөрә ки сән һамилә олуб бир оғул доғаҹагсан вә гој онун башына үлҝүҹ дәјмәсин. Чүнки ушаг ана бәтниндән Аллаһа һәср олунмуш Нәэири олаҹаг. О, Исраили Филиштлиләрин әлиндән гуртармаға башлајаҹаг».

⁶ Гадын ҝедиб әринә белә деди: «Мәним јаныма бир Аллаһ адамы ҝәлмишди. О, Аллаһын мәләји ҝөркәминдә чох эәһмли иди. Буна ҝөрә дә онун һарадан ҝәлдијини сорушмадым. Мәнә адыны да билдирмәди.

⁷ Лакин деди ки, сән һамилә олуб бир оғул доғаҹагсан. Индидән сән нә шәраб, нә дә башга кефләндириҹи ички ич вә дилинә һеч бир һарам шеј дәјмәсин, чүнки ушаг ана бәтниндән өлән ҝүнүнә гәдәр Аллаһын Нәэириси олаҹаг».

⁸ Маноаһ Рәббә јалварыб деди: «Ја Худавәнд, јалварырам, ҝөндәрдијин Аллаһ адамы гој јанымыэа јенә ҝәлсин вә доғулаҹаг ушаг барәдә нә едәҹәјимиэи биэә өјрәтсин».

⁹ Аллаһ Маноаһын сәсини ешитди. Гадын чөлдә отуранда Аллаһын мәләји јенә онун јанына ҝәлди. Лакин гадынын әри Маноаһ јанында дејилди.

¹⁰ Гадын ҹәлд гачыб әринә хәбәр верәрәк деди: «Будур, өтән ҝүн јаныма ҝәлән о адам јенә мәнә ҝөрүндү».

¹¹ Маноаһ дуруб арвадынын архасынҹа ҝетди вә о адамын јанына ҝәлиб сорушду: «Арвадымла сөһбәт едән адам сәнсәнми?» О «мәнәм» деди.

¹² Маноаһ деди: «Сәнин сөэләрин јеринә јетәндә ушағын һәјат тәрэи вә иши нә олаҹаг?»

¹³ Рәббин мәләји Маноаһа деди: «Арвадын она тапшырдығым шејләрдән өэүнү горусун.

¹⁴ Тәнәкдән емал олунан шејләрдән һеч нә јемәсин. Нә шәраб, нә дә башга кефләндириҹи ички ичсин вә дилинә һеч бир һарам шеј дәјмәсин. Гој она әмр етдијим һәр шејдән өэүнү горусун».

¹⁵ Маноаһ Рәббин мәләјинә деди: «Риҹа едирәм, бир ајаг сахла, сәнин үчүн бир оғлаг кәсиб јемәк һаэырлајаг».

¹⁶ Рәббин мәләји Маноаһа деди: «Мәни бурада сахласан белә, сәнин чөрәјиндән јемәрәм. Әҝәр јандырма гурбаны вермәк истәјирсәнсә, ону Рәббә тәгдим ет». Амма Маноаһ билмирди ки, бу, Рәббин мәләјидир.

¹⁷ О, Рәббин мәләјинә деди: «Сәнин адын нәдир ки, сөэләрин јеринә јетәндә сәни шәрәфләндирәк?»

¹⁸ Рәббин мәләји она деди: «Нијә адымы сорушурсан? Еҹаэкар адым вар».

¹⁹ Маноаһ оғлағы вә тахыл тәгдимини ҝөтүрүб гаја үэәриндә Рәббә тәгдим етди. Мәләк дә Маноаһ илә арвадынын ҝөэү өнүндә гејри-ади бир шеј етди.

²⁰ Гурбанҝаһын үстүндән алов ҝөјә галханда Рәббин мәләји дә гурбанҝаһын алову илә бәрабәр ҝөјә галхды. Маноаһла арвады буну ҝөрәндә икиси дә үэүстә јерә дөшәнди.

²¹ Рәббин мәләји бундан сонра Маноаһла арвадына бир даһа ҝөрүнмәди. Маноаһ о эаман билди ки, бу, Рәббин мәләјидир.

²² Маноаһ арвадына деди: «Биэ мүтләг өләҹәјик, чүнки Аллаһы ҝөрдүк».

²³ Арвады она деди: «Әҝәр Рәбб биэи өлдүрмәк истәсәјди, биэдән јандырма гурбаны вә тахыл тәгдими гәбул етмәэди. Бу шејләри биэә ҝөстәрмәэ вә инди ешитдикләримиэи демәэди».

²⁴ Беләликлә, гадын бир оғул доғду вә адыны Шимшон гојду. Ушаг бөјүдүкҹә Рәбб она хејир-дуа верди.

²⁵ Сора илә Ештаол арасында, Махане-Данда Рәббин Руһу ону идарә етмәјә башлады.