Santiago 4:9 - Kaxinawá Bíblia (BR)

⁹ Ha inũ, mã habe haibunameama txakabuwakubainaibuũ, ana pepeama matũ txakabu unãtã hawẽ kashakatsi iki ana usaĩ benimama huĩti nixmai punu nukatã matũ xinã inũ matũ huĩti pewarikãwẽ.

Kashinawa : Diosun Jesúswen taexun yuba bena yiniki

⁹ Ja inun, man jabe jaibunameama chakabuwakubainaibuun, ana pepeama matun chakabu unantan jawen kaxakatsi iki ana usain benimama juinti nishmai punu nukatan matun shinan inun matun juinti pewadikanwen.

Santiago 4:9 Mga Krus na Reperensya

Jó 30:31

ha mimawati harpa inũ teperewewẽ ana benimama isĩ pae tenekĩ ẽ kasha besti kaiaĩ ẽ nĩkakubainaii.

Provérbios 14:13

Bemakis usãbiai huĩti uke merã bika tenei hawawẽ haskatima mĩ isĩ tenetiruki. Haskai bemakis benimabiashina hawẽ henei kashatirubuki.

Jeremias 31:13

Txipashbu inũ, berunãbu inũ, anibubu benimai besi nawakubirãshãkanikiki. Nui kashabiaibũ hatu benimawakĩ isĩ tenẽbiaibũ benima pae inãkĩ nuitapabiaibũ ẽ hatu daewakubaĩshanaii.

Mateus 21:41

habũri Jesus yuikĩ: —Bai ibu hushũ ha dayakapa txakabubu hawa hatuwẽ nuiama hawenabubetã hatu tenãtã hanushũ dayakapa betsabu yunukĩ hau habũ ẽ bimi dabukũ ea inãshanũbũ, iwanã, yunutiruki— akabu

Mateus 5:4

—Ha inũ, tsuabũra hatũ huĩti nixma kashakatsis ikaibuwẽ taeshũ Deusũ hatu xinã txãkãwã benimapaketi xinaĩ benimakubaĩkanikiki.

Lucas 16:25

Abraãonẽ yuikĩ: “Baa, eskaki xinãwẽ. Mĩ hiwearã, hawa bika teneama mabuhairaya mĩ hiwekũkainimaki. Mĩ haskaya Lázarorã, nuitapakĩ isĩ txakabu besti tenei hiwekũkainimaki. Hakia natiã Lázaro Deusũ duawakĩ mia kupiaiwẽ taea mĩ nuitapaii.

Lucas 6:21

Ha inũ, tsuabura hawara pepa besti abutxakayamai hawẽ nuihairaiwẽ kupikĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki. Ha inũ, tsuabũra matũ txakabu xinaĩ huĩti nixma mã kashakatsis imisbuwẽ taeshũ Deusũ matũ huĩti xinã txãkãwã mã benimakũkaĩmiski.

Lucas 6:25

Ha inũ, tsuabura yauxikĩ piti yani bestiwatã mã benimakubainaibu ana tsuã matu merabewakĩ matu duawabuma buni tenei mã nuitapahairashanaii. Ha inũ, natiã tsuabũra Deus xinãma matũ hamapai besti xinaĩ mã usãmis ana haskama matũ huĩti nixma kashai mã nuitapahairashanaii.