دَرگوَز 32:16 - هُدائے پاکێن کتاب، بلۆچی زبانا

¹⁶ وانِک هُدائے تْراشتگێن اَتنت و نبشته هُدائے دَزنبِشت اَتنت که آییا وانِکانی سرا آجِتگ‌اَتنت.

دَرگوَز 32:16 Mga Krus na Reperensya

دَرگوَز 31:18

وهدے هُداوندا سینائے کۆهئے سرا گۆن موسّایا هبر هلاس کرت، شاهدیئے دوێن وانِکی موسّائے دستا داتنت، سِنگئے دو وانِک اَتنت که اِشانی سرا هُداوندا دَهێن پرمان دستِ وت نبشته کرتگ‌اَتنت.

دَرگوَز 32:15

موسّا پِر ترّت و چه کۆها اێر کپت. اێر کپگئے وهدا موسّایا شاهدیئے دوێن وانِک دستا اَتنت. وانِکانی دوێن نێمگان نبشته پِر اَت، اے دێم و آ دێم نبشته اَتنت.

دَرگوَز 32:17

یوشایا مهلوکئے کوکّارانی تئوار اِشکُت و گۆن موسّایا گوَشتی: ”اُردگاها جنگێئے تئوار اِنت.“

دَرگوَز 34:1

هُداوندا گۆن موسّایا گوَشت: ”پێسریگێن وانِکانی پئیمێن دو وانِک بتراش و من آیانی سرا هما لبزانَ نبیسان که پێسریگێنانی سرا نبشته اَتنت، هما وانِک که تئو پرۆشتنت.

دَرگوَز 34:4

موسّایا پێسری وانِکانی پئیمێن دو وانِک تراشت و هما پئیما که هُداوندا هُکم داتگ‌اَت، سباها ماهلّه سینائے کۆها سر کپت. دوێن وانِک آییئے دستا اَتنت.