پێدایش 37:36 - هُدائے پاکێن کتاب، بلۆچی زبانا

³⁶ و آ نێمگا میدیانیان مِسرا ایسُّپ پوتیپارئے کِرّا بها کرت. پوتیپار، پِرئونئے اَپسرے اَت. نِگهپانانی مستر اَت.

پێدایش 37:36 Mga Krus na Reperensya

پێدایش 37:28

وهدے میدیانی سئوداگر نزّیکّا رَستنت، براتان ایسُّپ چه چاتا کشِّت و بیست نُگرها اِسماێلیانی کرّا بها کرت. اِسماێلیان ایسُّپ مِسرا برت.

پێدایش 40:3

نگهپانانی مسترئے لۆگا بندی کناێنتنت، هما بندیجاها که ایسُّپ بندیگ اَت.

پێدایش 40:4

نگهپانانی مسترا ایسُّپ هُکم دات که اِشانی هئیالا بدار. ایسُّپا اَنچُش کرت. اے مردم تان مُدّتێا بندیجاها مَنتنت.

پێدایش 41:12

اۆدا گۆن ما اِبرانی وَرناے بند اَت. نِگهپانانی مسترئے هِزمتکارے اَت. ما گۆن آییا وتی وابئے کِسّه کرتنت و آییا مانا کرت و داتنت. دوێنان وتی وابانی مانا رست.

زَبور 105:17

آیانی دێما مردمے رئوانی دات، ایسُّپ، که گُلامێئے هسابا بها کنگ بوت.

دانیال 2:14

نون دانیالا گۆن جَلّادانی سَرمَستِر، آریوکا که بابِلئے دانایانی کُشَگا در کپتگ‌اَت، په هِکمت و دانایی هبر کرت.