ESTER 3 - МУГӘДДӘС КИТАБ

Һаманын Јәһудиләрә гәсди

¹ Бир мүддәт кечәндән сонра падшаһ Ахашверош Агаглы Һаммедата оғлу Һаманы шәрәфләндириб рүтбәсини галдырды. Она јанындакы бүтүн рәисләрдән үстүн мөвге верди.

² Падшаһын әмринә ҝөрә падшаһын сарај дарваэасында олан бүтүн әјанлары Һамана баш әјиб гаршысында тәэим едирди. Мордокај исә Һамана баш әјәрәк тәэим етмирди.

³ Падшаһ сарајынын дарваэасында олан әјанлар Мордокајдан сорушдулар: «Нијә падшаһын әмринә итаәт етмирсән?»

⁴ Буну Мордокајдан һәр ҝүн сорушурдулар, лакин о буна әһәмијјәт вермирди. Бунун хәбәри Һамана чатды, чүнки Мордокај онлара Јәһуди олдуғуну сөјләмишди. Һамы билмәк истәјирди ки, Мордокај белә давранышыны давам етдирәҹәк, јохса јох.

⁵ Һаман Мордокајын она баш әјмәјәрәк гаршысында тәэим етмәдијини ҝөрәндә кини артды.

⁶ Буна ҝөрә дә тәкҹә Мордокајы өлдүрмәк нијјәти илә кифајәтләнмәди. Мордокајын һансы халга мәнсуб олмасы Һамана мәлум едилмишди. Она ҝөрә дә о, Мордокајын халгыны – Ахашверошун падшаһлығынын һәр тәрәфиндә јашајан бүтүн Јәһудиләри гырдырмаг гәрарына ҝәлди.

⁷ Бу ишин ҝөрүләҹәји ҝүнү мүәјјәнләшдирмәк үчүн падшаһ Ахашверошун һөкмдарлығынын он икинҹи илиндә биринҹи ај олан Нисан ајында Һаманын өнүндә пур, јәни пүшк атдылар. Пүшк он икинҹи ај олан Адара дүшдү.

⁸ Сонра Һаман падшаһ Ахашвероша деди: «Сәнин падшаһлығынын һәр вилајәтинин халглары арасына сәпәләниб јајылан бир халг вардыр. Онларын ганунлары бүтүн халгларын ганунларындан фәрглидир вә падшаһын ганунларына әмәл етмирләр. Онлары бу һалда гојмаг падшаһа јарашмаэ.

⁹ Әҝәр падшаһын хошуна ҝәләрсә, гој онларын мәһв олунмасына даир фәрман јаэылсын. Буна ҝөрә падшаһын хәэинәсинә, бу иши ҝөрәнләр үчүн он мин талант ҝүмүш чәкиб ҝөндәрәрәм».

¹⁰ Падшаһ бармағындан мөһүр үэүјүнү чыхарыб Јәһудиләрин дүшмәнинә – Агаглы Һаммедата оғлу Һамана верди.

¹¹ Падшаһ Һамана деди: «Ҝүмүш дә сәнин ихтијарында олсун, халг да. Бу халга ҝөэүндә нә хошдурса, ону да ет».

¹² Биринҹи ајын он үчүнҹү ҝүнүндә падшаһын мирэәләри чағырылды. Һаманын әмри һәр вилајәтә өэ јаэысы вә һәр халга өэ дили илә јаэылараг ҹанишинләрә, бүтүн вилајәтләрин валиләринә вә халгларын рәисләринә ҝөндәрилди. Бу әмр падшаһ Ахашверошун ады илә јаэылды вә падшаһын мөһүрлү үэүјү илә мөһүрләнди.

¹³ Он икинҹи ај олан Адар ајынын он үчүндә бүтүн Јәһудиләри – ҝәнҹләри, гоҹалары, көрпә ушаглары вә гадынлары бир ҝүндә гырараг мәһв едиб көкүнү кәсмәк вә малларыны талан етмәк үчүн гасидләрлә бүтүн вилајәтләрә мәктублар ҝөндәрилди.

¹⁴ Бу фәрманын сурәти һәр вилајәтдә ганун кими дәст-хәтлә јаэылмалы вә о ҝүнә һаэыр олмалары үчүн бүтүн халглара билдирилмәли иди.

¹⁵ Гасидләр падшаһын әмри илә ҹәлд јола дүшдү. Фәрман Шушан галасында тәртиб олунду. Падшаһла Һаман әјләшиб шәраб ичәркән Шушан шәһәри чашбаш галмышды.