Ɨ̀fàʼì 11:16 - Meta’

¹⁶ Əne mə nyaʼa kɔndɨ ɨŋgam Ə̀nùŋɨ̀sɨg, ɨchî nɨ wɨ̀ nyaʼa gha ni, 'Jɔ̌n wɨə nyaʼə nàʼə̀ mɨnib, àyɨə Ŋwìə̀ bɨrɨ naʼ Əzwî ə Zeŋɨ ɨ nən.'

Ikan feg

¹⁶ Mə ya si wèndi anug ne Anɔŋisəg ya gha gha, ‹Jɔn yaya nàʼà mənib inən, si ya gha, Ŋwiye biri nàʼ àzi Azwighi inən.›

Ɨ̀fàʼì 11:16 Mga Krus na Reperensya

Ɨ̀fàʼì 1:5

Jɔ̌n wɨə nyaʼə nàʼə̀ mɨnib, àyɨə bɔŋ ɨni nɔnɔʼ sɨə yeʼe, Ŋwìə̀ bɨrɨ naʼ Əzwî ə Zeŋɨ ɨ nən.”

Mk 1:8

Mə wɨə nàʼ mɨnib ɨ nən, àyɨə məd bɨrɨ cha Əzwî ə Zeŋɨ ɨgwɨ nən.”

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Lk 3:16

Jɔ̌n nyaʼa wììrɨ̀ əmbɨ mɨ̀mə̌d mɨjìm ni, “Mə wɨə nàʼ mɨnib ɨ nən, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ za mɨniʼ ɨtabɨ məd. Məd bɨrɨ cha Əzwî ə Zeŋɨ fɔrɨ ɨwid ɨgwɨ nən.

Matìyò 3:11

“Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

Ɨ̀fàʼì 20:35

Ənɨ ɨnû jìm, mə fə chwi ɨ nən ni zɨə bɔ̀ŋ ni tɨ̀ faʼ rɨkǎ ɨmbə̀ʼ weerɨ bə̂d mbe nɨ kwaŋ ɨghɨ. Mbə̀ kɔndɨ ɨŋgam Ə̀nùŋɨ̀sɨg Yeso ɨchî nɨ wɨ̀ nyaʼa gha ni, 'Wə̀d we nɨə nàʼə̀, wɨə berɨ əbɔrəbɔd chè we nɨə nɨŋə.'”

Jn 16:4

Àyɨə mə fə ghà ɨnû mbɔ̂ ɨ nən ɨmbə̀ʼ nyùmə̀ we mɨ kùʼ, mbə bɨrɨ fə kyerɨ ni mə nyaʼa fə patɨ əwən.” Yeso nyaʼa wo ɨmbì gha ni, “Chəi mə̀ nyaʼa gha ɨnû mbɔ̂ ɨ nən ənɨ mə̀ nyaʼa kɔ chwi ɨnû ɨmbə̀ʼ ɨghəm nɨ mə wɨə nyaʼa kɨrɨ mbɨ nən.

Jn 1:33

Mɔ̌, ənɨ mɨ ɨghəm, chəi mə nyaʼa kyerɨ ni à yɨə məd, àyɨə Ŋwìə̀ we nɨ nyaʼa cha əmɨ ni mə̀ naʼ mɨnib nyaʼa ghà ɨ num ni, 'Wə̀d we nɨ Əzwî ə swiʼi chub ɨgwɨ məd yɨ we nɨ bɨrɨ naʼ yeʼ ənɨ Əzwî ə Zeŋɨ əmbɨ ə bə̂d.'

Jn 1:26

Jɔ̌n nyaʼa wììrɨ̀ əmbɨ mɨ̀mə̌d ni, “Mə wɨə nàʼ mɨnib, àyɨə wə̀d mɔʼɔ ə təm əkaʼ nən nɨ chəi mbə̀ kyerɨ əməd.

2 Pità 3:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ə̀ŋwàʼnɨ̀ zɔ̂ nɨ mə ŋwaʼnɨ ɨ nən tɨ̀nîn yɨ ə̀ŋwàʼnɨ̀ ze nɨ pe ənɨ mbɨ be. Ɨŋga ɨ̀ŋwàʼnɨ̀ mbɔ̂ be, mə fə kywɨ ənywɨ nɨ nɔ̀ɔ̀rɨ̀ mbə ɨtu ɨmbə̀ʼ ɨnû mbe nɨ mbə̀ nyaʼa fə be kyerɨ, ɨmbə̀ʼ mbə̀ wɨrɨ kɔndɨ ɨnû rəŋgu mbɨ ə fîŋ nɨ zeŋɨ.

Lk 24:8

Ənɨ məyi mbe nyaʼa zu ənû ze, mbɨ nyaʼa kɔndɨ ɨŋgam we nɨ Yeso nyaʼa gha əmbɨ mɨ̀mə̌d.

Matìyò 3:6

Ɨ mbɨə nyaʼə pè benə mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̀ Jodàn.