Yobe 2:9 - MUKANDA WA MYIDI MUKULU

⁹ Mukajende kumuambila ne: — Utshidi amu ulamata Maweja-Nangila muebe muuvua amu bua tshinyi? Umuele mulawu! Umutshipe. Utue!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mukashi wandi wakamukonka ne, Wewe utshidi unanukila kulamata ku buakane buebe, anyi? Diula Nzambi ne fuaku biebe!

Yobe 2:9 Marejeleo ya Msalaba

Genese 3:12

Mulume kuandamuna ne: — Anu mukaji uuvua mumpeshe ke udi muntuadile tshimuma, meme panyi kutshidia.

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

1 Bakalenga 11:4

Shelomu mumane kukola mukulakaje, bakaji aba kumuibidija mua kutendelelaye mvidie mikuabu. Shelomu katshivua munange Maweja-Nangila Mvidi Mukulu wende ne muoyi mujima, bu muvua tatuende Davide mumunange to.

2 Bakalenga 6:33

Patshivua Muambi Elisha wakula, ke mukalenga kufika, wamba ne: — Maweja-Nangila ke udi unkengesha nunku! Kadi tshia nsongu tshindi mua kutekemena kabidi kudiye ntshinyi?

Yobe 1:11

Ndi nkujadikila ne: bu wewe mua kumunyenga bionsu bidiye nabi, neakuele mulawu bantu bonsu bumvue.

Yobe 2:10

Yobe kuandamuna mukajende ne: — Udi wakula bu mukaji udi kayi ne lungenyi to. Patudi tupeta masanka mavule kudi Mvidi Mukulu, tudi tumuanyisha, mutudi mua kumubenga bua makenga adiye ututumina mbishi? Yobe kavua mujane Mvidi Mukulu nansha mu makenga makuabu aa avua mamukuate!

Yobe 2:3

Maweja-Nangila kumuebeja ne: — Uvua mumone muntu wanyi Yobe anyi? Pa buloba kapena muntu udi mufuanangane nende nansha. Yeye udi unnemeka, ungitaba. Udi muntu muimpe. Mmubenge malu mabi. Uvua munsake amu bua meme kumukengesha kapayi bualu. Kadi nansha nanku, utshidi amu undamata.

Yobe 2:5

Kadi ndi nkujadikila ne: bu wewe mua kumunyanga mubidi, neakuele mulawu bantu bonsu bumvue.

Yobe 2:8

Yobe kuya kusomba mu butu, kuangula tshiyoyi tshia luesu bua kudikuanya natshi.

Lewitiki 24:11

Dina dia mamuende divua Shelomite, muana wa Dibri, wa mu tshisamba tshia Dane. Nsongalume awu kuluangana ne muena Izrayele mukuabu. Kutuadijaye kupenda Mvidi Mukulu, usendeka dina diende. Diakamue bena Izrayele kumufunda kudi Moshe.

Malaki 3:14

Nuvua nuamba ne: ‘Kukuatshila Mvidi Mukulu mudimu kakuena ne difutu to. Tuvua bitabe mikenji yende, banyingalale, bua Maweja-Nangila kutufuilaye luse, kadi katuvua bapete bualu bua nsongu nansha bumue.

Balombodi 14:17

Mukaji wa Shimeshone uvua anu umutatshisha ne muadi matuku onsu muanda mutekete a tshibilu tshia dibaka. Dituku dia ndekelu, Shimeshone kumujinguluila muanu, bualu bikavua bimutonda. Ke mukaji kuambila bana babu dimujinguluila adi.