Yobe 7:9 - MUKANDA WA MYIDI MUKULU

⁹ Amu bu mudi divuba divingutuka, dijimina, ke mudi bantu bafua, baya kabayi mua kupingana panu kabidi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bu mudi ditutu ditangadika ne dijimina, nunku muntu wahueka mu Muaba wa Bafue kena uhingana kabidi,

Yobe 7:9 Marejeleo ya Msalaba

2 Samuele 12:23

Kadi mpindiewu, muana mmumane kufua, nenjile kabidi biakudia bua tshinyi? Kashidi meme tshiena mua kubisha muana ku lufu to! Meme nennye muaba udi muana, kadi muana kena upingana kundi meme to.

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

Yobe 10:21

Nkadi makasa matangila mu ditunga dia bafue, dia miidima, tshiena mua kupingana panu to.

Yobe 11:8

Bukole buende mbupite bua diulu, tshiudi mua kuenza ntshinyi? Budi ne bondoke bupite bua dijimba dia bafue, tshiudi mua kushikuluja ntshinyi?

Yobe 16:22

Eyowa, angambuluishe, bualu matuku anyi mmabale ku minu. Ndi nya mu njila udibu kabayi batua bapingana.

Yobe 17:13

Ndi mua kutekemena kabidi tshinyi? — Nembuele mu dijimba dia bafue, bua meme kulala mu miidima.

Yobe 17:16

Bindi mutekemene bidi biya nanyi mu dijimba dia bafue. Tudi tuya kuikisha nabi mu lupuishi.

Yobe 3:13

Bu meme mufue kuonsu aku, mvua mua kuikala mu lukita talalaa, muikishe mu bupole.

Yobe 30:15

Bowa budi bunkuata nseke yonsu. Buneme buanyi mbupepuka bu buambula kudi lupepele. Diakalenga dianyi ndimane kujimina bu mudi divuba dipita.

Yobe 37:11

Mvidi Mukulu udi uwuja mavuba ne mayi, watuma ne mikenya ya mvula munda muawu.

Misambu 39:13

Maweja-Nangila, teleja mundi nkutendelela, teya matshi ku lubila luanyi. Pandi ndila muadi, ungambuluishe. Bu muvua bankambua banyi bonsu, ndi amu muenyi kumpala kuebe, tshiyi ne diyi dia kuamba.

Yeshaya 26:14

Bamfumu betu ba kale bakadi bamane kufua, kabena bapeta muoyi kabidi to. Badi amu bu mundidimbi, kabena bajuuka kabidi to. Bushuwa, wewe ke uvua ubanyoka, ubabutula. Muntu nansha umue kena mua kubavuluka kabidi to.

Yeshaya 38:11

Meme kuamba kabidi ne: tshiakumona kabidi Maweja-Nangila pa buloba bua ba-muoyi; tshitshiena mua kutangila mpala nansha umue wa muntu udi muase panu.