Yobe 7:1 - MUKANDA WA MYIDI MUKULU

¹ Bantu badi ne lutatu lukole pa buloba, badi benza mudimu bu bapika.

Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu kena ne tshikondo tshia kuenzeye mudimu mukole hanshi ha buloba, anyi? Matuku andi kaena bu a muena mudimu wa difutu, anyi?

Yobe 7:1 Marejeleo ya Msalaba

Yobe 10:17

Udi unsongakaja ne bantu bapiabapia, badi banjadikila ne malu a dishima, bua umone mua kumvudijila tshiji tshiebe, kunduisha amu kunduisha mishindu yonsu.

Yobe 14:1

Muntu udi amu bu muana mulela kudi mukaji. Udi usomba panu amu matuku mabale ku minu, mu dikenga ne mu lutatu.

Yobe 5:7

Kadi dikenga dionsu didi difuma munda mua muntu bu mudi tuntolentole tua kapia tupatuka mu kapia.

Yobe 7:2

Muntu udi bu mupika mu munya mukole udi ukeba dileji, bu mudi muena mudimu mupele utekemena bua bamufute.

Misambu 39:4

Muoyi wanyi unduluka munda, meji amvua ngela avua angosha. Ke meme kuakula ne:

Muambi 8:8

Muntu nansha umue kena ne mushindu wa kushala ne muoyi panu. Muntu nansha umue kena mua kuseja dituku dia lufu luende panyima. Ke mvita idi muntu nansha umue kayi mua kunyema. Muena tshibawu nebamunyoke kamuyi mpata.

Yeshaya 16:14

Lelu Maweja-Nangila udi wamba ne: “Papita bidimu bisatu, amu dituku dia lelu, nebaseke bena Mowabe bonsu, ne bilobu biabu mene. Bantu babu badi bashala ne muoyi, nebikale bakese kabayi ne bukole.”

Yeshaya 21:16

Nenku Maweja-Nangila uvua mungambile ne: “Papita tshidimu tshimue, amu tufika dituku ditudi lelu, lumu lua Kedare nelujike.

Yeshaya 38:5

kuambila Izkiya ne: “Maweja-Nangila Mvidi Mukulu wa nkambua webe Davide udi wamba ne: — Ndi mumvue ditendelela diebe. Ndi mumone binsonji biebe. Nanku, neushale kabidi ne muoyi bidimu dikumi ne bitanu.

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Lewitiki 25:50

Kadi padiye musue kudipikula, pamue ne muntu uvua mumusumbe, babale bungi bua bidimu bidi bipite, katshia bamusumbe too ne ku tshidimu tshia ‘Mufikilu’ wa disanka dinene. Nebapuekeshe mushinga wa kudipikula bilondeshile bungi bua bidimu bidiye mulale mu bupika. Nebatshinke difutu dia mudimu uvuaye mukuate bilondeshile difutu didi muena mudimu upeta ku dituku ku dituku.

Dielulula 15:18

Kanuikadi ne kanyinganyinga bua kupesha mupika budikadidi to. Bualu bidimu bisambombu bidiye munuenzele mudimu, mmunupeteshe bintu bia bungi, bipite misangu ibidi binuvua mua kupeta kudi muena mudimu unudi nufuta. Nanku mupika apete anu budikadidi, bua Maweja-Nangila Mvidi Mukulu wenu anusankishe mu bionsu binudi nuenza.