مَتّا 7:16 - هُدائے پاکێن کتاب، بلۆچی زبانا

¹⁶ شما چه آیانی کِردا آیان پَجّاهَ کارێت. چه ڈَنگران انگور و چه ڈۆلُکا اِنجیر چِنَگَ بیت؟

مَتّا 7:16 Mga Krus na Reperensya

مَتّا 12:33

اگن شَرّێن بَر و نیبگَ لۆٹێت، باید اِنت درچک شَرّێنے ببیت، بدێن درچک بدێن بَر و نیبگَ دنت، هر درچک چه آییئے بَرا زانگَ بیت.

مَتّا 7:20

پمێشکا آیان چه بَران پَجّاهَ کارێت.

په گَلاتیان پولُسئے کاگد 5:22

بله پاکێن روهئے بَر و سَمر اِش اَنت: مِهر، شادِه، اێمنی، سَبر و اۆپار، مِهربانی، شَرّی، وَپاداری،

آکوب 2:18

نون بوتَ کنت کَسے بگوَشیت: ”تئیی کِرّا باور هست و منی کِرّا کار و کِرد. تئو وتی باوَرا بے کار و کِردا منا پێش بدار و من چه وتی کار و کِردا، ترا وتی باوَرا پێشَ داران.“

آکوب 3:12

او منی براتان! اِنجیرئے درچکے زئیتونئے بَر داتَ کنت؟ یا که انگورئے درچکے اِنجیرَ دنت؟ همے ڈئولا، سۆرێن چَمّگے وشّێن آپ رُمبێنتَ نکنت.