Yakobe 5:1 - MUKANDA WA MYIDI MUKULU

¹ Mpindiewu ndi nnubela nuenu, bena biuma! Dilayi, nutue mikemu, bualu makenga neanukuate!

Mukanda wa Nzambi Dihungila Dikulukulu ne Dihungila Dihia-dihia 2003

¹ Ahu nuenu, bantu babanshi, nudile bienu, nuele mbila bualu bua makenga akadi ba kulua kunudi.

Yakobe 5:1 Marejeleo ya Msalaba

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Nsumuinu 11:28

Udi utekemena kudi biuma biende neajimine bu mudi mabeji a mutshi amata panshi. Kadi bantu bimpe nebasampile bu tshifufu tshia mutshi utshidi ne mabeji mabishi.

Nsumuinu 11:4

Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Yeshaya 15:3

Mu misesu ya mu bimenga, bantu badi bavuala bilamba bia madilu. Bonsu badi bela miyenga, badila pa mitu ya nzubu, ne mu bisalu.

Yirmeya 4:8

Vualayi bilamba bikayapale, nudile miadi, nudituute bianza pa tshiadi. Bualu Maweja-Nangila utshidi ne tshiji, unulondakaja ne tshiji tshiende tshikole.

Yirmeya 9:23

Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Yezekiyele 19:2

Mamuebe uvua nyama wa ntambue wa dikima, uvuabu banemeka kudi ntambue mikuabu milume. Uvua mulale munkatshi mua bana bende, wamusha tuana tuende dibela.

Yezekiyele 30:2

— Muntu, akula, umanyishe bindi meme Maweja-Nangila Mvidi Mukulu ngamba ne: “Nuenu bena Ejipitu, asayi miadi ya madilu, bualu dituku dikadi pabuipi, didi Maweja-Nangila uleja tshiji tshiende.

Yowele 1:11

Babidime badi bapampakana, bena madimi a mionji ya nwinyo badi bateketa mu maboku, bualu ntete yonsu mmijimine, bia pa madimi bionsu mbifue.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yowele 1:5

Nuenu bakuatshiki ba maluvu, jukayi, dilaayi! Nuenu bonsu banu ba nwinyo, asayi miadi! Bualu bishi mbimane kudia tumuma tuonsu; nanku kanuakunua kabidi nwinyo mupiamupia!

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Sefanya 1:18

Dituku didi Maweja-Nangila ufika munda, tshiamu tshitoke tshia mushinga mukole, nansha mpawungi, kabiena mua kubasungidila. Buloba bujima nebubutuke, ku kapia ka tshiji tshiende. Neabutule bantu bonsu ba pa buloba. Eyowa, bionsu ebi nebikuatshishe bantu bowa.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Yakobe 1:11

Diba didi dibanda ne luya luadi, diumisha bisosa. Tshilongu tshidi tshipona panshi, bulenga buatshi budi bujika. Ke mudi muena biuma ujimina munkatshi mua midimu yende.

Yakobe 2:6

Kadi nuenu nudi nupetula bapele! Badi banukengesha, banufila miaba idibu balambuluisha bantu, ki mbena biuma anyi?

Yakobe 4:13

Mpindiewu ndi nnubela, nuenu badi bamba ne: “Lelu, nansha maloba, netuye mu tshimenga kampanda. Netusombemu tshidimu tshijima, tuende mushinga, tupete mateta.”

Yakobe 4:9

Lejayi dibungama, nudile muadi, nutue mikemu. Lekelayi kuseka, nudile. Lekelayi kusanka, nubungame.