Yobe 1:21 - MUKANDA WA MYIDI MUKULU

²¹ Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Wakamba biandi ne, Nakaluhuka mu difu dia mamuʼanyi butaka, nempingane butaka. Yehowa wakampa bintu, Yehowa wakangata bintu; dina dia Yehowa ditumbishibue.

Yobe 1:21 Marejeleo ya Msalaba

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Genese 30:2

Yakobe kufikila Rakele munda, umuambila ne: — Meme tshiena Mvidi Mukulu udi mukukandike ne: kuledi to!

Genese 45:5

Kadi kanutshinyi, kanupampakanyi bua panuvua bampane. Mvidi Mukulu ke uvua muntume kumpala kuenu, bua mmone mua kunupandisha.

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

1 Bakalenga 12:15

Nanku, mukalenga Robowame kavua muitabe dilomba dia bena Izrayele to. Maweja-Nangila Mvidi Mukulu ke uvua muenzeje bionsu abi, bua kukumbaja bualu buvuaye mumane kuambila muambi Akiya ku Silo bua kumanyishaye Yerobowame, muana wa Nebate.

2 Bakalenga 20:19

Izkiya kuandamuna Yeshaya ne: — Tshidi Maweja-Nangila muambe tshidi bualu buimpe. Izkiya uvua udiambila munda munda ne: “Nanku pantshidi ne muoyi, netuikale basombe bimpe mu bupole!”

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Yobe 1:11

Ndi nkujadikila ne: bu wewe mua kumunyenga bionsu bidiye nabi, neakuele mulawu bantu bonsu bumvue.

Yobe 2:10

Yobe kuandamuna mukajende ne: — Udi wakula bu mukaji udi kayi ne lungenyi to. Patudi tupeta masanka mavule kudi Mvidi Mukulu, tudi tumuanyisha, mutudi mua kumubenga bua makenga adiye ututumina mbishi? Yobe kavua mujane Mvidi Mukulu nansha mu makenga makuabu aa avua mamukuate!

Yobe 9:12

Udi mua kunyenga Mvidi Mukulu tshidiye wangata nganyi? Muntu kena mua kumukimina, kumuebeja ne: “Tshiudi wenza ntshinyi?”

Misambu 34:1

Musambu wa mu mukanda wa misambu ya Davide muimbe pavuaye mudienze bu mupale kumpala kua Abimeleke, Abimeleke kumuipata mu lubanza luende lua bukalenga.

Misambu 34:2

Nengele Maweja-Nangila tuasakidila diba dionsu, nemmusamune matuku onsu.

Misambu 39:9

Unsungidile ku bubi buanyi buonsu, kabanseki kudi bidingidingi.

Misambu 49:17

Kupampakanyi padi muntu unema, nansha bubanji buende bupite kuvulangana.

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Muambi 5:14

Amu muvuabu bamulele butaka kudi mamuende, ke mudiye ushiya buloba kayi ne kantu. Nansha yeye mukuate mudimu bikole, kena upeta tshintu, kena mua kuya ne kantu.

Muambi 5:15

Ndiakabi kaayi edi! Udi umuka pa buloba, amu muvuaye mufikepu! Mmuenze mudimu bua kupeta tshinyi? Amu lupepele!

Muambi 5:19

Bu mudi muntu ewu upeta disanka kudi Mvidi Mukulu, kena uvuluka mudi matuku ende a panu makese be!

Yeshaya 24:15

“Nuenu bena ku luseke ludi diba dipatukila, tumbishayi Maweja-Nangila. Nuenu badi basomba ku mielelu ya mayi manene, kobolayi dina dia Maweja-Nangila Mvidi Mukulu wa Izrayele.”

Yeshaya 42:24

— Uvua mufile bena Izrayele, tshisamba tshia Yakobe, kudi bantu bua babapawule, babanyenge bintu biabu, nnganyi? Maweja-Nangila ke uvua muenze nanku. Yeye utuvua badiombole. Izrayele kavua musue kulonda njila uvua Mvidi Mukulu mumuleje. Kavua muteleje diyi diende.

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Muadi 3:38

Ku bidi Mvidi Mukulu Muena kulu wamba, ke kudi kufumina bionsu, diakabi nansha diakalenga.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Matayi 20:15

Tshiena mua kuenza mundi musue ne nkanu yanyi anyi? Udi umvua lubabu, bualu ndi ne muoyi muimpe anyi?”

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Efeze 5:20

Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

1 Tesalonike 5:18

Nuele Mvidi Mukulu tuasakidila mu malu onsu adi enzeka. Ke tshidi Mvidi Mukulu unulomba nuenu badi badisanga ne Yezu Kristu.

1 Timote 6:7

Bualu katuvua balue panu ne kantu, katuakumukapu ne kantu.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Yakobe 5:11

Tudi tubamba ne: mbena diakalenga, bualu bavua bananukile. Nukadi bumvue muvua Yobe mulame lutuulu, kabidi muvua Mfumu mumusankishe ku ndekelu. Bualu Mfumu udi muena dinanga ne luse.

Rute 1:21

Musangu umvua mumbuke munemu, mvua ne bintu bia bungi. Kadi mpindiewu, Maweja-Nangila kumpingaja bianza bitupu. Bua tshinyi nutshidi numbikila ne: Nowemi, padi Maweja-Nangila wa bukole buonsu mumane kumbenga, munkebele diakabi.

1 Samuele 2:7

Maweja-Nangila udi uvuija muntu mupela nansha mubanji. Udi umupuekesha milongu, nansha umubandisha.

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.

1 Samuele 3:18

Nanku Samuwele kena musokoke bualu nansha bumue. Eli kuamba ne: — Yeye udi Maweja-Nangila! Enze mudiye musue.