100 Aya kuhusu Umuhimu wa Uaminifu

Shabaha ya amri hii ni kuhimiza mapendo yatokayo katika moyo safi, dhamiri njema, na imani ya kweli.

Utii na uaminifu visitengane nawe. Vifunge shingoni mwako; viandike moyoni mwako.

Matendo ya mtu huonekana kwake kuwa sawa, lakini Mwenyezi-Mungu hupima nia ya mtu.

Mwenendo wenu kati ya watu wasiomjua Mungu unapaswa kuwa mwema kabisa, ili hata watakapowasingizieni kwamba mnatenda mabaya, waweze kutambua matendo yenu mema na hivyo wamtukuze Mungu siku ya kuja kwake.

Hatimaye, ndugu zangu, zingatieni mambo mema na yanayostahili kusifiwa; mambo ya kweli na bora; mambo ya haki, safi, ya kupendeza na ya heshima.

Kitovu cha neno lako ni ukweli, maagizo yako yote adili, yadumu milele.

Zaidi ya yote pendaneni kwa moyo wote, maana upendo hufunika dhambi nyingi.

Aishiye kwa unyofu atasalimishwa, lakini mdanganyifu ataanguka kabisa.

Maana ufalme wa Mungu si shauri la kula na kunywa, bali unahusika na kuwa na uadilifu, amani na furaha iletwayo na Roho Mtakatifu.

Kinywa changu kitatamka kweli tupu; uovu ni chukizo midomoni mwangu.

Hakuna kitu kinachonifurahisha zaidi kuliko kusikia kwamba watoto wangu wanaishi katika ukweli.

Watoto wangu, upendo wetu usiwe maneno matupu, bali uwe upendo wa kweli na wa vitendo.

Ndugu zangu wapenzi, kumbukeni jambo hili! Kila mtu na awe mwepesi wa kusikia lakini si mwepesi wa kusema wala mwepesi wa kukasirika.

Mtu mkarimu akopeshaye bila faida, hufanikiwa; mtu afanyaye shughuli zake kwa kutumia haki.

Shahidi mwaminifu hasemi uongo, lakini asiyeaminika hububujika uongo.

Anayetamani faida ya ulanguzi anaitaabisha jamaa yake, lakini achukiaye hongo ataishi.

Hivyo, kufuatana na hii Habari Njema ninayohubiri, ndivyo itakavyokuwa wakati Mungu atakapohukumu mambo ya siri ya binadamu kwa njia ya Yesu Kristo.

Shahidi mwongo hatakosa kuadhibiwa; asemaye uongo ataangamia.

Chakula kipatikanacho kwa udanganyifu ni kitamu, lakini baadaye huwa kama mchanga kinywani.

Mfalme anayewaamua maskini kwa haki, atauona utawala wake umeimarika milele.

Kutenda mambo mema na ya haki, humpendeza Mwenyezi-Mungu kuliko tambiko.

Tukisema kwamba tuna umoja naye, na papo hapo tunaishi gizani, tutakuwa tumesema uongo wala hatuishi kwa ukweli kwa maneno na matendo.

“Jihadharini msije mkafanya matendo yenu mema mbele ya watu kusudi mwonekane nao. La sivyo, Baba yenu aliye mbinguni hatawapeni tuzo.

Wewe wataka unyofu wa ndani; hivyo nifundishe hekima moyoni.

Na tuishi kwa adabu kama inavyostahili wakati wa mchana, na wala sio kwa ulafi na ulevi, uchafu na uasherati, ugomvi na wivu.

Nitawaangalia kwa wema watu walio waaminifu, wapate kuishi pamoja nami. Watu wanyofu ndio watakaonitumikia.

hafurahii uovu, bali hufurahia ukweli.

Msijidanganye wenyewe kwa kusikiliza tu neno lake, bali litekelezeni kwa vitendo.

Afadhali kuwa na sifa nzuri kuliko mali nyingi; wema ni bora kuliko fedha au dhahabu.

Moyo wa mwadilifu hufikiri kabla ya kujibu, lakini kinywa cha mwovu hububujika uovu.

Uniepushe na njia za upotovu; unifundishe kwa wema sheria yako.

Nachukia kabisa uongo, lakini naipenda sheria yako.

Mwenye busara hutafuta maarifa, lakini wapumbavu hujilisha upuuzi.

Tuzingatie kabisa tumaini letu tunalokiri, maana Mungu aliyefanya ahadi zake ni mwaminifu.

Jibu lililo la haki, ni kama busu la rafiki.

Kumcha Mwenyezi-Mungu ni shule ya hekima; kabla ya kuheshimika ni lazima kuwa mnyenyekevu.

Mwenye mwenendo mnyofu humcha Mwenyezi-Mungu, lakini mpotovu humdharau Mungu.

Maadamu sasa, kwa kuutii ukweli, nyinyi mmezitakasa roho zenu na kuwapenda wenzenu bila unafiki, basi, pendaneni kwa moyo wote.

Kwa hiyo ninajitahidi daima kuwa na dhamiri njema mbele ya Mungu na mbele ya watu.

Msema kweli hutoa ushahidi wa kweli, lakini shahidi wa uongo hutamka udanganyifu.

Yeyote aliye mwaminifu katika mambo madogo, atakuwa mwaminifu katika mambo makubwa; na yeyote asiye mwaminifu katika mambo madogo, hatakuwa mwaminifu katika mambo makubwa.

midomo yangu kamwe haitatamka uongo, wala ulimi wangu kusema udanganyifu.

Afadhali maskini aishiye kwa unyofu, kuliko tajiri aishiye kwa upotovu.

Mtu mwema huangaziwa mwanga gizani; mtu mwenye huruma, mpole na mwadilifu.

Nimechagua njia ya uaminifu; nimezingatia maagizo yako.

Zaidi ya hayo yote, ndugu zangu, msiape kwa mbingu, wala kwa dunia, wala kwa kitu kingine chochote. Semeni “Ndiyo” kama maana yenu ni ndiyo, na “La” kama maana yenu ni la, na hapo hamtahukumiwa na Mungu.

Mizani ya udanganyifu na vipimo vya udanganyifu, vyote ni chukizo kwa Mwenyezi-Mungu.

Heri wenye moyo safi, maana watamwona Mungu.

Na zile zilizoanguka kwenye udongo mzuri ndio watu wale wanaolisikia lile neno, wakalizingatia kwa moyo mwema na wa utii. Hao huvumilia mpaka wakazaa matunda.

Ee Mwenyezi-Mungu ukilinde kinywa changu, uweke ulinzi mlangoni mwa mdomo wangu.

Msiambiane uongo, kwani nyinyi mmekwisha vua ule utu wa kale pamoja na matendo yake yote,

Tumeyaacha kabisa mambo yote ya aibu na ya kisirisiri. Hatuishi tena kwa udanganyifu, wala kwa kulipotosha neno la Mungu; bali kwa kuudhihirisha ukweli twajiweka chini ya uamuzi wa dhamiri za watu mbele ya Mungu.

“Msiibe, msidanganye wala kuambiana uongo.

Afadhali maskini aishiye kwa unyofu, kuliko mtu mpotovu wa maneno na mpumbavu.

Afadhali mtu anayekuonya waziwazi, kuliko yule afichaye upendo.

Udhia wa mpumbavu hujulikana mara, lakini mwerevu huyapuuza matukano.

Mizani ya udanganyifu ni chukizo kwa Mwenyezi-Mungu, na vipimo visivyo halali ni kitu kibaya.

Mwadilifu huuchukia uongo, lakini mwovu hutenda kwa aibu na fedheha.

Wema na uadilifu vinihifadhi, maana ninakutumainia wewe.

Basi, kaeni tayari. Ukweli na uwe kama mkanda kiunoni mwenu, uadilifu uwe kama vazi la kujikinga kifuani,

Mizani ya udanganyifu ni chukizo kwa Mwenyezi-Mungu, lakini matumizi ya kipimo halali ni furaha kwake.

Tenga mbali nawe lugha potovu; wala midomo yako isitamke maneno madanganyifu.

Mwongo yeyote hatakaa nyumbani mwangu; hakuna msema uongo atakayekaa kwangu.

Hivi ndivyo mnavyopaswa kufanya: Kila mmoja wenu na amwambie mwenzake ukweli. Mahakama yenu daima na yatoe hukumu za haki ziletazo amani.

Midomo isemayo uongo ni chukizo kwa Mwenyezi-Mungu, lakini watu waaminifu ni furaha yake.

Kuna vitu sita anavyochukia Mwenyezi-Mungu; naam, vitu saba ambavyo ni chukizo kwake: Macho ya kiburi, ulimi mdanganyifu, mikono inayoua wasio na hatia,

Unyofu wa watu wema huwaongoza, upotovu wa wenye hila huwaangamiza.

Mali ipatikanayo kwa udanganyifu, ni mvuke upitao na mtego wa kifo.

Mfalme hupendelea mtu asemaye kwa unyofu; humpenda mtu asemaye ukweli.

Kwa hiyo, acheni uongo. Kila mmoja anapaswa kumwambia mwenzake ukweli, maana kila mmoja wetu ni kiungo cha mwili wa Kristo.

Ni mtu aishiye bila lawama, atendaye daima yaliyo mema, asemaye ukweli kutoka moyoni;

Aishiye kwa unyofu huishi salama, apotoshaye maisha yake atagunduliwa.

Basi, acha kusema mabaya, na kuepa kusema uongo.

“Usimshuhudie jirani yako uongo.

umejibana kwa maneno yako mwenyewe, umejinasa kwa ahadi uliyofanya.

Ukweli hudumu milele, lakini uongo ni wa kitambo tu.

Neno la Mwenyezi-Mungu ni la kweli; na matendo yake yote ni ya kuaminika.

Pimeni kila kitu: Zingatieni kilicho chema, na kuepuka kila aina ya uovu.

Ukisema, ‘Ndiyo’, basi iwe ‘Ndiyo’; ukisema, ‘Siyo’, basi iwe kweli ‘Siyo’. Chochote kinachozidi hayo hutoka kwa yule Mwovu.

Mali ya harakaharaka hutoweka, lakini akusanyaye kidogokidogo ataiongeza.

Mawazo ya mwadilifu ni ya haki; mashauri ya mwovu ni ya udanganyifu.

Mwangalie mtu mwema, mtu mwadilifu; mtu anayependa amani hujaliwa wazawa.

Mtu mwadilifu akiishi kwa unyofu; watoto wake atakaowaacha watabarikiwa.

Anayejikweza atashushwa, na anayejishusha atakwezwa.

Ee Mwenyezi-Mungu, unitetee, maana nimeishi bila hatia, nimekutumainia wewe bila kusita.

Lakini hekima itokayo juu mbinguni, kwanza ni safi; inapenda amani, upole na huwajali watu; imejaa huruma na huzaa matunda ya matendo mema; haina ubaguzi wala unafiki.

Mtuombee na sisi. Tuna hakika kwamba tunayo dhamiri safi, maana twataka kufanya lililo sawa daima.

Ni mtu aishiye kwa uadilifu na asemaye ukweli; mtu anayedharau kabisa utajiri wa dhuluma, anayekataa hongo kata kata, asiyekubali kamwe kusikia mipango ya mauaji, wala hakubali macho yake yaone maovu.

Mapendo yenu na yawe bila unafiki wowote. Chukieni jambo lolote ovu, zingatieni jema.

Basi, nyinyi mcheni Mwenyezi-Mungu na kumtumikia kwa uaminifu kwa moyo wenu wote. Kumbukeni yale mambo makuu aliyowatendea.

Hakuna atoaye madai yake kwa haki, wala anayeshtaki kwa uaminifu. Mnategemea hoja batili; mnasema uongo. Mnatunga hila na kuzaa uovu.

Fikira za mtu zimefichika kama kilindi cha maji; lakini mtu mwenye busara ajua kuzichota humo.

Basi, chochote mfanyacho iwe ni kula au kunywa, fanyeni yote kwa ajili ya utukufu wa Mungu.

Msilipe ovu kwa ovu. Zingatieni mambo mema mbele ya wote.

Kama yasemavyo Maandiko Matakatifu: “Anayetaka kufurahia maisha, na kuona siku za fanaka, ajizuie asiseme mabaya aepe kusema uongo.

Mungu amekuonesha yaliyo mema, ewe mtu; anachotaka Mwenyezi-Mungu kwako ni hiki: Kutenda mambo ya haki, kupenda kuwa na huruma, na kuishi kwa unyenyekevu na Mungu wako.

Uniongoze katika ukweli wako na kunifundisha, kwani wewe ni Mungu, mwokozi wangu; ninakutegemea wewe kila siku.

Midomo ya waadilifu hujua yanayokubalika, lakini vinywa vya waovu husema tu maovu.

Upumbavu ni furaha kwa mtu asiye na akili, lakini mwenye busara huchagua njia iliyo sawa.

Nia yetu ni kufanya vema, si mbele ya Bwana tu, lakini pia mbele ya watu.