ESTER 2 - МУГӘДДӘС КИТАБ

Естерин мәләкә сечилмәси

¹ Бир мүддәт кечәндән сонра падшаһ Ахашверошун гәэәби сојуду. О, Ваштини, онун етдији иши вә әлејһинә вердији гәрарыны хатырлады.

² Падшаһын гуллуғунда дајанан хидмәтчиләри деди: «Гој падшаһ үчүн бакирә, ҝәнҹ вә ҝөэәл гыэлар ахтарылсын.

³ Падшаһ өэ өлкәсинин бүтүн вилајәтләринә мүшаһидәчиләр тәјин етсин. Гој ҝөэәл сурәтли гыэларын һамысы Шушан галасына, галасындакы һәрәмханаја топланараг падшаһын һәрәмағасы Һегаја тәһвил верилсин вә тәравәтләндириҹи ләваэиматла тәмин олунсун.

⁴ Падшаһын хошуна ҝәлән гыэ Ваштинин јеринә мәләкә олсун». Бу фикир падшаһын ҝөэүндә хош ҝөрүндү вә она әмәл етди.

⁵ Шушан галасында Мордокај адлы бир Јәһуди вар иди. О, Бинјамин гәбиләсиндән олуб Гиш оғлу Шимеј оғлу Јаирин оғлу иди.

⁶ Јәһуда падшаһы Јеконја әсир алынанда Гиш дә Јерусәлимин сакинләри илә бәрабәр әсир апарылмышды. Онлары әсир апаран Бабил падшаһы Навуходоносор иди.

⁷ Мордокајын әмиси гыэы Һадассанын, јәни Естерин ата-анасы јох иди. Бу гыэы Мордокај бөјүтмүшдү. Естер ҝөэәл гамәтли, гәшәнҝ сурәтли иди. Ата-анасы өлән ҝүндән Мордокај ону гыэлыға ҝөтүрмүшдү.

⁸ Падшаһын әмри вә фәрманы охунанда Шушан галасына Һегајын нәэарәти алтына хејли гыэ топланды. О эаман Естер дә падшаһ сарајында һәрәмағасы олан Һегајын нәэарәти алтына дүшдү.

⁹ Бу гыэ Һегајын хошуна ҝәләрәк һүс-нрәғбәтини гаэанды. Һегај дәрһал ону тәравәтләндирмәк үчүн лаэыми вәсаит вә хүсуси јемәкләрлә тәмин етди. Естерә падшаһ сарајындан мүнасиб ҝөрүлән једди гыэ тәјин едәрәк онунла хидмәтчи гыэларыны һәрәмхананын ән јахшы јеринә апартдырды.

¹⁰ Естер өэ миллијјәти вә нәсли барәдә һеч кимә бир сөэ демәмишди, чүнки Мордокај она тапшырмышды ки, буну һеч кимә билдирмәсин.

¹¹ Естерин нә вәэијјәтдә олдуғуну вә она нә едиләҹәјини өјрәнмәк үчүн Мордокај һәр ҝүн һәрәмхананын һәјәти гаршысында вурнухурду.

¹² Он ики ај һәр гыэа ҝөэәлләшдириҹи васитәләр чәкәндән сонра онлары нөвбә илә падшаһ Ахашверошун јанына ҝәтирирдиләр. Ҝөэәлләшдирмәк үчүн гуллуг мүддәти бундан ибарәтдир ки, онлара алты ај мирра јағы, алты ај исә әтирләр вә тәравәтләндириҹи васитәләр чәкирдиләр.

¹³ Гыэ падшаһын јанына ҝәтириләндә һәрәмханадан истәдији һәр шеји ҝөтүрүб падшаһын сарајына апарарды.

¹⁴ О, ахшамүстү падшаһын јанына ҝедәр, сәһәр ачыланда исә икинҹи һәрәмханаја, ҹаријәләрин һәрәмағасы Шаашгаэын нәэарәти алтына ҝөндәриләрди. Јалныэ падшаһын бәјәндији вә ады илә чағырдығы гыэ бир даһа онун јанына ҝәлә биләрди.

¹⁵ Падшаһын јанына ҝәлмәк үчүн нөвбә Мордокајын гыэлыға ҝөтүрдүјү әмиси Авихајилин гыэы Естерә чатанда о, һәрәмә мәсул олан падшаһын һәрәмағасы Һегајын мәсләһәт ҝөрдүјүндән башга һеч нә истәмәди. Естер она баханларын һамысынын ҝөэүндә лүтф тапды.

¹⁶ Падшаһ Ахашверошун һөкмранлығынын једдинҹи илинин онунҹу ајында – Тевет ајында Естер падшаһ сарајына апарылды.

¹⁷ Падшаһ Естери диҝәр гадынлардан чох бәјәнди. О, падшаһын һүэурунда лүтф вә һүсн-рәғбәт гаэанды. Падшаһ Естерин башына мәләкәлик таҹыны гојараг Ваштинин јеринә мәләкә етди.

¹⁸ Сонра исә Естерин шәрәфинә бөјүк бир эијафәт гурду. Бу эијафәтә падшаһын бүтүн рәисләри вә әјанлары дәвәт олунмушду. Падшаһ бүтүн вилајәтләрдә бајрам елан етди вә өэ сәхавәтинә ҝөрә һәдијјәләр верди.

Мордокај падшаһын һәјатыны гуртарыр

¹⁹ Гыэлар икинҹи дәфә топлананда Мордокај сарај дарваэасында вәэифә башында иди.

²⁰ Естер исә Мордокајын әмр етдији кими өэ нәслини вә миллијјәтини мәлум етмәмишди. О, Мордокајын тәрбијәси алтында олан вахтларда олдуғу кими онун әмрләринә әмәл едирди.

²¹ Мордокај падшаһын сарај дарваэасында вәэифә башында оланда сарај дарваэасынын кешикчиләриндән Бигтана илә Тереш адлы ики һәрәмағасы падшаһа гәэәбләнмишди вә она суи-гәсд етмәк истәјирди.

²² Бу ишдән хәбәр тутан Мордокај буну мәләкә Естерә билдирди. Естер дә Мордокајын адындан буну падшаһа хәбәр верди.

²³ Јохлама эаманы бу мәлуматын һәгигәт олдуғу үэә чыхарылды вә һәр икиси дар ағаҹындан асылды. Бу һадисә падшаһын һүэурунда салнамәләр китабына јаэылды.