Ɨ̀fàʼì 8:2 - Meta’

² Bə̂d nɨ nyaʼa nuŋ fîŋ ɨgun ə Ŋwiə̀ nyaʼa nɨŋ əvɨ ə Stɨfɨ̀n wɨ̀ tweŋɨ. Mbɨ nyaʼa dì əməd kwàʼ rɨŋgəʼ.

Ikan feg

² Bəd ne ya nɔŋi fìŋ igun Ŋwiye ya niŋ awu Stifə̀n ghò twə̀ŋi. Mbi ya taŋ dèg aməd.

Ɨ̀fàʼì 8:2 Mga Krus na Reperensya

Mk 6:29

Ənɨ mə̀mə̀ə̀nɨ̀-ɨnû Jɔ̌n nyaʼa zu ənû ze, mbɨ nyaʼa wò nɨŋ tɨ̀gùm əməd wò boŋ ɨŋga ɨ̀sì nɨ mbɨ chəb ɨŋga ɨwɔ̌.

Lk 2:25

Mbaŋə̀ mɔʼɔ zɨə nyaʼa ə Jèrusalèm nɨ ɨkum məd nyaʼə Simiòn. Ɨ wɨə nyaʼə ghɨ̀ ɨnû nɨ kuʼnɨ. Ɨ wɨə nyaʼə nùŋ i fîŋ ɨgun ə Ŋwiə̀. Ɨ wɨə nyaʼə bə̀ wòmə̀ nyùmə̀ we nɨ Ŋwìə̀ bɨrɨ chɨ mɨ̀Izre rəŋgəʼ. Əzwî ə Zeŋɨ ə nyaʼa ɨgwɨ məd.

Ɨ̀fàʼì 10:2

Wɨ̀ nyaʼa nùŋ fîŋ ɨgun ə Ŋwiə̀. Ɨ wɨə nyaʼə bə̀ wumnɨ əməd mbɨ i ɨnəbɨ jìm. Ɨ wɨə nyaʼə nàʼ ɨghɨ əmbɨ ə bə̂d ɨkwaŋ əbu əbu. Ɨ wɨə nyaʼə bə̀ kɔŋgɨ ə Ŋwiə̀ ɨghəm jìm.

Ɨ̀fàʼì 2:5

À nyaʼa ənɨ ə nyùmə̀ we, mɨ̀Jû mbe nɨ nyaʼa nùŋ fîŋ ɨgun ə Ŋwiə̀ mbɨə nyaʼa ə Jèrusalèm. Mbɨ yɨə nyaʼə rɨŋga ɨbeŋ jìm mbe nɨ yeʼ ɨŋga ɨsɨg.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Ɨ̀fàʼì 8:3

Sɔ̂l nyaʼa kə̀b ni njɨ tə nimnɨ bə̂d Kristo. Əne wɨ̀ nyaʼa kɔ ghanə nyɨrə nəb, yènə̀ sùŋə̀ bə̂d mbe nɨ nyaʼa ben ə Kristo, mbaŋə̀ mbɨ məyi, wò zɨ ə ndəŋ.