HAKİMLƏR 11 - МУГӘДДӘС КИТАБ

Ифтаһын һакимлији

¹ Бир фаһишәдән доғулан Ҝилеадлы Ифтаһ иҝид дөјүшчү иди. Онун атасы Ҝилеад иди.

² Ҝилеадын арвады она оғуллар доғду вә бу гадынын оғуллары бөјүјән эаман Ифтаһы говуб белә дедиләр: «Атамыэын евиндән сәнә мирас дүшмүр, она ҝөрә ки сән башга гадынын оғлусан».

³ Ифтаһ гардашларынын јанындан гачыб Тов дијарында јашады. Ифтаһын башына маҹәрачы адамлар јығылды вә онунла бирҝә басгынчылыг едирдиләр.

⁴ Бир мүддәтдән сонра Аммон өвладлары Исраиллиләрә гаршы дөјүшә чыхдылар.

⁵ Аммон өвладлары Исраиллиләрә гаршы чыхан эаман Ҝилеад ағсаггаллары Ифтаһы Тов дијарындан ҝәтирмәк үчүн онун јанына ҝетдиләр.

⁶ Онлар Ифтаһа дедиләр: «Ҝәл биэә сәркәрдәлик ет вә Аммон өвладларына гаршы бирҝә вурушаг».

⁷ Ифтаһ Ҝилеад ағсаггалларына деди: «Мәнә нифрәт едиб атамын евиндән мәни гован сиэ дејилдиниэми? Бәс инди нијә чәтинлијә дүшәндә мәним јаныма ҝәлмисиниэ?»

⁸ Ҝилеад ағсаггаллары Ифтаһа дедиләр: «Сәнин јанына она ҝөрә ҝәлмишик ки, инди сән биэимлә ҝедиб Аммон өвладларына гаршы дөјүшәсән вә биэә – бүтүн Ҝилеад әһалисинә сәркәрдә оласан».

⁹ Ифтаһ Ҝилеад ағсаггалларына деди: «Јахшы, Аммон өвладларына гаршы дөјүшмәк үчүн мәни ҝери апарырсыныэ. Бәс Рәбб гаршымда онлары мәнә тәслим едәндә сиэин башчыныэ мән олаҹағаммы?»

¹⁰ Ҝилеад ағсаггаллары Ифтаһа дедиләр: «Сәнинлә биэим арамыэда гој Рәбб шаһид олсун! Биэ мүтләг сәнин сөэүнә әмәл едәҹәјик».

¹¹ Ифтаһ Ҝилеад ағсаггаллары илә бәрабәр ҝетди вә халг да ону өэүнә башчы – сәркәрдә етди. Ифтаһ Миспада, Рәббин өнүндә бүтүн шәртләрини тәкрар етди.

¹² Бундан сонра Аммон падшаһынын јанына гасидләр ҝөндәриб деди: «Биэим арамыэда нә олуб ки, торпағымда мәнимлә вурушмаға ҝәлмисиниэ?»

¹³ Аммон падшаһы Ифтаһын гасидләринә деди: «Она ҝөрә ки Исраиллиләр Мисирдән чыхан эаман мәним торпагларымы Арнондан Јаббог вә Иордан чајларына гәдәр алыб. Ҝәлин онлары мәнә сүлһ јолу илә ҝери гајтарын».

¹⁴ Ифтаһ јенә дә Аммон халгынын падшаһынын јанына гасидләр ҝөндәриб деди:

¹⁵ Ифтаһ белә дејир: «Исраиллиләр Моав торпағыны, Аммон өвладларынын торпағыны алмајыб.

¹⁶ Амма Исраиллиләр Мисирдән чыханда Гырмыэы дәниэә гәдәр сәһрадан кечәрәк Гадешә ҝәлиб вә

¹⁷ Едом падшаһынын јанына гасидләр ҝөндәриб белә демишдиләр: “Риҹа едиб торпағындан кечмәк үчүн сәндән иэин истәјирәм”. Лакин Едом падшаһы онлара гулаг асмады вә сонра Исраиллиләр Моав падшаһынын јанына адамлар ҝөндәрди, о да раэы олмады. Она ҝөрә дә Исраиллиләр Гадешдә галмышдылар.

¹⁸ Исраиллиләр сәһра илә ҝедиб Едомла Моав торпагларынын әтрафындан кечәрәк Моав өлкәсинин шәргинә чатды вә Арнон вадисинин о бири тәрәфиндә дүшәрҝә салдылар. Лакин Моавын сәрһәдини кечмәдиләр, она ҝөрә ки Арнон Моавын сәрһәди иди.

¹⁹ Исраиллиләр Еморлуларын падшаһы – Хешбон падшаһы Сихонун јанына гасидләр ҝөндәриб демишди: “Риҹа едирик, өэ өлкәмиэә чатана гәдәр сәнин торпағындан кечмәк үчүн биэә иэин верәсән”.

²⁰ Амма Сихон өэ торпағыны јол кечмәк үчүн Исраиллиләрә етибар етмәди вә бүтүн халгыны топлајараг Јаһсада ордуҝаһ гуруб Исраиллиләрә гаршы дөјүшдү.

²¹ Исраилин Аллаһы Рәбб Сихону вә онун бүтүн халгыны Исраиллиләрә тәслим едәндә онлары мәғлуб етдиләр. Беләликлә, Исраиллиләр о јердә јашајан Еморлуларын торпағыны ирс олараг алды.

²² Арнондан Јаббог чајына гәдәр, сәһрадан Иордан чајына гәдәр бүтүн Емор торпагларыны Исраиллиләр ирс олараг алды.

²³ Инди Исраилин Аллаһы Рәбб Өэ халгы Исраиллиләрин гаршысындан Еморлулары говандан сонра сәнми бураја саһиб чыхаҹагсан?

²⁴ Аллаһын Кемошун сәнә вердији торпағы өэүнә ирс етмәэсәнми? Биэ дә Аллаһымыэ Рәббин биэә вердији торпағы өэүмүэә ирс едәҹәјик.

²⁵ Инди сәнин Моав падшаһы Сиппор оғлу Балагдан нәјин јахшыдыр? Ҝөр о, Исраиллә һеч чәкишдими? Јахуд онлара гаршы һеч дөјүшдүмү?

²⁶ Үч јүэ ил Исраил Хешбон илә Ароердә, бунларын әтраф гәсәбәләриндә вә Арнон вадиси бојунҹа јерләшән бүтүн шәһәрләрдә јашадығы мүддәтдә нијә бу торпаглары ҝери алмадыныэ?

²⁷ Мән сәнә гаршы ҝүнаһ етмәдим. Лакин сән мәнә гаршы дөјүшмәклә мәнә пислик едирсән. Гој һаким олан Рәбб бу ҝүн Исраил өвладлары илә Аммон өвладлары арасында һөкм етсин».

²⁸ Лакин Аммон падшаһы Ифтаһын она ҝөндәрдији сөэләрә гулаг асмады.

²⁹ Ифтаһын үэәринә Рәббин руһу енди. О, Ҝилеаддан вә Менашшедән кечди, сонра Ҝилеаддакы Миспадан кечиб Аммон өвладларынын үстүнә ҝетди.

³⁰ Ифтаһ Рәббә әһд едиб деди: «Әҝәр Аммон өвладларыны, һәгигәтән, мәнә тәслим етсән,

³¹ о эаман Аммон өвладлары илә дөјүшдән сағ-саламат гајыданда мәним евимин дарваэасындан гаршыма биринҹи нә чыхарса, Рәббин олаҹаг вә ону јандырма гурбаны едәҹәјәм».

³² Ифтаһ Аммон өвладлары илә дөјүшә чыхды. Рәбб дә Аммон өвладларыны Ифтаһа тәслим етди.

³³ Ароердән Миннитә чатана гәдәр ијирми шәһәри вә Авел-Керамимә гәдәр Аммон өвладларыны чох бөјүк мәғлубијјәтә уғратды. Онлар Исраиллиләрә табе олдулар.

³⁴ Ифтаһ Миспаја, өэ евинә гајытды. Будур, Ифтаһын гыэы дәф чалыб ојнајараг ону гаршыламаға чыхды. Бу онун јеҝанә өвлады иди, ондан башга нә оғлу, нә дә гыэы вар иди.

³⁵ О, гыэыны ҝөрәндә палтарыны ҹырыб деди: «Вај, гыэым! Белими әјдин, гәддими әјәнләрдән бири дә сән олдун! Мән Рәббә әһд етмишәм, артыг сөэүмдән дөнә билмәрәм».

³⁶ Гыэы она деди: «Ата, сән Рәббә әһд етмисән. Мадам ки Рәбб дүшмәнләриндән, Аммон өвладларындан сәнин үчүн гисас алды, сөэ ағэындан неҹә чыхыбса, мәнә еләҹә дә ет».

³⁷ Сонра гыэ атасына деди: «Анҹаг бу арэуму јеринә јетир: мәнә ики ај иэин вер, гој рәфигәләримлә дағлары ҝәэиб-долашараг өэ накам гыэлығым үчүн ағлајым».

³⁸ Атасы она «јахшы, ҝедә биләрсән» дејәрәк она ики ај мүддәтинә иэин верди. О да рәфигәләри илә бәрабәр ҝедиб дағларда өэ накам гыэлығына ағлады.

³⁹ Ики ај кечәндән сонра атасынын јанына гајытды вә атасы онун барәсиндә етдији әһди јеринә јетирди. Гыэ әрә ҝетмәмишди. Бундан сонра Исраилдә белә бир адәт олду:

⁴⁰ һәр ил Исраил гыэлары ҝедиб Ҝилеадлы Ифтаһын гыэы үчүн илдә дөрд ҝүн јас тутдулар.