مَتّا 5:9 - هُدائے پاکێن کتاب، بلۆچی زبانا

⁹ بَهتاور اَنت هما که سُهل و اێمنیَ کارنت، چێا که آ هُدائے چُکّ نامێنگَ بنت.

مَتّا 5:9 Mga Krus na Reperensya

زَبور 120:6

من گۆن چُشێن مردمان زند گوازێنگا دَم بُرتگ که چه سُهل و اێمنیا نپرتَ کننت.

زَبور 34:12

چه شما کئے په زِندا هُدۆناک اِنت و وشّێن رۆچانی گِندگئے لۆٹۆک؟

مَتّا 5:45

تان وتی آسمانی پتئے چُکّ ببێت، چێا که آ وتی رۆچا په نێک و بدانَ دْرپشێنیت و وتی هئورا په پهرێزکار و رَدکارانَ گوارێنیت.

مَتّا 5:48

پمێشکا شما باید تمان و بےائیب ببێت، اَنچُش که شمئے آسمانی پت وتی جاها تمان و بےائیب اِنت.

لوکا 20:36

آ هچبر پدا نمرنت و پرێشتگانی ڈئولا اَنت، هُدائے چُکّ اَنت، چێا که نمیرانێن زِندئے چُکّ اَنت.

لوکا 6:35

بله شما گۆن وتی دژمنان هم مهربان ببێت، گۆن آیان نێکی بکنێت، وامِش بدئیێت و پدا ملۆٹێت. اے ڈئولا، شمارا چه هُدائے نێمگا، مزنێن مُزّے رَسیت و شما مَزَن‌شانێن هُدائے چُکَّ بێت، چێا که آ، گۆن ناشگر و بدکارێن مردمان هم مهربان اِنت.

کاسِدانی کار 7:26

اے دگه رۆچا اَناگت، آییا دو اِسراییلی وت‌مان‌وتا مِڑ و جنْگا دیست. موسّا په آیانی گیشّێنگ و تِپاک کنگا دێما کِنزت و گوَشتی: ’او مردان! شما وت‌برات اێت، چێا یکدگرا تاوانبارَ کنێت؟!‘

پولُسئے کاگد په رومیان 12:18

تان هما هَدّا که شمئے دستا بیت، گۆن هرکَسا په سُهل و آرامی زِند بگوازێنێت.

پولُسئے کاگد په رومیان 8:14

آ سجّهێن مردم هُدائے چُکّ اَنت که هُدائے روه آیانی رَهشۆن اِنت.

پولُسئے کاگد په رومیان 8:16

روهئے جِند گۆن مئے اَرواها گواهیَ دنت که ما هُدائے چُکّ اێن.

پولُسئے کاگد په رومیان 8:19

چێا که سجّهێن هستی، په بێسَبری همے وَدارا اِنت که هُدائے چُکّ کدێن زاهر کنگَ بنت.

په گَلاتیان پولُسئے کاگد 5:22

بله پاکێن روهئے بَر و سَمر اِش اَنت: مِهر، شادِه، اێمنی، سَبر و اۆپار، مِهربانی، شَرّی، وَپاداری،

په پیلیپیان پولُسئے کاگد 4:2

من گۆن یودیا و سِنتیکی دوێنان دَزبندیَ کنان که هُداوندئے راها همدل و تِپاک ببنت.