یوهَنّا 19:23 - هُدائے پاکێن کتاب، بلۆچی زبانا

²³ سَلیب کَشّگئے وهدا، پئوجیان ایسّائے پُچّ زرتنت، چار بهرا بهر کرتنت، په هر پئوجیێا یکّ بهرے. بله ایسّائے جامگ مَنت که هچّ چاکی پِر نه‌اَت، سَرا تان پادا یَک‌گواپ اَت.

یوهَنّا 19:23 Mga Krus na Reperensya

دَرگوَز 28:32

کباها گُٹّے پِر ببیت. گُٹّئے چپّ و چاگردا کالارئے پئیمێن دَزگواپێن کِناریے پِر ببیت که گُٹّ مَدِریت.

مَتّا 27:35

نون سَلیبئے سرا دْرتکِش، پُچّ و پۆشاکِش وت‌مان‌وتا بهر کرتنت و آیانی سرا شرتِش بست که بارێن کئیا برسنت.

مَرکاس 15:24

نون سَلیبئے سرا دْرتکِش، پُچّ و پۆشاکِش وت‌مان‌وتا بهر کرتنت و شرتِش بست که بارێن کئیا چے رسیت.

لوکا 23:34

ایسّایا گوَشت: ”او پت! آیان پهِلّ کن، چێا که نزاننت چے کنگا اَنت.“ گڑا سپاهیگان ایسّائے پُچّ و پۆشاک کَشّتنت و په آیانی بهر کنگا شرتِش بست که بارێن کئیا رسنت.

کاسِدانی کار 12:4

دَزگیر کنگا رند، آییا پِتْرُس جێل کرت. چار چار سپاهیگئے چار ٹۆلی، باریگ باریگا آییئے سرا پاسپانی کنگا اَت. هیرودیسئے دلا اَت که سَرگوَزئے ائییدا رَند، آییا کئومئے دێما کاریت و پێشَ کنت.