Mateo 28:4 - Manobo Western Bukidnon

⁴ Ne nengehandek utew sikan is ebantey zutun he menge sundaru ne nengetentanan dan is wazà memekewaleng he ebpengerkeren.

Mateo 28:4 Mga Krus na Reperensya

Mateo 28:11

Ne hein neipus haazà is menge vahi, migenat daan is duma zutun te menge sundaru he impevantey zutun te surung. Midhendiyè dan te inged ne midtudtul zan ziyà te menge punuan he memumuhat is langun he neulaula.

Mateo 28:3

Is dagwey zin, ne ebpekesirang su utew merayag, ne utew zaan meputì is ugelingen din.

Mateo 28:5

Ne sikan is menge vahi, migkeg̵iyan sikandan dutun te velinsug̵uen te, “Kenè kew mahandek. Netuenan ku he ebpen-ahaan niw si Jesus, sikan is inransang te krus.

Nengeulaula 16:29

Ne haazà is ebantey, midsug̵ù he uwita is sulù ne migaanggaan medseled ne midluhud is egkerkeren diyà te etuvangan ni Pablo wey ni Silas.

Impezayag 1:17

Ne hein neehè ku sikandin, nekelangkeb a ziyà te etuvangan din ne henduen a te minatey. Ne indampè din kediey is kewanan he palad din ne ke sikandin te, “Kenè ka mahandek su iyan a sikan is puunà wey kes egkepengkusan te langun.