Jems 5:19 - Meta’

¹⁹ Mbɨ bɔŋgɔb, wə̀d mɔʼɔ rəbɔʼ nən mɨ fèbə̀ tɨ ənɨ rəsìʼ, wɨ cherə wɨrɨ nɨŋ əməd rəbɔʼɔ,

Ikan feg

¹⁹ Ìmbum məfi fɔrɔ ìtum njàbi, wə̀d mɔ̀ʼɔ mə̀ fèbè, dù igun inɔnjì tesiʼ, wə̀d ndəŋ wete aməd ywìrì chwi inɔnjì tesiʼ ibo.

Jems 5:19 Mga Krus na Reperensya

Matìyò 18:15

“We aŋgɔb mɨ ghɨ ənû rɨbɔ̀ŋ ənɨ ə ne, ndə̀ wo ghà ɨgu-ənû məd ɨ bɔ, àmei mbə̀n mbe mɨ̀be. Wɨ̀ mɨ zu ənû ze nɨ àwɔ̀ ə ghàə̀, əne à fə wɨrɨ nɨŋ əməd rəbɔʼɔ.

Lk 22:32

Àyɨə mə fə kɔ̀ŋgɨ̀ ə Ŋwiə̀ ɨgwɨ ne ni tɨ e ɨbenɨ bɔd i. Ənɨ à wɨrɨ bèŋ e fîŋ ben əmɨ, à ghɨ̀ ni fîŋ tɨ mbe bɔŋgɔb wɨrɨ kàànɨ̀.”

Gàlesìyà 6:1

Mbɨ bɔŋgɔb, wə̀d mɔʼɔ rəbɔʼ nən mɨ ghɨ̀ ənû rɨbɔ̀ŋ, mbə̀n mbe nɨə ghɨ̀ ɨnû mbe nɨ Əzwî ə kəbɨ wɨrɨ ghɨ̀ ni wɨ̀ təm, àyɨə mbə̀ ghɨ əne ənɨ əbɔrəbɔd. Mbə̀ we əwən ɨmbə̀ʼ ə̀kwàʼnɨ̀ ə bə nyɨ ɨgwɨ nən.

1 Timotì 6:10

ɨmbə̀ʼ ɨghəm nɨ ənû nɨ ghaʼ ɨkab yɨ əsɨ nɨ tɨkwɨ ɨnû rɨbɔ̀ŋ jìm ə jwɨ̀ rəŋgu. À yɨ ənû nɨ beenɨ əbɔʼ ɨkab ze ə ghɨ̀ ni bə̂d mɨ̀nɔnɔʼ waʼ ɨbenɨ, əne ghɨ̀ ə̀kə̀nɨ̀ ə swi ɨŋga fîŋ tɨ mɨ̀mə̌d ɨmbə̀ʼ ɨchî nɨ mbɨə zəə ŋgəʼ.

1 Timotì 6:21

Bə̂d mɔʼɔ mbɨə ghàə̀ ni mbə berɨ ɨwe, əze ə fə ghɨ ni mbɨ waʼ ɨbenɨ we nɨ mbe nyaʼa be berɨ. Ŋwìə̀ ghɨ ɨ̀chɔ̀m ənɨ mbə̀n mɨjìm.

2 Timotì 2:18

Mbɨ fə kàŋ waʼ ɨnû rəsìʼ. Ɨ mbɨə ghàə̀ ni ənû nɨ zwemə ə nyaʼa fə che i. Ɨ mbɨə bə̀ chə̀kɨ̀ ɨbenɨ bə̂d mɔʼɔ.

Mə̀Hibrù 5:2

Ɨ wɨə nyeʼə ghɨ̀ ɨnû ənɨ əbɔrəbɔd ənɨ ə bə̂d mbe nɨə fàn ɨnû. Ɨ wɨə ghɨ̀ əne ɨmbə̀ʼ ɨghəm nɨ chəi mbɨ kyerɨ ɨnû mbe nɨ mbɨə ghɨ̀ə̀. Ɨchî nɨ mbɨ bɔd yɨə bə̀ ɨchî nɨ məd ziə bə bɔd ənɨ mɨnə̂njɨ̀ nɔnɔʼ.

Jems 1:16

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ wə̀d mɔʼɔ tambɨ i əwən.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

Jems 3:14

À mɨ berɨ ə̀dìì rɨbɔ̀ŋ, à mɨ bə̀ kə̀b ɨghɨ àmei ɨmbə̀ʼ e ɨghəm, tɨrə̀ goŋ e ɨgɔ̂ ɨmbə̀ʼ əzɨ əwən kɨ̀ bè ton ɨnû mbe nɨ yeʼ mbɨ rəsìʼ.

Jems 5:20

wɨ̀ kyerɨ ni wə̀d we nɨ wɨrɨ nɨŋ wə̀d nɨ ghɨ̀ ɨnû rɨbɔ̀ŋ tɨ ənɨ ɨchî nɨ wɨ̀ febə, bɨrɨ chɨ ɨ̀tènɨ̀ wə̀d we nɨə ghɨ̀ ɨnû rɨbɔ̀ŋ rɨ ɨchû ɨvɨ, əne ghɨ̀ Ŋwìə̀ waʼ ɨnû rɨbɔ̀ŋ nɔnɔʼ mbe nɨ wɨ̀ nyaʼə ghɨ̀ə̀.

2 Pità 3:17

Əne mbə̀nə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ fə bè kyerɨ ə ənû zɔ̂. Mbə̀ we əwən ɨmbə̀ʼ ɨchî nɨ bə̂d mbe nɨ chəi mbɨ kyerɨ tɨkə ə kəb febrɨ əwən, njɨ mbə bɨrɨ nim ɨnə̂njɨ̀, əne feŋ rɨ əsɨ ze nɨ mbə kəʼ fə təm ɨgun kàànɨ̀.

Jûd 1:11

Ŋgəʼ bɨrɨ nyɨ ɨgwɨ mɨ̀mə̌d! Ɨ mbɨə ghɨ̀ ɨnû mbe nɨ Kaìn nyaʼa ghɨ̌. Ɨ mbɨə ghɨ̀ əfebrɨ-ənû ze nɨ Balàm nyaʼa ghɨ̌ ɨmbə̀ʼ ədɔʼ ɨkab. Ɨ mbɨə ghɨ̀ rɨ̀zuə̀ àmei ɨchî nɨ Korà nyaʼa ghɨ̌. Əne mbɨ bɨrɨ nim ɨghabɨ ə Korà.