Yobe 3:4 - MUKANDA WA MYIDI MUKULU

⁴ Dituku adi dikale dia miidima mikole. Mvidi Mukulu kadivuluki! Butoke kabuditokeshi nansha.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Dituku adi dikale mîdima; Nzambi wa mu diulu kadikebi; munya kauditemenyi.

Yobe 3:4 Marejeleo ya Msalaba

Yobe 3:3

Akia, Mvidi Mukulu ajimije dituku divuabu bandele, ne butuku buvuabu bamba ne: “Mbimite muana wa balume!”

Yobe 3:5

Miidima mikole idikuate! Divuba difike didibuikile! Ngondu ajimije nsese ya diba, akuatshishe bantu bowa.

Yowele 2:2

Dituku adi ndia miidima mikole, ndia mavuba ne mabungi. Tshisumbu tshia mpasu tshidi tshifika, tshinene, tshikuatshisha bowa! Tshidi tshifikisha panshi, bu mudi butuku bufikisha pa mikuna. Katshia kabena banji kumona bualu bua mushindu ewu, kabena mua kubumona kabidi to.

Amosa 5:18

Bantu badi batekemena dituku dia Maweja-Nangila, didiye ne bua kudileja patoke, mbena diakabi. Dituku adi nedinulengelele ku tshinyi? — Nekuikale amu midima, butoke kabuyi bumueneka!

Matayi 27:45

Munda munya, midima kuenzeka mu ditunga dijima. Kunengayi meba asatu.

Bienzedi 27:20

Matuku a bungi, katuvua tumona diba, nansha mitotu. Tshipepele tshivua amu tshikole. Katuvua kabidi batekemene ne: netupande to.

Dielulula 11:12

Maweja-Nangila Mvidi Mukulu wenu, ke udi ulama buloba abu, ku ntuadijilu wa tshidimu too ne ku ndekelu watshi.

Didimanyisha 16:10

Mutumibue muitanu kuitshikija dikopu diende pa nkuasa wa bukalenga wa nyama. Ke bukalenga bua nyama kudiina mu miidima. Bantu bavua bakenga, badisuma menu ku ludimi bua dikenga.