دانیال 11:32 - هُدائے پاکێن کتاب، بلۆچی زبانا

³² په چاپلوسی هما مردمان سِلّ و پلیتَ کنت که اَهد و کَرارئے هلاپا کارِش کرتگ، بله هما مردم که وتی هُدایا شرّیا پَجّاهَ کارنت، آییئے دێما مُهرَ اۆشتنت.

دانیال 11:32 Mga Krus na Reperensya

زَبور 9:10

آ که تئیی ناما زاننت تئیی سرا تئوکلَ کننت چیا که تئو، او هُداوند، وتی هُدۆناکێن لۆٹۆک یله نکرتگ‌اَنت.

دانیال 11:21

اِشیئے جاگها اَنچێن بَژّناکێن مردمے کئیت که آییا هچّ پئیمێن بادشاهی شرپ دئیگ نبوتگ‌اَت. اے په آرامیَ کئیت و په رِپک و پندلے بادشاهیا گیپت.

دانیال 11:34

وهدے کَپنت، کمّێن کُمَکِشَ رسیت و بازێنے په بَدنیّتی آیانی همراهَ بیت.

یوهَنّا 17:3

او یکّ و بَرهَکّێن هُدا! اَبدمانێن زِند همِش اِنت که اے مردم ترا بزاننت و تئیی رئوان داتگێن ایسّا مَسیها پَجّاه بیارنت.

یوهَنّائے ائولی کاگد 5:20

اے چیزّا هم زانێن که هُدائے چُکّ آتکگ و مارا اے پۆه و زانتی داتگ که آ ”راستێنا“ بزانێن. ما هما ”راستێنئے“ اَرواه و جَبینا اێن، آییئے چُکّ ایسّا مَسیهئے اَرواه و جَبینا. راستێن هُدا و نمیرانێن زِند، هما اِنت.

اِلهام 6:11

آ سجّهێنان اسپێتێن پۆشاک دئیگ بوت و گوَشگ بوتنت که کمّے اَنگت سبر کنێت تان شمئے همراهێن هِزمتکار و شمئے برات، شمئے ڈئولا کُشگ ببنت و هساب سَرجم ببیت.