Yakobe 1:5 - MUKANDA WA MYIDI MUKULU

⁵ Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

Yakobe 1:5 Marejeleo ya Msalaba

1 Kulondolola 22:12

Mvidi Mukulu akupeshe disunguluja dia malu ne lungenyi, padiye ukupesha bukalenga bua bena Izrayele, bua umone mua kuitaba ku mikenji yende.

2 Kulondolola 1:10

Umpeshe meji ne lungenyi, bua nkumbaje bimpe mudimu wanyi wa kulombola bantu aba. Wewe kuyi muenze nanku, kakuena udi mua kulombola bantu bebe bungi nenku.

Misambu 51:6

Ndi mukuenzele bibi amu wewe nkayebe, bualu ndi muenze biudi ubenga. Paudi umpisha, udi wenza amu pa bualu. Tshiena mua kuela mpata mushindu uudi undumbuluisha.

Ekesode 31:3

Mueyelu wanyi udi munda muende, bua ikale muntu wa lungenyi ne meji, mumanye mua kuenza midimu mishilangane.

Ekesode 31:6

Ndi muangate kabidi Okoliyabe, muana wa Akisamaka wa mu tshisamba tshia Dane, bua ikale umuambuluisha. Ndi mupeshe bantu bakuabu tshipedi tshia kuenza midimu ya bianza. Nanku, bonsu pamue nebenze bionsu bimvua mukuambile bua wewe kuenza:

Nsumuinu 8:17

Ndi munange badi bannanga. Badi bankebelamu nebampete.

Matayi 11:20

Pashishe Yezu kutuadija kudiwula bena bimenga bavua bamone bishima bivule bivua-ye muenze, bualu kabavua badilengeja to. Ke Yezu kuambila bimenga ebi ne:

Marke 16:14

Ku ndekelu, Yezu kumuenekela balongi dikumi ne umue pavuabu badia. Uvua ubatandisha bua pavuabu kabayi ne ditaba ne pavuabu ne muoyi mupape kabayi mua kuitaba bantu bavua bamane kumumona ne muoyi bamba.

Yowanane 14:13

Nengenze bionsu binualomba mu dina dianyi, bua Muana amueneshe butumbi bua Tatu.

Yowanane 15:7

Panudi bashale munda muanyi, kabidi miaku yanyi mishale munda muenu, lombayi binudi basue, nenubipete.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

2 Korente 2:16

Bua badi bajimina, dipembu adi didi diumvuika mupuya mubi udi ufila lufu. Bua badi mu njila wa lupandu, dipembu adi didi diumvuika mupuya muimpe udi ufila muoyi. Nanku udi ne bukole bua kukumbaja mudimu wa mushindu ewu nnganyi?

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

1 Yone 3:22

Bionsu bitudi tulomba, tudi tubipeta kudiye, bualu tudi tulonda mikenji yende, tuenza tshidiye musue.