Yona 1:7 - MUKANDA WA MYIDI MUKULU

⁷ Pashishe, bitshi ba buatu kuambilangana ne: — Tutshinkayi, bua kujadika muntu udi mudikebele dikenga edi. Bobu kutshinka, kupeta Yona.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakambilangana ne, Tuye kuela nshobo bua kumanya ne bualu ebu bubi budi butukuata mbua nganyi? Nunku bakela nshobo, nshobo yakakuata Yona.

Yona 1:7 Marejeleo ya Msalaba

Estere 3:7

Mu ntuadijilu wa tshidimu tshia dikumi ne tshibidi tshivua Ahashaveroshe mulale mu bukalenga, ngondu wa kumpala wa Nisane, Amane kutshinkisha ne Purime, bua kumanya dituku dia ngondu divuaye ne bua kukumbaja meji avuaye muele. Ditshinka kuleja dituku dia dikumi ne dibidi dia ngondu wa Adare.

Yobe 10:2

Nenkandike Mvidi Mukulu ne: kumfundidi tshibawu to. Kadi ummanyishe tshilumbu tshindi natshi!

Misambu 22:18

Tshinyanu ntshinkuate. Mifuba yanyi yonsu idi imueneka patoke! Baluishi banyi badi bimana, banjooja banseka.

Nsumuinu 16:33

Bantu badi batshinka bidi mua kuenzeka, kadi Maweja-Nangila ke udi ushindika bualu muende mudiye musue.

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

Matayi 27:35

Kumupopelabu pa mutshi mutshiamakane. Kuabanyanganabu bilamba biende, bilondeshile muvuabu batshinke.

Bienzedi 13:19

Kubutulaye bisamba muanda mutekete mu buloba bua Kenaane. Kufilaye buloba buabi kudi bantu bende ne: mbuenu.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

Yoshua 7:10

Maweja-Nangila kuandamuna Yoshuwa ne: — Banduluka! Muudi mudiele mpala panshi mmunyi?