Rm 7:24 - Meta’

²⁴ Mə yɨə kaŋə wə̀d ŋgəʼ! À kɨə we bɨrɨ fe əmɨ rɨ ənɨ ə nyamnyod zɔ̂ nɨə ghɨ̀ ni mə̀ kwɨ ə?

Ikan feg

²⁴ Wo wə̀d ngəʼ icheg inum! Àkə we biri chì amə inga nyàmnyɔd inug tibɔ̀ŋ ìzo̰ ne zwète mə?

Rm 7:24 Mga Krus na Reperensya

Matìyò 5:4

Ŋwìə̀ zɨ əbɔrəbɔd ɨgun ə bə̂d mbe nɨə dìə̀, ɨmbə̀ʼ ɨghəm nɨ məd ziə bɨrɨ nəərɨ mɨ̀mə̌d.

Matìyò 5:6

Ŋwìə̀ zɨ əbɔrəbɔd ɨgun ə bə̂d mbe nɨ njì tɨə zaŋə mɨ̀mə̌d, ədɔʼ ə bə̀ neə mɨ̀mə̌d nɨ ghɨ ɨnû nɨ kuʼnɨ, ɨmbə̀ʼ ɨghəm nɨ məd ziə bɨrɨ naʼ ɨghɨ mbe nɨ mbɨ kəbɨ.

Lk 4:18

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d,

Rm 6:6

Tɨ̀ kyerɨ ni mbɨ nyaʼa fə kòmbɨ̀ à nyamnyod ənun əzed ə baʼnɨ mbɨ məd, ɨmbə̀ʼ nimnɨ nyamnyod ɨnû rɨbɔ̀ŋ. Əne chəi ənɨ tɨ̀ rɨ̀ wɨrɨ chub ənɨ ɨ̀bòʼò əton ɨnû rɨbɔ̀ŋ,

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Rm 8:23

Ka àmei ɨghɨ mbe nɨ Ŋwìə̀ nyaʼa tekɨ mbe ə chwèmə̀. Mba bə nɨ Əzwî ə Ŋwiə̀ ə yeʼ ɨŋga na, nɨ Əzwî ze ə yeʼ ɨneʼe rɨtu we nɨ Ŋwìə̀ naʼ ɨ na, wɨə bə̀ chwèm ɨŋga ta fîŋ ɨchî nɨ tɨə wòmə̀ ni Ŋwìə̀ nɨŋ əwa ənɨ mbi bɔn, ɨmbə̀ʼ choʼ ta nyamnyod tɨ ənɨ ŋgəʼ jìm.

Rm 8:26

À yɨə bə̀ əndəŋ əndəŋ ni Əzwî ə zɨə wèèrɨ̀ əwa ɨchî nɨ tɨ̀ bɔrɨ, ɨmbə̀ʼ ɨghəm nɨ chəi tɨ̀ kyerɨ ɨchî nɨ kɔŋgɨ ə Ŋwiə̀ ɨchî nɨ tɨ̀ berɨ nɨ kɔ̀ŋgɨ̀. Àyɨə ənɨ chəi tɨ̀ berɨ ɨŋgam nɨ ghàm, Əzwî ziə ə zɨə kɔ̀ŋgɨ̀ ə Ŋwiə̀ ənɨ a ɨghəm.

Kòlosè 2:11

Ɨchî nɨ mbə̀ yeʼ ənɨ ɨfɔtɨ mbɨ məd, əne mbɨ nyaʼa fə bə̀ ne əwən. Kaʼi bə̂d mɨ̀sɔŋɨchù nyaʼa ne əwən ənɨ mbə ɨbɔ. À yɨə Kristo ziə nyaʼa ne əwən ɨchî nɨ wɨ̀ chɨ əwən rɨ əton ɨka we ɨnû rɨbɔ̀ŋ nyaʼa berɨ ɨgwɨ nən.

2 Timotì 4:18

Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 2:15

Wɨ̀ bɨrɨ nimnɨ əne chɨ̀ bə̂d mbe nɨ ənû nɨ bɔ ɨvɨ ə nyaʼa ghɨ̌ mbɨ chub ənɨ ɨ̀bòʼò ənɨ mbɨ nyaʼa kɨrɨ ɨkǎ.

Ɨnû 21:4

Wɨ̀ bɨrɨ fu mɨsɨ jìm tɨ ənɨ əghə mɨ̀mə̌d. Chəi bə̂d bɨrɨ wɨrɨ kwɨ. Chəi bə̂d bɨrɨ wɨrɨ dì kɨ̀ chweŋ mɨsɨ kɨ̀ zu bè rɨbuʼ, ɨmbə̀ʼ ɨghəm nɨ ɨnû mbe nɨ nyaʼa bè əŋgu fə chè i.”