Fìlipì 2:10 - Meta’

¹⁰ Wə̀d mɔʼɔ mɨ tɔŋ ɨkum Yeso, bə̂d mɨ̀jìm ɨkaŋ, ɨgwɨ ə si, mbɨ əton ə si bɨrɨ chìndɨ̀ ɨtu ɨnywɨ ə si.

Ikan feg

¹⁰ Ane ya ni ghì gha, wə̀d mɔ̀ʼɔ mə̀ kàrì ikum Yeso, ighi ijìm ikaŋ àbɔ̀ŋɔ fɔrɔ ighi ijìm igun isəg fɔrɔ ighi ijìm aton ìseg mənyìʼ gɔ̀m itog inwḭ aseg zùgri aməd.

Fìlipì 2:10 Mga Krus na Reperensya

Matìyò 12:40

Ɨchî nɨ Jonà nyaʼa chub ɨŋga ɨbum ɨgwi kyeŋ ɨzi ɨtad mbɨ əzimɨ ətad, yɨə bə̀ ɨchî nɨ Wan Wə̀d bɨrɨ chub ɨzi ɨtad mbɨ əzimɨ ətad ɨŋga si.

Matìyò 27:29

Mbɨ nyaʼa ghɨ̀ əne, nɨŋ ɨ̀jə̀ŋɨ̀ kad ɨghabɨ ɨdəm ɨfɔ̀n zɨ̀ ətu ɨ bɔ. Mbɨ nyaʼa bə̀ zɨ̀ fɨzed ɨŋga əbɔ ə jɨg əməd, əne chìndɨ̀ ɨtu ɨnywɨ ɨfě ɨ bɔ kɔ baʼrɨ əməd ghàə̀ ni, “Mbèè! Ŋgə̀ə̀! Tɨ̀ chàʼrɨ̀ əwe, kyɨ ɨfɔ̂n mɨ̀Jû!”

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Rm 11:4

Ŋwìə̀ nyaʼa wììrɨ̀ ɨ bɔ ni yè ə? Wɨ̀ nyaʼa ghà ɨ bɔ ni, “Mə fə nùŋ bə̂d chuʼ sambe ənɨ mbum, nɨ chəi mbɨ kɨrɨ wumnɨ ŋwìə̀ əko we nɨ mbɨə tɔŋ ənɨ ə Bal.”

Efesùs 1:10

Wɨ̀ nyaʼa nuŋ əne, ɨmbə̀ʼ ənɨ nyùmə̀ kuʼu, wɨ̀ bɨrɨ nɨŋ ɨghɨjìm mbe nɨ yeʼ ɨkaŋ mbɨ mbe nɨ yeʼ ɨgwɨ ə si fɔtɨ mbɨ Kristo nɨ yeʼ ətu ɨgwɨ ɨghɨ mbe jìm.

Efesùs 3:14

Mə mɨ kɔndɨ ənû ze nɨ Ŋwiə̀ nyaʼa fə taŋɨ, mə chìndɨ̀ ɨtu ɨnywɨ ɨfě Mbǎʼ

Efesùs 4:9

Mbɨ kɨ mɨ ŋwàʼnɨ̀ ni, “Wɨ̀ nyaʼa wo ɨkaŋ,” əne yɨ mbɨ gha ni ye ə? Əne yɨ mbɨ gha ni wɨ̀ nyaʼa bə̀ swiʼi wò ɨŋga ɨsɨ mbe rɨ əton.

Mə̀Hibrù 1:6

Ənɨ Ŋwìə̀ nyaʼa cha i wan fə̀d ɨŋga ɨsɨg, wɨ̀ nyaʼa ghà ni, “Mbɨ̀aŋgɨrə̀ Ŋwìə̀ mɨ̀jìm berɨ wumnɨ əməd.”

Ɨnû 20:13

Rɨ̀bàà nyaʼa chɨ̀ ɨvɨ bə̂d mbe nɨ nyaʼa ɨŋga məd. Ɨvɨ mbɨ əbeŋ ɨvɨ bə̂d nyaʼa bə̀ chɨ̀ ɨvɨ bə̂d mbe nɨ nyaʼa ɨŋga mɨ̀mə̌d. Ŋwìə̀ nyaʼa saʼ mɨ̀mə̌d mɨjìm beenɨ əbɔʼ ɨnû mbe nɨ mbɨ nyaʼa ghɨ̌.

Ɨnû 4:10

bə̂d kyeŋ mbe ɨwum be chɔ̀b rɨkwè gundɨ ə si ɨfě məd we nɨ chub ɨgun ətən ɨfɔ̀n, wumnɨ əməd we nɨ ten i koŋ. Mbɨ màʼrɨ̀ tə rɨdəm mɨfɔ̀n ə si ɨfě ətən ɨfɔ̀n ze, kwerɨ ɨkyî ghà ni,

Ɨnû 5:3

Chəi wə̀d mɔʼɔ ɨkaŋ kɨ̀ ɨgwɨ ə si kɨ̀ əton ə si nɨ tɨ̀ wɨ̀ kə̀ʼ fìʼ ə̀ŋwàʼnɨ̀ ze kɨ̀ bè nèŋ ɨŋga.