Yona 3:4 - MUKANDA WA MYIDI MUKULU

⁴ Yona mumane kuenda dituku dimue mu tshimenga tshia Ninive, uvua ukobola muaku, wamba ne: “Matuku makumi anayi mamane kupita, Ninive neabutuke.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yona mumane kuenda luendu lua dituku dimue munda mua musoko, wakabanga kuela dî ne, Hahita matuku makumi anai, nebabutule Ninewe.

Yona 3:4 Marejeleo ya Msalaba

2 Bakalenga 20:1

Tshikondu atshi, mukalenga Izkiya kupeta disama dia lufu. Muambi Yeshaya, muana wa Amosa, kufika bua kumusamba, umuambila miaku ivua Maweja-Nangila muambe ne: — Diba diakumbanyi bua wewe kudilongolola, bualu mu disama edi, kuena upanda to, neufue.

2 Bakalenga 20:6

Nenkushiye kabidi ne muoyi bidimu dikumi ne bitanu! Wewe ne Yerushalayime, nennusungidile mu bianza bia mukalenga wa bena Ashure. Nendame tshimenga etshi, bualu meme ndi Mvidi Mukulu, kabidi ndi nnanga Da-vide, muntu wanyi kashidi.”

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yirmeya 42:10

“Panuikala bapingana mu ditunga, nengasulule tshisamba tshienu. Tshiakutshibutula to. Nentshishindike tshiasa miji. Tshiakutshitula to. Nanku, nennyingalale bua dikenga dimvua munutumine.

Yona 3:10

Maweja-Nangila kumona muvua bena Ninive balekela buenzayi buabu. Nanku, kutuyishaye tshiji tshivuaye natshi. Kulekelaye mua kubanyoka nuwuaye mubakanyine.

Matayi 12:41

Dituku didi Mvidi Mukulu ukosa nsambu, bena Ninive nebabike bua kufunda bena lelu ku tshilumbu. Bualu bena Ninive bavua badilengeja pavuabu bumvua dilongesha dia Yona. Kadi apa padi muntu udi mupite Yona.

Luke 11:30

Bualu bu muvua Mvidi Mukulu utuma Yona kudi bena Ninive, bua kubaleja tshivuaye ujinga, ke mudiye utuma Muana wa muntu kudi bena lelu.

Luke 11:32

Dituku didi Mvidi Mukulu ukosa nsambu, bena Ninive nebadiwule bena lelu. Bualu bena Ninive bavua badilengeja, pavuabu bumvua muambi Yona ubalongesha. Kadi patudi apa padi muntu mupite Yona!

Dielulula 18:22

Nanku padi muambi unuambila bualu mu dina dia Maweja-Nangila, kabuyi buenzeka muvuaye muambe amu, numanye ne: ki mbua kudi Maweja-Nangila to. Muambi uvua udiambila bualu abu nkayende. Kanutshinyi, kanuteleji muambi wa nanku to.