João 1:21 - Kashinawa : Diosun Jesúswen taexun yuba bena yiniki

²¹ —Min tsuadaka, Dios janchaxunika Elías kanidan, ¿min jamen?— akabu —En jamadiki— jatu wa —“Diosun jancha yuixunika kushipa ea keska juxanikiki”, akin Moisin yuinidan, ¿min jamenkain?— akabu —En jamadiki— jatu wa

Kaxinawá Bíblia (BR)

²¹ —Mĩ tsuaraka, Deus hãtxashunika Elias kanirã, mĩ hamẽ?— akabu —Ẽ hamariki— hatu wa —“Deusũ hãtxa yuishunika kuxipa ea keska hushanikiki”, akĩ Moisés yuinirã, mĩ hamẽkaĩ?— akabu —Ẽ hamariki— hatu wa

João 1:21 Mga Krus na Reperensya

Mateus 11:14

Man pabinkiyabuki. Ninkatan jakimayamaxankanwen. Diosun jancha yuixunika Elías jau ana juxanun Diosun yubani Juanan, jabiaki. Man ikunwankatsi ikaidan, jawen jancha ikunwankanwen— iwanan,

Mateus 16:14

—Betsabun yuikinan: “Nashimanika Juan ana bestenshinaki”, mia wakanikiaki. Betsabundi yuikin: “Elías ana besteinmaki”, mia wadiakanikiaki. Betsabundi yuikin: “Diosun jancha yuixunika Jeremías kasmai jawen jancha yuixunika betsa daka”, akin mikidi yuimisbukiaki— nun wa

Mateus 21:11

Jesúsbe bukin jatu yuikin: —Diosun jancha yuixunika Jesúski. Galilea mai pakeanua jawen mae Nazaretki— jatu akubainaibun,

Lucas 1:17

Jaska inun, min bake Juanenan, Diosun kushipaya jawen Yushinyan bebun nixun jaska Elíasin Diosun jancha yuixunikatun ani keska wakin jatun ibubu jabun bakebu ana danananain sintanameama inun ja patapakin ninkaisbuma jau jabundi Dios chibanunbun min bake Juanen yudabu jatun Xanen Ibu juai manamakin jatu shinan betsa wamaxanikiki— aka

João 1:22

—Jabun nuku yunushinabu jadi nun jatu yuitanun, miadan, min tsuamenkain nuku yuiwe, mikidi nuku yunushinabu nun jatu yuitanunan— akabu

João 6:14

jawen unanmati dami Jesúsun jatu axunxuwen taea uin yuinamei: —Chanima Diosun jancha yuixunika kayabiki, jaska Moisin yuinidan, ja junidan, jabiaki— ikubaunkin

João 7:40

Januxun jatiditun Jesúsun jancha ninka pewatan yuikin: —Chanima na junidan, Diosun jancha yuixunikakidi Moisin nuku yuinidan, jaki— ikaibun