Ɨ̀fàʼì 2:7 - Meta’

⁷ Ənû ze ə nyaʼa chè mɨ̀mə̌d, əne mbɨ nyaʼa yiirɨ biirɨ ni, “Ɨmbə̀ʼ bə̂d mbɔ̂ mɨjìm nɨə ghàmə̀ yɨ məGaliliî ə?

Ikan feg

⁷ Icheg ne anug azo̰ ya che awɔb ane, mbi ya biri gha, “Bəd mbo̰ ne ghàmà ìta tìngam anìŋ, àkə kayi məGalìli?

Ɨ̀fàʼì 2:7 Mga Krus na Reperensya

Matìyò 21:11

Mɨnɔ̂n bə̂d mbe nyaʼa ghà ni, “Wɔ̂ yɨə Yeso we nɨ yeʼ wə̀d ɨ̀kə̀n Ŋwìə̀. Wɨ̀ yɨ rɨ ə Nazàret ə Galiliî.”

Matìyò 26:73

Ənɨ əmad ə nyaʼa yì zòmbɨ, mbaŋə̀ te nɨ nyaʼa təmbɨ ɨban ɨban nyaʼa wò ghà əmbɨ Pità ni, “À yɨ kaŋ rəsìʼ ni àwɔ̀ yɨ wɨ mɔʼɔ rəbɔʼ mɨ̀mə̌d, ɨmbə̀ʼ ɨghəm nɨ ɨchî nɨ àwɔ̀ ə ghàm ə chwi ni àwɔ̀ yɨ rɨ ə Galiliî.”

Matìyò 8:10

Ənɨ Yeso nyaʼa zu ənû ze, wɨ̀ nyaʼa yiirɨ, əne ghà əmbɨ ə bə̂d mbe nɨ nyaʼə beenɨ əbɔʼ məd ni, “Mə ghà rəsìʼ ɨ nən ni chəi mə kweʼ zə wə̀d mɔʼɔ ɨŋga Izre nɨ berɨ ɨkwɨ ɨbenɨ wɔ̂.

Mk 1:27

Bə̂d mɨ̀jìm mbe nɨ nyaʼa əŋgu nyaʼa yiirɨ, əne mbɨ nyaʼa sɨə biirɨə mbənə mbənə ni, “Əzɔ̂ ə kɨ ə ye ə? À kɨ ɨkwɨ ɨchî fi nɨ chwi ənû ə? Mbaŋə̀ zɔ̂ ə berɨ ɨka nɨ gham nɨ ka àbei əbɔʼ ɨzwî rɨbɔ̀ŋ, mbɨ zuunɨ əməd.”

Mk 2:12

Mbaŋə̀ ze nyaʼa nɔ̀ʼ əwu əwən, nɨŋ i matə̀, jwɨ̀ wò i ɨfě mɨ̀mə̌d mɨjìm. Ənû ze ə nyaʼa chè bə̂d mbe mɨ̀jìm, əne mbɨ nyaʼa yiirɨ ə Ŋwiə̀ ghàə̀ ni, “Chəi tɨ̀ kweʼ zə ənû ɨghabɨ ə zɔ̂!”

Jn 7:52

Mbɨ nyaʼa wììrɨ̀ ɨ bɔ ni, “Àwɔ̀ wa kɨ rɨ ə Galiliî bə ə? Jeŋgɨ neŋ ɨŋga Ə̀ŋwàʼnɨ̀ ə Ŋwiə̀, əne à bɨrɨ zə ni chəi wə̀d ɨ̀kə̀n Ŋwìə̀ mɔʼɔ bɨrɨ jwɨ rɨ ə Galiliî.”

Ɨ̀fàʼì 1:11

Mbaŋə̀ te nyaʼa ghà ni, “Mbaŋə̀ tɨ rɨ ə Galiliî, mbə təm əgha ɨ neŋ ɨkaŋ ɨmbə̀ʼ ə yè ə? Yeso wɔ̂, nɨ Ŋwìə̀ fə nɨŋ rəkaʼ nən ɨkaŋ, bɨrɨ bəndɨ yeʼe àmei ɨchî nɨ mbə̀ zə ənɨ wɨə wò ɨkaŋ.”

Ɨ̀fàʼì 2:12

Ənû ze ə nyaʼa chè mɨ̀mə̌d mɨjìm, ɨtu mɨ̀mə̌d bə̀ bùùrɨ̀, əne mbɨ nyaʼa kɔ biirɨ mbənə mbənə ni, “Əton ənɨ ənû zɔ̂ kɨ ni yè ə?”

Ɨ̀fàʼì 2:8

Zɨə sɨ chè rɨ yè nɨ wə̀d mɔʼ mɔʼ rəbɔʼ na wɨə zu ənɨ mbɨə ghàm ənɨ i ɨŋgam əbeŋ ə?

Ɨ̀fàʼì 3:10

Ənɨ mbɨ nyaʼa kyerɨ ni à yɨə mbaŋə̀ ze nɨ nyaʼə chub ɨ nɔn ɨkab Ɨchû Ɨkam we nɨ Təmɨ, ənû ze ə nyaʼa chè mɨ̀mə̌d, əne mbɨ nyaʼa yiirɨ ɨmbə̀ʼ ənû ze nɨ nyaʼa ghɨ ənɨ məd.