Rm 12:13 - Meta’

¹³ Bə̂d Ŋwiə̀ mɔʼɔ mɨ kwaŋ ɨghɨ, mbə̀ naʼ ɨghɨ mbe əmbɨ mɨ̀mə̌d. Mbə̀ nɨŋ bə̂d rɨ̀sɔ̀ʼɔ̀ ɨŋga tə nəb.

Ikan feg

¹³ Mbə̀ ya wètè bəd Ŋwiye ni nàʼ ighi mbe ne chəyi mbɔb beri inɔb. Mbə̀ ya nìŋə bəd tìsɔ̀ʼ mbe ne yaʼi abɔ̀ʼ inən.

Rm 12:13 Mga Krus na Reperensya

Matìyò 25:35

Mə ghà ni mbə̀ yeʼe jɨg ənû ɨfɔ̀n ɨmbə̀ʼ ɨghəm nɨ njì rɨ nyaʼə zaŋ əmɨ, mbə nàʼ əghɨjɨg ɨ num, ədɔʼ ə nyaʼə ne əmɨ, mbə nàʼ mɨnib ɨ num, mə nyaʼə wə̀d rɨ̀sɔ̀ʼɔ̀, mbə nɨŋ əmɨ ɨŋga tə nəb,

Ɨ̀fàʼì 10:4

Kɔneliùs nyaʼa toŋ əghə ɨgwɨ aŋgɨrə̀ we, bɔ, əne biirɨ ni, “À kɨ ənû ə ye, masà ə?” Aŋgɨrə̀ we nyaʼa wììrɨ̀ ɨ bɔ ni, “Fîŋ Ŋwìə̀ ə bɔ̀ŋ əku ɨmbə̀ʼ ə̀kɔ̀ŋgɨ̀ ze nɨ àwɔ̀ ə kɔ̀ŋgɨ̀ə̀ fɔrɨ ɨmbə̀ʼ ɨkab we nɨ àwɔ̀ ə wèèrɨ̀ə̀ bə̂d ɨkwaŋ əŋgu. Əne wɨ̀ bɨrɨ wiirɨ e ə̀kɔ̀ŋgɨ̀.

Ɨ̀fàʼì 4:35

wò nuŋ ɨfě bə̂d tom mbe. Mbɨ nyaʼa sɨ nɨŋ ɨghɨ mbe ghàpɨ̀ ɨchî nɨ wə̀d mɔʼ mɔʼ nyaʼa kəbɨ.

Rm 12:8

Ɨneʼe wə̀d mɔʼɔ mɨ yeʼ ni wɨ̀ timbɨ bə̂d, wɨ̀ bə tìmbɨ̀. Ɨneʼe wə̀d mɔʼɔ mɨ yeʼ ni wɨ̀ naʼ ɨghɨ əmbɨ ə bə̂d, wɨ̀ saŋnɨ. Ɨneʼe wə̀d mɔʼɔ mɨ yeʼ ni wɨ̀ tumbɨ bə̂d, wɨ̀ tumbɨ ənɨ i fîŋ jìm. Ɨneʼe wə̀d mɔʼɔ mɨ yeʼ ni wɨ̀ ghɨ ɨ̀chɔ̀m ənɨ ə bə̂d ŋgəʼ, wɨ̀ ghɨ̀ əne mbɨ ɨghaʼi.

1 Kɔrèn 16:15

Mbɨ bɔŋgɔb, mbə̀ nyaʼa fə kyerɨ ə ni ɨnəbɨ Stefanàs yɨə nyaʼə ɨnəbɨ rɨtu nɨ nyaʼa ben ə Kristo ə Àkàiyà. Mɨ̀mə̌d nyaʼa fə sweŋ ə ɨnyod nɨ faʼ əmbɨ ə bə̂d Ŋwiə̀. Əne mə wɨə buʼ ɨ bɔ ɨ nən ni,

2 Kɔrèn 9:1

Chəi əton ɨ num nɨ ŋwaʼnɨ ɨ nən ɨmbə̀ʼ ə̀wèèrɨ̀ ze nɨ mbə̀ə kəb cha əmbɨ ə bə̂d Ŋwiə̀ mbe nɨ yeʼ ə Jèrusalèm.

2 Kɔrèn 9:12

Əne ka ənû zɔ̂ nɨ mbə̀ ghɨ bɨrɨ naʼ àmei ɨghɨ mbe nɨ bə̂d Ŋwiə̀ kəbɨ, zɨə bɨrɨ bɨ ghɨ ni bə̂d mɨ̀nɔnɔʼ naʼ məben-əwe əmbɨ ə Ŋwiə̀.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

1 Timotì 3:2

Əne ətu nɨə chà ɨfetɨ bə̂d Kristo berɨ yeʼ wə̀d nɨ chəi bə̂d ə ghàmbɨ̀ əməd. Wɨ̀ berɨ berɨ àmei əyi mɔʼ. Wɨ̀ berɨ yeʼ əbɔtɨ ə wə̀d. Wɨ̀ berɨ kyerɨ ɨchî nɨ yimbɨ i ɨnyod. Wɨ̀ berɨ yeʼ wə̀d nɨə wumnɨ i ɨnyod. Wɨ̀ berɨ nɨŋ bə̂d rɨ̀sɔ̀ʼɔ̀ ɨŋga i nəb. Wɨ̀ berɨ kyerɨ ɨchî nɨ chwi ɨnû.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

Tayitùs 1:8

Wɨ̀ berɨ yeʼ wə̀d nɨə nɨŋə bə̂d əkwɨ ni. Wɨ̀ berɨ yeʼ wə̀d nɨə ghaʼə nɨ ghɨ̀ ɨ̀chɔ̀m. Wɨ̀ berɨ yeʼ wə̀d nɨə ghɨ̀ ɨnû mbɨ ɨwe. Wɨ̀ berɨ yeʼ wə̀d nɨ təm kùʼnɨ̀ ɨfě Ŋwiə̀. Wɨ̀ berɨ yeʼ wə̀d nɨ chub ɨzeŋɨ zeŋɨ bə̀ yeʼ wə̀d nɨə yimbɨ ɨnyod.

Tayitùs 3:14

Bə zə ni mba bə̂d kwembɨ ənû nɨ ghɨ ɨ̀chɔ̀m, ɨmbə̀ʼ mbɨ weerɨ mbe nɨ kwaŋ ɨghɨ. Tɨ mbɨ yeʼ ə bə̂d nɨ chəi mbɨə ghɨ̀ ɨ̀chɔ̀m.

Filemɔ̀n 1:7

Aŋgɔb, ɨchî nɨ à ghaʼ bə̂d ə fə ghɨ̀ ni ɨghaʼi kaŋ swi ɨŋga mɨ fîŋ. Ɨchî nɨ àwɔ̀ ə zùtə̀ fîŋ rɨ bə̂d Ŋwiə̀ fə bə̀ nəərɨ əmɨ.

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

Mə̀Hibrù 13:2

Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

1 Pità 4:9

Mbə̀ nɨŋ mbə bɔŋgɔb ɨŋga tə nəb. Àyɨə mbə mɨ nɨŋ, tɨ mbə dumbɨ ə.

1 Jɔn 3:17

Tɨ̀ wə̀d mɔʼɔ we nɨ berɨ mbɔ̂n ghà ni tə ghaʼ ə Ŋwiə̀ əwu ze nɨ wɨ̀ zə wi aŋgɔb nɨ kwaŋ əghɨ ə mɔʼɔ àyɨə chəi wɨ̀ wèèrɨ̀ əməd ə?

3 Jɔn 1:5

Wum aŋgɔb nɨ mə̀ ghaʼi kwàʼ rɨŋgəʼ, à wɨə kàŋə̀ fàʼ ənɨ e fîŋ jìm ənɨ àwɔ̀ ə ghɨ̀ ɨnû əmbɨ ə bə̂d Kristo, màànɨ̀ əmbɨ mbe nɨ yeʼ bə̂d rɨ̀sɔ̀ʼɔ̀.