Yeshaya 33:3 - MUKANDA WA MYIDI MUKULU

³ Paudi utonoka, bantu badi banyema mbilu. Paudi ujuuka kulu, bisamba bidi bitangalaka.

Mukanda wa Nzambi Dihungila Dikulukulu ne Dihungila Dihia-dihia 2003

³ Hunvuabo tshibingu, bantu badi banyema; hawadibandisha mulu, bisamba bia bantu bidi bitangadike.

Yeshaya 33:3 Marejeleo ya Msalaba

Misambu 46:6

Mvidi Mukulu udi mu tshimenga etshi. Nanku kabena mua kutshibutula. Butuku kabuyi buanji kutshia, ukadi uvua kutshiambuluisha.

Misambu 59:11

Mvidi Mukulu wanyi udi unnanga. Ke mudiye ungambuluisha, undeja mudi baluishi banyi babutuka bonsu.

Yeshaya 21:15

Bualu bavua banyeme muele wa mvita, banyeme muele ukavua ubashipa, banyeme buta bukavuabu bamane kunana, banyeme mvita ikavua mikole.

Yeshaya 33:4

Diba adi, netupawule bintu, mudi mpasu imata panshi, idia bisosa. Tudi tudiela pa bia baluishi betu, mudi mikumbi ikila pa bia mu madimi.

Yirmeya 25:30

Maweja-Nangila kungambila kabidi ne: — Ubambile bionsu bindi nkuambila ebi, usakidila kabidi ne: Mulu muamua Maweja-Nangila udi ukungula, mudi nyama wa ntambue wenza. Mu nzubu wende wa tshijila, udi wela diyi dikole. Udi ukungula ulekela bantu bende tshiji. Mudi bantu bela mbila padibu bakama tumuma tua mvinyo, batudiata, Mvidi Mukulu kabidi udi wela mbila mikole.

Yirmeya 25:31

Mutoyi udiye wenza udi ufika kudi bantu bonsu ba pa buloba, too ne ku ndekelu kua buloba. Maweja-Nangila udi wasa bisamba bionsu tshilumbu, ubibikila ku kabadi kende. Kadi bantu bonsu bena tshibawu neabashipe. Ke tshivua Mvidi Mukulu mungambile.

Misambu 68:2

Padi Mvidi Mukulu ujuka, uya ku mvita, baluishi bende badi batangalaka, bena lukuna bende badi bamunyema lubilu.