Yowanane 16:3 - MUKANDA WA MYIDI MUKULU

³ Nebanuenze nanku, bualu kabavua bamanye Tatu, nansha meme.

Mukanda wa Nzambi Dihungila Dikulukulu ne Dihungila Dihia-dihia 2003

³ Nebenze malu â bualu bua kabakamanya Tatu, kabakanmanya meme kabidi.

Yowanane 16:3 Marejeleo ya Msalaba

Yowanane 15:21

Kadi nebanuelele bionsu abi amu bualu buanyi. Bualu kabena bamanye utua muntume.

Yowanane 17:25

Tatu muimpe, ba pa buloba kabena kakumanye, kadi meme ndi mukumanye. Bobu aba mbamanye ne: uvua muntume.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Yowanane 8:55

Kadi kanuena bamumanye. Meme ndi mumumanye. Bu meme muambe ne: Tshiena mumumanye, mvua kuikala muena dishima munudi nuenu. Kadi ndi mumumanye. Ndi ntumikila miaku yende.

Yowanane 8:19

Bobu kumukonka ne: — Tatu webe udi penyi? Yezu kubandamuna ne: — Kanuena bamanye nansha meme, nansha Tatu. Bu nuenu bammanye meme, nuvua mua kumanya kabidi Tatu wanyi.

1 Yone 4:8

Muntu udi kayi unanga, kena mumanye Mvidi Mukulu, bualu Mvidi Mukulu udi dinanga.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

1 Korente 2:8

Nansha umue wa ku bamfumu ba pa buloba ebu kavua mujingulule meji aa. Bu bobu baajingulule, kabavua mua kupopela Mfumu, udi wenza tshintu tshimue ne Mvidi Mukulu mu butumbi buende, pa mutshi mutshiamakane.

Yowanane 15:23

Muntu udi unkina, mmukine kabidi ne Tatu wanyi.

Luke 10:22

“Tatu wanyi mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, anu Muana nkayende, kabidi ne bantu badi Muana musue kumanyisha Tatuende.”

1 Timote 1:13

nansha mumvua mumujane kale, mumukengeshe, mumupende. Kadi Mvidi Mukulu kumfuila luse, bualu tshivua ne ditaba, tshivua mumanye tshimvua ngenza.

Bienzedi 3:17

Kadi, bana betu, ndi mumanye se: nuenu ne bamfumu benu, nudi benze bualu ebu, bualu kanuvua bamanye Yezu.

1 Yone 2:23

Bualu muntu udi ubenga Muana, udi ubenga kabidi ne Tatu. Kadi udi witaba Muana, udi udisanga kabidi ne Tatu.